Ant

Áskerı ant qabyldaý – Otanyńa, halqyńa adal bolý, el basyna kún týsa, ony aqtyq demiń qalǵansha qorǵaý, qajet bolsa, jan qııý degen sóz. Osylaısha, ant qabyldaǵan sarbaz – bizdiń ulan-ǵaıyr jerimizdi bilektiń kúshimen, aq naızanyń ushymen qorǵaǵan jaýjúrek ata-babalarymyzdyń erlik jolyn jalǵastyrýshy, eldiń qorǵany, senim arqalaǵan azamatqa aınalmaqshy.  О́tken senbi kúni elorda tórindegi Otan-Ana alańynda Qazaqstan Respýblıkasy Ulttyq ulan jaýyngerleriniń saltanatty Áskerı ant qabyldaý rásimi ótti.  Bizdiń halqymyz – ejelden Otan úshin tókken terdiń baǵasyn baǵamdaı bilgen halyq. Onyń ishinde qasterli Otan – Anany qorǵaý eń asqaq paryz, abyroıly mindet ekenin jas sarbazdar jaqsy biledi. Otan úshin otqa túser azamattarymyzdyń ómirindegi bul jaýapty qadam jasaý sharasyna Parlament depýtattary, Ulttyq ulan Bas qolbasshylyǵynyń basshy quramy men IIM Ardagerler keńesiniń tóraǵasy, otstavkadaǵy mılısııa general-maıory О́mirzaq Bolsambekov bastaǵan bir top ardager, dinı uıymdar, sondaı-aq, ant qabyldaýshylardyń ata-ana, týǵan-týystary qatysty. Aıta keteıik, bul jolǵy ant qabyldaý rásimi óziniń aýqym­dylyǵymen erekshelenip otyr. О́ıtkeni, atalǵan sharada elor­dadaǵy 5573 áskerı bóliminiń 800-den astam jaýyngeri Otanǵa adal qyzmet etý jóninde sert berdi. Jaýyngerler qataryn elimizdiń túpkir-túpkirinen áskerge alynǵan jas sarbazdar qurady. Osy kóktemde Ulttyq ulan áskerı bólimderinde qyzmet atqarýǵa shaqyrtylǵan olar bir aı boıy áskerı ómirdiń tynys-tirshiligine tóselip, jaýyngerlik daıyndyqtan ótken bolatyn. Sondaı yjdaǵatty daıyn­dyqtyń jemisin alańǵa jınalǵan kópshiliktiń jaýyngerlerge degen erekshe yqylasynan ańǵarýǵa bolatyn edi. Jaýyngerlik Tý saltanatty túrde saqadaı sap túzegen sarbazdardyń naq ortasyna ákelingen soń sharanyń shymyldyǵy da túrilip, jaýyngerler ant qabyldaýǵa kiristi. Mundaıda júzderi baqyttan bal-bul janǵan árbir jannyń erekshe tolqynysta turǵandyǵyn túsiný qıyn emes, árıne. Sarbazdarǵa arnaǵan óziniń quttyqtaý sózinde Ulttyq ulan­nyń Bas qolbasshysy general-leıtenant Rýslan Jaqsylyqov: – Ulttyq ulan jaýyngerleri, búgin sender Áskerı ant qabyldaı otyryp, týǵan eliń – Qazaqstan Respýblıkasyna, qasterli halqy­myzǵa jáne onyń zańdy saılan­ǵan Prezıdentine aqtyq demiń qalǵansha adal qyzmet etýge sert berdińder. Bul senderdiń ómir­lerińde erekshe este qalar sát, ári er enshisi – el qorǵaýǵa basqan qadamdaryń, – dedi. Jas sarbazdarǵa О́.Bolsam­bekov pen Aqmola garnızonynyń áskerı prokýrory ádilet pol­kov­nıgi D.Jumadilov, ata-analar ­atynan Roza Jadanova izgi tilek­te­rin bildirdi. Iá, Otan aldyndaǵy borysh­taryn óteý baqyty elordada buıyrǵan jas sarbazdar úshin endigi mindet – asqaraly Astananyń  tynyshtyǵyn kirpik qaqpaı kúzetý, aza­mattardyń quqyqtarynyń qorǵalýyn qamtamasyz etý, qyl­mysqa qarsy kúres júrgizý. Raýshan TÁÝIRHANQYZY, jýrnalıst.