Kesenege táýelsiz komıssııa kerek

 

Túrkistan qalasyndaǵy Qoja Ahmet Iаsaýı kesenesi – Qa­zaq­­­­­­stan jáne Ortalyq Azııa tarıhyndaǵy tańdaýly jádiger­­lerdiń biri. Kesene – «IýNESKO-nyń álemdik mura tizimine» engen Qazaq­­stannyń alǵashqy mádenı nysany. Elbasy­­ N.Á.Nazar­baev óziniń «Tarıh tolqynynda» atty kitabyn­da «Qazaq halqy­nyń uly perzentteriniń múrdeleri osy jerde jatyr. Sondyqtan osynaý tamasha eskertkishti qalpyna keltirip, bas biriktirer ortaq kindikke búkil ulttyń nazaryn aýda­ryp otyrǵanymyz durys», dep atap kórsetken bolatyn.

Túrki dúnıesiniń tumaryna, memleketimizdiń maqtanyshyna aınalǵan osy uly ǵımarattyń jaı-kúıi búgingi kúnde nasharlap, apatty jaǵdaıǵa jetip otyr. Úkimetke osy máseleni kóterip Parlament Májilisiniń depýtattary tarapynan buǵan deıin birneshe depýtattyq saýaldar joldanǵan bolatyn. Memleket tarapynan da keseneni qalpyna keltirý jumystaryna qajetti qarjy bólinip keledi. Sońǵy bes jylda keseneniń jaǵdaıyn tekserý maqsatynda bes ret vedomstvolyq komıssııa qurylyp, tekserý jumystary júrgizilgen. Biraq odan tıisti nátıje joq. Sebebi, keseneni qalpyna keltirý jumystary «Qazqaıtajańǵyrtý» RMK-ge tapsyrylady. Al bul uıym ǵylymı-zertteý jobasyn ózderi jasaıdy ári ony júzege asyrady jáne atqarylǵan jumystardy ózderi qabyldap alady. Táýelsiz ǵalymdardyń júrgizgen saraptamasy boıynsha, bul uıymnyń atqarǵan jumystary tıisti talaptarǵa saı kelmeıdi eken. Keseneniń ón boıynda ylǵaldaný, tuzdaný prosesi júrip jatqandyǵy qalpyna keltirý jumystarynyń ǵylymı negizsiz júrgizilgendiginen dep sanalady. Bul jóninde «Egemen Qazaqstan» gazetinde jarııalanǵan «Kese­­neniń kúrdeli kúıi», «Kıeli kesene synaq alańyna aınalmaýy tıis» dep atalǵan maqalalarda baıandalǵan. Osyǵan baılanysty Iаsaýı ke­senesine ǵylymı-zertteý ju­mys­­­taryn júrgizip, saraptama jasaý úshin elimizdiń bilikti sáý­let­shileri men qury­lysshylaryn jáne Iаsaýı ke­senesi sııaqty ǵı­­marattary bar Ázerbaıjan, My­syr, О́zbekstan, Túrkııa, taǵy da basqa memleketterden shet­eldik sáý­letshilerdi, ǵalymdardy, res­tavrasııa mamandaryn tarta oty­ryp, táýelsiz komıssııa qurý qajet dep sanaımyn. Sol komıs­sııa­­nyń qorytyndysy boıynsha jón­deý jáne qalpyna keltirý jumys­­tary júrgiziletin bolsa, qazirgi apattyq jaǵdaıdan qutylar edik. Rozaqul HALMURADOV, Májilis depýtaty.