Soltústik Qazaqstanda teriskeıge jersingen mal ósirildi

PETROPAVL. 2 naýryz. Soltústik Qazaqstan oblysynyń ǵalymdary teriskeıdiń qytymyr aýa raıyna beıimdelgen ári azyq-túlik talǵamaıtyn qazaqtyń aq bas sıyrynyń  úsh túrin ósirip shyǵardy. Bul týraly egemen.kz tilshisi habarlady. Asyr salyp, quldyrańdap júrgen tólderge Graf, Shaman, Pıon degen attar telingen.  Ǵalymdardyń aıtýynsha, bul asyl tuqymdy maldardyń shetelden ákelinetin sıyrlarǵa qaraǵanda artyqshylyq jaqtary kóp. Bir jarym jylda 300 kelige deıin taza ónim beretin kórinedi. Soltústiktiń sýyq klımatyna tózimdi sıyr malyn alý úshin ǵalymdar 20 jylǵa jýyq eńbektengen. Qazir úsh asyl tuqymdy maldan úsh myńdaı tól órbigen. Jańa tuqymdy ósirý sharalaryn júzege asyrý maqsatymen aq bas sıyrdyń embrıonyn Shyǵys Qazaqstan oblysynan ákelip, ózi tuqymdas malmen býdandastyrǵan. «Azyq-túlikti talǵamaı jeıdi. Basqa maldarǵa qaraǵanda tez jetiledi. Eti de halyqaralyq talaptarǵa saı. Kóp vaksınanyń keregi joq», deıdi osy jolda mol eńbek sińirgen ǵalymdar. Jańa týǵan buzaý kúnine bir keliden artyq salmaq qosa alady eken. Bir jarym jylda aınalasy úsh-aq tonna azyq jep, 300 kelige deıin taza et beredi. О́mir Esqalı.            Derek, sýret: egemen.kz.