Tabaldyryq astyndaǵy bomba

Shymkenttiń batys jaq betkeıindegi «Chapaevka» dep atalatyn shaǵyn aýdanynyń turǵyndary tańerteńgilik esik aldyna abaılap shyǵa­tyn boldy. Oǵan sebep – bir kezdegi renjisýdi kek saqtaý. Onyń esesin qaıtarý. Iá, tir­shilik bolǵannan keıin renjisý, shálkem-sha­lys sóz aıtylady ǵoı. Jaǵa jyrtylýy múmkin. Ýaqyt óte umtylar. Biraq, kúnderdiń kúninde sol oqıǵa esik aldynan aıaqqa kiretin shege, áınek, jarylǵysh zat bolyp «oralyp», úı ıeleriniń biri zardap shegip jatady. Taıaýda 11 jasar mektep oqýshysy esik aldyna tastaǵan jarylǵysh paketti basyp ketip, sol jaq tabany birinshi dárejeli kúıikke shaldyqty. Oblystyq IID jáne Eńbekshi aýdandyq AIIB qyzmetkerlerinen quralǵan jedel-tergeý toby bir táýlik ishinde «Chapaevka» shaǵyn aýdanynan kúdiktini ustady. Biraq, munymen is bitip, tir­lik rettele me?.. Arada kún ótpeı jatyp, taǵy bir qoldan jasalǵan bomba jaryldy. Bul joly 1976 jyly dúnıege kelgen azamattyń tabany kúıip qaldy. Turǵyndar osy shaǵyn aýdanda kezinde jarylǵysh daıyndaıtyn kásiporyn bolǵanyn aıtady. Aýyl turǵyndarynyń birazy sonda jumys istegen. Tá­jirıbe bar. Jarylysqa kerek bólshekter dúkenderde tolyp tur. Ońtaıy kelse esesi ketkennen kek alýdyń ońaı tásili osy eken. Baqtııar TAIJAN, «Egemen Qazaqstan». ShYMKENT.