Fransýz baǵdarlamasy engiziledi

Astanada 22-25 maýsym aralyǵynda halyqaralyq «Bilim jáne ǵylym salasyna qajetti áleýetti damytý» atty semınar-trenıng ótkizildi. Is-sharany Qazaqstan Respýb­lıkasy Bilim jáne ǵylym mınıs­tr­liginiń Ǵylym komıteti, son­daı-aq, birqatar halyqaralyq uıymdastyrýshylar: Ǵylymı ekonomıkalyq yntymaqtastyq uıymdastyrý qory, Fransýz qory «LAMAP», IýNESKO, Is­lam Damý banki jáne Halyqaralyq ǵylym, tehnologııa jáne ınnovasııa ortalyǵy uıymdastyrdy. Semınar-trenıngtiń maqsa­ty – daryndy balalar men orta sy­nyp oqýshylaryn ǵylym men mate­matıkaǵa baýlý ádisnamasymen qamta­masyz etý; ǵylym saýattylyǵyn kó­terip, ony qoǵamda túsiný; stýdent­terdi jańa ǵylymı ıdeıa- larmen aınalysýǵa daıyndaý, ǵy­lymı jáne ınjenerlik maman­dyqtardyń tapshylyǵyn joıý maqsatynda ǵylym jáne ınjenerııa mamandyqtaryn tańdaý boıynsha oqýshylar sanyn arttyrý. Semınar sońynda qatysý­shylar Fran­sııa­nyń La main à la pàte ıdeıasymen tanysyp, onyń 10 qaǵıdasyn úırendi. Aıta ketý kerek, La main à la pàte baǵdarlamasy balalardy ózara talqylaýǵa úıretý arqyly olardyń másele­lerdi sheshýge ózara yqpalyn kótermelep, syndarly yntymaq­tastyqqa sha­qyrady. Túrli sabaq­tar­dyń kómegi arqyly Ekono­mı­kalyq  yntymaqtastyq uıy­my aımaqtary bilim jáne ǵy­lym salasyndaǵy qajetti ǵyly­mı-zertteý áleýetin damytý táji­rıbesin alady. Atalǵan baǵdar­lama elimizdiń mektepterine engi­ziledi dep josparlanyp otyr. Dınara DOSPAN.