Kezdesý barysynda taraptar «Abu Dhabi Commercial Bank (Kazakhstan)» AQ-ny iske qosý kezeńderin, sondaı-aq bank lısenzııasyn alý úshin qajetti uıymdastyrýshylyq jáne retteýshilik máselelerdi qarastyrdy.
ADCB Qazaqstanda ámbebap bank ashý josparyn alǵash ret 2024 jyldyń qarashasynda jarııalaǵan bolatyn. Buǵan deıin, 2024 jylǵy shildede top «Islam Banki Al Hilal» AQ aksııalarynyń 100 paıyzyn satyp alýǵa ruqsat alǵan. Keıin qarjy uıymy «Islam Banki ADCB» bolyp qaıta ataldy.
2026 jyldyń naýryzynda otandyq retteýshi ADCB-ge taǵy bir enshiles bank qurýǵa kelisim berdi. Al jańa bank 2026 jylǵy 20 sáýirde Qazaqstannyń ádilet organdarynda resmı tirkeýden ótti.
Islam bankiniń ekinshi deńgeıli bankterden aıyrmashylyǵy nede?
Agenttik málimetinshe, ADCB – Birikken Arab Ámirlikterindegi iri qarjy uıymdarynyń biri. Banktiń negizgi aksıoneri – Mubadala Investment Company ınvestısııalyq qory. Qarjy ınstıtýty halyqaralyq reıtıng agenttikterinen joǵary baǵalarǵa ıe jáne aktıv kólemi boıynsha BAÁ-degi 56 banktiń ishinde 3-orynda tur.
Qazaqstandaǵy enshiles «Islam Banki ADCB» aktıv kólemi boıynsha ekinshi deńgeıli bankter arasynda 21-orynda. 2025 jyldyń qorytyndysynda bank 6,3 mlrd teńge kóleminde qarjylyq nátıje kórsetken.
Tımýr Súleımenov: Bankterge halyqqa emes, bızneske nesıe berý tıimdi bola tústi
Qarjy naryǵyn retteý jáne damytý agenttiginiń habarlaýynsha, jańa bank dástúrli banktik qyzmettermen qatar, «ıslamdyq tereze» tetigi arqyly ıslamdyq qarjylandyrý baǵyttaryn da damytýdy josparlap otyr. Bul mehanızm klıentterge sharıǵat qaǵıdattaryna sáıkes qarjylyq ónimder men qyzmetterdi paıdalanýǵa múmkindik beredi.
