El senetin Er kerek

Bizdiń tańdaýymyz – birlik pen tatýlyq

Bul – Otanymyzdyń tabysty damýynyń basty kepili

  Sherhan MURTAZA, Qazaqstannyń halyq jazýshysy. Dúnıe dúrbeleń kúı keship tur qazir. Álem erteńi úshin alańdaýly. Tipti, alańdaýy abyrjýǵa aınalyp bara jatqan syńaıly. Sebebi, bolashaqta ne bolyp, ne qoıary belgisiz. Almaǵaıyptardan qaýip oılaıdy. Sol úshin de kúlli jahan jantalasqa túsken. Osyndaı jaǵdaıda qazaǵymnyń – halqymnyń, Qazaqstanymnyń – elimniń taǵdyr-talaıy qandaı talqyǵa túser eken, mańdaıynda qandaı juldyz jarqyrap tur eken dep ásirese, biz  sııaqty qart qalamgerdiń baıaǵy abyzdarsha tolǵanýy jón-aq. Al sol Asan Qaıǵylar, el qamyn jegen Edigeler, arǵy-bergi abyzdar ne der edi? «Quıryǵy joq, jaly joq, Qulan qaıtip kún kórer?» dep tóge kele: «Elim qaıtip kún kórer?!» deıtin sherli de tebirenisti saýaldy alǵa tartar  edi ǵoı. Osyndaı abyz saýal búgin de, búgingi Qazaq eliniń taǵdyr-talaıy jóninde de qoıylyp otyr. Qazaqstannyń bolashaǵy úshin el senetin, synnan ótken Er kerek. Erteńgi bolatyn saılaýda mańdaıy jarqyraıtyn Erimiz Nursultan Nazarbaev dep bilemin. Ol óz halqynyń aıaǵy da, qoly da, jaly da, qanaty da bolyp ta kelgen, bolyp ta júr, bola da alady. El senetin Erimiz – Nursultan. Bul jaǵdaıdy Elbasymyz da, onyń sońynan ergen eli de eskerse kerek. Meniń aıtar amanat tilegim osy. ALMATY. 

Alańsyz eńbek adamdy ósiredi

Elbasy Nursultan Nazar­baevtyń Qazaqstan halqyna Úndeýin muqııat kórip, tyńdadym. Halyqtyń kókeıindegi máse­le­lerdiń barlyǵyn da Nur­sultan Ábishulynyń sózinen tapqandaımyn. Ýaqyt bizdiń urpaqqa az júk salyp otyrǵan joq. Dúnıejúzilik qarjy-eko­nomıkalyq daǵdarys qaı eldiń de búıirinen syǵyp keledi. Jahandyq geosaıası qaı­shy­lyq­tar, ıaǵnı úlken elderdiń arasyndaǵy kıkiljińder de beleń alyp tur. Aınalamyzdaǵy elderde berekesizdik jaılaǵanyn, adam shyǵyny shybyndaı bolyp jatqanyn kórip, bilip otyrmyz. Men – taza eńbek adamymyn. Búkil ǵumyrym sharýanyń qasynda, aýylda ótip keledi. Eńbek etken adamǵa daǵdarys tizesin asa batyra almaıdy. Aýyl­daǵy adamdardyń astyǵy, uny, maly men malynyń jem-shóbi, otyn-sýy bolsa, daǵdarys oǵan ne isteıdi? Bulaı deıtinim, aýyldaǵy eńbek adamy óndirgen aýyl sharýashylyǵy taýarlaryna báribir suranys bolady. Basqa bolmasa da, azyq-túliksiz qaı el de otyra almaıdy. Aýyl sha­rýa­shylyǵyna memleket tara­pynan kóptegen qoldaý kórse­tilip otyr. Sýbsıdııalar sonyń dáleli. Memlekettik baǵ­dar­­lamalar da aýyldaǵy sharýa­­nyń eńbegin jeńildetip otyr. Mine, osynyń barlyǵy da eldegi tynyshtyqtyń arqasy. Elbasy Nursultan Nazarbaevqa hat jazǵan Nına Mısochenko zamandasymyz ben Baıqýanysh Sársembın aqsaqaldyń aıtqan pikirin, tilegin bárimiz de aıtyp otyrmyz. Úıde bereke bolmasa, er azamattyń syrttaǵy isi ońar ma? Osy támsil bir otbasyna ǵana emes, bir elge de mysal bolarlyq emes pe? Qazir adamdar alańsyz eńbek etkisi keledi. Eńbek bolmaı, nan, dastarqan berekesi bolmaıtynyn qazir barlyǵy da túsingen. Sol úshin elge tynyshtyq kerek. Saılaýdyń 26 sáýirde bolatynyn estip, bildik. Endi bir tilegim, Nursultan Ábishuly saılaýǵa óziniń kandıdatýrasyn usynýǵa tıisti. Búgingideı belasar isterdi jarty jolda qaldyrmaý kerek qoı. Sondyqtan prezıdenttik saılaýdy halqy Nursultan Nazarbaevsyz elestetip otyrǵan joq. Saıran BUQANOV, Qazaqstannyń Eńbek Eri. Qostanaı oblysy, Meńdiǵara aýdany.

