Ronaldý Nıý-Iorkten 18,5 mln. dollarǵa páter satyp aldy

ASTANA. 18 tamyz. Aty álemge áıgili fýtbolshy Krıshtıaný Ronaldý Nıý-Iork qalasyndaǵy kóp qabatty úılerdiń birinen 18,5 mıllıon dollarǵa páter satyp aldy. Bul týraly New York Post basylymyna silteme jasaǵan sports.ru habarlady. Basylymnyń habarlaýynsha, 30 jastaǵy portýgal páterdi Besinshi avenıýda ornalasqan Tramp Tower kesheniniń 58-qabatynan satyp alǵan. Aýmaǵy 233 sharshy metrdi quraıtyn jyljymaıtyn múlik elıtalyq deńgeıdegi baspanalardyń qataryna jatady. BAQ ókilderi Ronaldýdyń bul áreketin ártúrli topshylaýda. Keıbireýler onyń aldaǵy ýaqytta Amerıka chempıonatyna (MLS) aýysýy múmkin ekenin habarlap úlgerdi. Tipti fýtbolshy «Nıý-Iork Red Býlls» nemese «Nıý-Iork Sıtı» komandalarynyń qataryna qosylady degen pikirler de aıtylýda. Aıta keteıik, atlet búginde Ispanııanyń «Real» (Madrıd) komandasynda oınaıdy. Forvardtyń koroldik klýbpen aradaǵy kelisimsharty 2018 jyly aıaqtalady. Elaman Qońyr. Derek: sports.ru. Sýret: popsugar.com.