Qasıetti Ramazan aıynyń ekinshi jeksenbisinde aıagózdikterge tegin taksı qyzmeti usynyldy. Aýdan ákimdigi, qalalyq meshit jáne jastar ortalyǵy uıymdastyrǵan izgi aksııa aıasynda qala turǵyndary men qonaqtary bir kún boıy tegin taksımen júrdi.
Tańsáriden meshitke qaraı aǵylǵan aıagózdik jastar Ramazan aıynyń qurmetine oraı qolǵa alynǵan ıgilikti iske belsene atsalysty. Aıagóz qalalyq meshitiniń ımamy Dýman Nádiruly kúlli musylmannyń qasıetti aıynda atqarylǵan qaıyrymdylyq isterdiń saýaby mol bolatynyn jetkizip, qolǵa alynǵan izgi istiń berekeli bolýyna, eldiń yntymaǵyn arttyrar sharaǵa aınalýyna tilektestigin bildirdi.
Jeksenbi – qala turǵyndarynyń basym bóligi bos ýaqytyn paıdalanyp, bazar aralaıtyn kún. Bul kúni Aıagózdegi «Jaqsylyq» ortalyq bazaryna kelýshiler «Ramazan aıy qurmetine tegin taksı» degen jazýlary bar avtokólikterge tańyrqaı qarasty. «Meshit» jazýy bar jasyl tústi keýdemshe kıgen kólik júrgizýshileri bazarshylaǵan turǵyndardyń qoldaryndaǵy júkterin kóterisip, kólikterine otyrǵyzyp, dittegen jerine jetkizip tastap otyrdy.
Atalǵan sharaǵa on úsh avtokólik qatysty. Olardyń arasynda aıagózdikter «taksı apa» atap ketken aqsamaıly kólik júrgizýshisi Orazhan Esbaıqyzy da bar. Osylaısha, Ramazan aıynda jurtqa jaqsylyq jasap, halyqtyń kóńil-kúıin serpiltken aıagózdikter bul bastamany budan keıin de jalǵastyra beretindikterin bildirdi.
Dýman ANASh,
«Egemen Qazaqstan».
Shyǵys Qazaqstan oblysy,
Aıagóz aýdany.
Tańsáriden meshitke qaraı aǵylǵan aıagózdik jastar Ramazan aıynyń qurmetine oraı qolǵa alynǵan ıgilikti iske belsene atsalysty. Aıagóz qalalyq meshitiniń ımamy Dýman Nádiruly kúlli musylmannyń qasıetti aıynda atqarylǵan qaıyrymdylyq isterdiń saýaby mol bolatynyn jetkizip, qolǵa alynǵan izgi istiń berekeli bolýyna, eldiń yntymaǵyn arttyrar sharaǵa aınalýyna tilektestigin bildirdi.
Jeksenbi – qala turǵyndarynyń basym bóligi bos ýaqytyn paıdalanyp, bazar aralaıtyn kún. Bul kúni Aıagózdegi «Jaqsylyq» ortalyq bazaryna kelýshiler «Ramazan aıy qurmetine tegin taksı» degen jazýlary bar avtokólikterge tańyrqaı qarasty. «Meshit» jazýy bar jasyl tústi keýdemshe kıgen kólik júrgizýshileri bazarshylaǵan turǵyndardyń qoldaryndaǵy júkterin kóterisip, kólikterine otyrǵyzyp, dittegen jerine jetkizip tastap otyrdy.
Atalǵan sharaǵa on úsh avtokólik qatysty. Olardyń arasynda aıagózdikter «taksı apa» atap ketken aqsamaıly kólik júrgizýshisi Orazhan Esbaıqyzy da bar. Osylaısha, Ramazan aıynda jurtqa jaqsylyq jasap, halyqtyń kóńil-kúıin serpiltken aıagózdikter bul bastamany budan keıin de jalǵastyra beretindikterin bildirdi.
Dýman ANASh,
«Egemen Qazaqstan».
Shyǵys Qazaqstan oblysy,
Aıagóz aýdany.