Baqytymyz baıandy bola bersin desek...

Memleket basshysynyń Qa­zaqstan halqyna Úndeýiniń ár jo­lynan men Nursultan Ábish­uly­nyń elim, jurtym, halqym dep soq­qan júreginiń lúpilin tanydym. Jú­rekten shyqpasa, júrekke jet­peı­di dep Qazaqstannyń halyq ja­zý­shysy Qadyr Myrza-Áli oryn­dy aıtqandaı, bul Úndeý El­basy­nyń shynaıy aq adal júre­gin jaryp shyqqan sarabdal sóz eke­nine barsha qazaqstandyq esh­qandaı shek keltirmeıdi dep senemin. Biz úshin týǵan eldiń bir ýys topyraǵynan artyq qasıetti jer joq. Bir túp jýsannan artyq ju­par ıis joq dep tebirenedi El­basy. Bul ekeýi de halqymyz úshin óte ystyq, asa qasterli uǵym­­­dar. Ári ony Elbasy jalań, ús­tirt maǵynasynda aıtyp otyr­maǵa­nyna da senimimiz kámil. О́ıtkeni, bir ýys topyraq pen jýsan ıisiniń tereń nyshan­dyq máni de bar. Onyń arǵy ja­ǵynda tutastaı eldik pen mem­lekettilikke úndeý, onyń baıandy bolýyna árkimniń atsalysýy men ún qosýy degen tereń maǵyna bar dep oılaımyn. Men mynaý jalpaq dúnıede eldikke ún qosýdan artyq qasıetti de qasterli mindet bar dep oıla­­maı­myn. Prezıdenttik saılaý sekil­di asa mańyzdy máselege de osy tur­ǵydan kelýge bolady. Res­pýb­lı­ka Prezıdenti Nursultan Na­zar­­­­­­baevtyń Qazaqstan halqyna Ún­de­ýiniń ár jolynda osyndaı asqaq murattar atoılap turǵandaı kórinedi. Prezıdent óz Úndeýinde Qazaq eliniń negizgi ıesi qazaq halqyna sóz arnaı otyryp, onyń tarıhı jady myqty, sońyna qarap táý­besin aıt­­qan, jolyna qarap táýe­kel etken halyq ekenin qalaı dál taýyp aıtqanyna taǵy bir tánti bolyp otyrǵan jaıymyz bar. Bul ári úlken senim. Mundaı óresi bıik halqy bar eldiń týy qa­shanda bıik bola bermek. Al týǵan eli men halqyn sheksiz súıe biletin onyń qaıtalanbas qadir-qasıetine basyn ıe alatyn basshysy bar el baqytty el. Osy baqytymyz baıandy bola bergenine ne jetsin?! Sondyqtan da biz, oraldyq aǵa urpaq ókilderi Elbasymyz Nur­sultan Nazarbaevtyń aldaǵy prezıdenttik saılaýǵa túsýine kelisim berýin jaqtaımyz. Muny basymyzdan baq taımaı, memleketimizdiń turaqty túrde odan ári damı berýi úshin qajet qadam dep túsinemiz. Saǵı ALDABERGENOV, Oral qalalyq ardagerler keńesiniń tóraǵasy. Batys Qazaqstan oblysy.

