Islam Karımov prezıdent saılaýynda top basyna shyqty

ASTANA. 30 naýryz. О́zbekstannyń is basyndaǵy prezıdenti Islam Karımov keshe, 29 naýryz kúni ótken memleket basshysyn saılaýda daýys jınaýdan top bastap keledi. Bul týraly UZ24 habarlady. Ortalyq saılaý komıssııasynyń tóraǵasy Mırza-Ýlýgbek Abdýsalomov málimdegendeı, aldyn ala esepteýlerdiń nátıjesi boıynsha ol saılaýshylardyń 90,39 paıyzdyq daýsyna ıe bolǵan. 30 naýryz kúni О́zbekstan Ortalyq saılaý komıssııasynyń tóraǵasy Mırza-Ýlýgbek Abdýsalomov kezekti brıfıngin ótkizip, prezıdent saılaýynyń aldyn ala qorytyndylaryn aıtyp berdi. Onyń sózine qaraǵanda, qazirgi is basyndaǵy prezıdent Islam Karımov saılaýshylardyń 90,39 paıyzdyq daýysyn alyp, 17,122 mln. adamnyń qoldaýyna ıe boldy. Ekinshi orynǵa 3,08 paıyzdyq daýys alǵan «Mıllıı tıklanısh» («Ulttyq jańǵyrý») partııasynyń kandıdaty Akmal Saıdov shyqty. Úshinshi orynǵa О́zbekstan Halyq-demokratııalyq partııasynyń ókili Hatamjon Ketmonov (2,92%), tórtinshi orynǵa –  «Adolat» («Ádilet») Sosıal-demokratııalyq partııanyń úmitkeri «Adolat» Narımon Ýmarov (2,05%) ornalasty. Abdýsalomov sondaı-aq saılaý barysynda áldeqandaı bir saılaý zańynyń buzylý faktisiniń oryn almaǵanyn aıtty. Saılaýǵa tizimge engizilgen saılaýshylardyń 91,01 paıyzy, ıaǵnı 18,928 mln. adam qatysty. О́zbekstan Ortalyq saılaý komıssııasy tóraǵasynyń aıtýynsha, saılaýdyń túpkilikti nátıjeleri 10 kúnnen qaldyrylmaı, ıaǵnı 2015 jyldyń 8 sáýirine deıin jarııalanatyn bolady. Murat Aıtqoja. Mánbe, sýret: UZ24.