Ilkimdi ister  jalǵasyn tabýy tıis

Qazaqstan halqy Assam­bleıasynyń prezıdenttik saılaýdy 2015 jyly ótkizý týraly usynysyn elimizdiń búkil halqy qoldaý ústinde ekenin kúndelikti BAQ-tardan kórip otyrmyz. Bul usynysty Elbasynyń saıasatyn  júzege asyrýshylar bolyp tabylatyn ákimder de tolyq qoldaıdy. Táýelsizdik alǵan 1991 jyldan bastap búgingi kúnge deıin Tuńǵysh Prezıdentimiz N.Nazarbaevtyń dana bas­shylyǵynyń nátı­­­jesinde elimizde adam sengisiz ju­mys­tar atqaryldy. Ony álem elderi moıyndap otyr. 1997 jyly Elbasynyń tike­leı ózi jasap, halyqqa usynǵan «Qazaqstan-2030» Strategııasy  merziminen buryn oryndalyp, damyǵan 50 eldiń qataryna endik. 2014 jyly qabyldaǵan «Qazaqstan-2050» Stra­tegııasyn oryndaý ústindemiz. Aldaǵy ýaqyttarda álemdegi damyǵan 30 eldiń qataryna ený mindeti tur. Bul mejege jetý úshin elimizde bú­gingi kúni saqtalyp turǵan turaqtylyq pen beıbit­­­shilikti, áleýmettik jáne ekonomıka­lyq damýdy al­daǵy ýaqyttarda da jalǵas­­tyryp, nyǵaıtýy­myz qajet. Ol úshin eldi damytý maq­satynda tynymsyz eńbek etip kele jatqan, osy jolda orasan jetistikterge jetken, «qoı ústine boz­torǵaı jumyrtqalaǵan» kezeńdi qamtamasyz etken Prezıdentimiz N.Na­­­zar­baevty kelesi kezeńge taǵy da saılap alýymyz kerek. Prezıdenttik saılaýdy erterek ótkizýdiń taǵy bir sebebi, álemdik qarjy-ekonomıkalyq daǵ­darys ta beleń ala túsýde. Daǵdarystyń kúsheıetin kezi – 2016 jylǵa prezıdenttik jáne parlamenttik saılaýlar qatar kelip tur. Munyń halyq úshin psıhologııalyq turǵydan jáne ekonomıkalyq jaǵynan da qıyndyǵy bar. Sondyqtan halyq daǵ­da­rys­tan qınalmaı ótýi úshin jáne aldaǵy kezeńde ma­ńyzdy da ilkimdi isterdi jal­ǵastyrý úshin búgingi el Pre­zıdenti  N.Nazarbaevty qaı­ta saılap alý aýadaı qajet. Biz árqashanda Elbasymen birgemiz! Dildábek ORAZBAEV, Tarbaǵataı aýdanynyń ákimi. Shyǵys Qazaqstan oblysy.

Eli Elbasyna sendi, sene beredi de

Men Prezıdent Nursultan Nazarbaevtyń Qazaqstan halqyna Úndeýin teledıdardan tyńdadym. Keıin «Egemen Qazaqstannan» oqyp shyqtym. «Saılaý elimizdi uly isterge uıystyryp, baıandy bolashaq jolynda biriktire túserine senemin. Qazaqstandyqtardy el tarıhyndaǵy taǵy bir taǵdyrly oqıǵaǵa jaýapkershilikpen qarap, belsene qatysýǵa shaqyramyn», degen sózi ata jasyndaǵy jazýshy meni ǵana emes, búkil eldi, bútin qaýymdy tebirentkenine senimdimin. Búgingideı almaǵaıyp jaǵ­daıdaǵy aýmaly-tókpeli zamanda osy kúnge deıin eldiń, halyqtyń, jurttyń senimi­nen shyǵyp kele jatqan Elbasy­myz Nursultan Na­zarbaev­qa senbegende, kimge senemiz? Halqymyzdy tatý tirlik­ke bas­taı bilgen Nursultan Na­zar­baevqa eliniń sengenine, sene bil­genine, sene beretinine qart qa­­lamger, Uly Otan soǵysynyń ar­da­geri retinde meniń de sengim keledi. Muzafar ÁLIMBAEV, Qazaqstannyń halyq jazýshysy. ALMATY.

Qart jaýyngerdiń aǵalyq tapsyrmasy

Men Uly Otan soǵysyn bastan-aıaq ótkergen jaýynger soldatpyn. Soǵystan keıin de Germanııanyń Ilmenaý qalasynda áskerı komendant qyzmetin atqardym. Kór­genim de, bilgenim de kóp. Son­dyqtan da ómirlik tájirıbem mol. Qudaıǵa shúkir, Qazaq eliniń táýel­siz memleket bolǵanynyń da kýá­geri boldym. 90-ǵa kelgen jasym bar, ómirge, Allaǵa dán rızamyn. Sonyń ishinde, táýelsizdik jyldaryndaǵy qol jetken tabystardyń bári Elbasymyz – Nursultan Nazarbaevtyń arqasy ekendigin de jaqsy bilemin. Buryn Qazaqstandy, qazaq ultyn kim bilýshi edi? Germanııada qyzmet etkende men ultymdy aıtsam olar túsinbeıtin. Endi mine, Qazaqstan, qazaq halqyn búkil álem tanıtyn myqty memleketke, qýatty elge aınaldy. Dúnıege ózin moıyndatty, Eýropadaǵy Qaýipsizdik jáne yntymaqtastyq uıymyna tóraǵalyq etti. Qazirgi qolǵa alyp jatqan «2050», «Nur­ly Jol» strategııalyq baǵdar­lamalary da elimizdiń turmys jaǵdaıyn jaqsartyp, keleshekke baǵyttalǵan ómirsheń jobalar. «Tarıhty tulǵalar jasaıdy» degen shyndyq sóz bar. Qa­zaq­stannyń Qazaqstan bolýyn jasaǵan tulǵa – Nursultan Na­zarbaev. Keıde «Basqa bireý basshy bolsa, ne bolar edik, elimizdiń jaǵdaıy qandaı bolar edi», dep te oılap qoıamyn. Endi mine, búkil el bolyp, Uly Jeńistiń 70 jyldyǵyn toılaýǵa qyzý daıyndalyp jatyr. Elbasy osyǵan qatysty tapsyrmalar júk­tegenin de oqyp júrmin. Aman­dyq bolsa, densaýlyq bolsa, ol qy­zyqty da kóremin degen úmittemin. Soǵys ardagerleriniń qatary kúnnen-kúnge sırep barady. Ar­dagerlerge degen qamqorlyqty kúndelikti kórip jatyrmyz. Elbasy árqashan ardagerlerge erekshe yqylas pen qoldaý kórsetedi. Sol úshin de Memleket basshysyna rızashylyǵymdy bildiremin. Al endi, aldymyzda Prezıdent saılaýy kele jatyr. Men, toq­sandaǵy aqsaqal retinde, jaqsy kóretin, qurmet tutatyn aǵasy retinde Nursultan Ábishulyna prezıdenttikke túsý jónindegi el tilegin qabyl alýyn surap qana qoımaımyn, «Qaraǵym, halqyńnyń bolashaǵy úshin saılaýǵa tús» dep talap etemin. Bulaı sóıleýimdi Elba­sy­myz aıypqa buıyrmas. Ne aıtsaq ta, qalaı aıtsaq ta halyq úshin aıtamyz. Qalmuqan ISABAEV,  jazýshy, Uly Otan soǵysynyń ardageri. ALMATY.

Qazaqstandyqtar úshin qajet

Qazir elimizde zor rýhanı serpilis bolyp jatyr. Kezekten tys prezıdenttik saılaýdy ótkizý týraly sheshim qabyldandy. Bul – asa jaýapty kezeń. Bizdiń armanymyz – táýelsizdik edi. Qazaqstan halqynyń baqytty, memleketimizdiń dáýletti, sáýletti el bolýy edi. Shúkirshilik, búginde soǵan jetip otyrmyz, bárin de kórip otyrmyz. Osy táýelsizdiktiń basy-qasynda jarǵaq qulaǵy jastyqqa tımeı eńbek etip, elimizdiń eńsesin kóterip, nurly bolashaqqa jetelegen, elimizdiń egemendigi úshin aıanbaı qyzmet etken bir adam bar bolsa, ol – Nursultan Nazarbaev. Jýyrda Ulytaý tórinde bergen suhbatynda Prezıdent osy táýelsizdigimizdi kózdiń qarashyǵyndaı saqtap qalýymyz kerektigin, onyń qazaq halqyna aýadaı qajettigin myqtap aıtqan bolatyn. Qazaq tarıhynda san ǵasyrlar boıǵy babalarymyz armandaǵan osy táýelsizdik jolynda 300-den asa azattyq kóterilisi bolypty. Eńdeshe, bizdiń býyn osy táýelsizdikti el bolyp, halyq bolyp, qasyq qanymyz qalǵansha qorǵaýǵa tıispiz. N.Nazarbaev – kóptegen álem­dik, respýblıkalyq deń­geı­­degi bastamalardyń avtory. Ol – óte jańashyl adam. Táýel­siz­dik alǵannan bastap, elimiz­diń­ ekonomıkalyq, saıası, son­daı-aq, rýhanı-áleýmettik jaǵyn qam­tyǵan, buryn-sońdy bolmaǵan stra­tegııalyq josparlaýdy engiz­di. Ol damyǵan ózge elderdiń de jaǵ­daıyn zertteı otyryp, biz­diń elimizdiń bolashaq damýy úshin strategııalyq josparlardy qabyl­dady. 2030 baǵdarlamasy merzi­minen buryn oryndalyp, 2050 jańa saıası strategııasy qabyldandy. Negizgi basymdyq – álemdik turaqsyzdyq jaǵdaıynda óz qaýipsizdigimizdi qamtamasyz etý. Qazaq ultynyń mıssııasy – qoǵamda qalyptasqan birlikti, tatýlyqty saqtaý. Qazaq­standaǵy ár alýan ult pen etnos ókilderiniń bir otbasyndaı bolýy úshin, eko­nomıkamyzdyń alǵa jyljýy úshin árdaıym yntymaq-birlikte bolýǵa tıispiz. El bolý úshin jumylǵan judyryqtaı birlik qajet. 26 sáýirde prezıdenttik saılaý bolmaqshy. Elbasy 24 jyl boıy Qazaqstandy jaqsy bastap alyp kele jatyr. Osy saılaýǵa Nursultan Nazarbaevtyń qatysýy biz úshin – qazaqstandyqtar úshin qajet. Endeshe, ózi bastaǵan aý­qym­dy isterin alǵa jyljytyp, eli­mizdiń aýqatty, dáýletti, álemge áıgili bola túsýi úshin Nursul­tan Ábish­­ulynyń kandıdatý­ra­syn­ pre­zıdenttikke usynǵan tilekterdi eskerýin suraımyz. Ábdimálik NYSANBAEV, akademık, Qazaqstan Respýblıkasy Memlekettik syılyǵynyń laýreaty. ALMATY.

Senim serpilis syılaıdy

Sońǵy ýaqytta teledıdar men baspasóz arqyly elimizde ótetin prezıdenttik saılaý barysynan kúndelikti habardar bolyp otyrmyn. Bul – elimiz úshin úlken mańyzy bar saıası oqıǵa. Elbasy Jarlyǵymen saılaýdyń ótetin kúni ústi­­­­­miz­degi jyldyń 26 sáýirine bel­gilendi. Osyǵan oraı, saı­laýǵa túsetin kandıdat­tar ishinen barsha qazaqstandyqtar Mem­leket basshysy Nursultan Nazarbaevty kórgisi kelip otyrǵany jasyryn emes. Biz, sport salasynda ter tógip júrgen azamattar, El­ba­synyń otandyq sportty da­mytýǵa, qazaqstandyqtardy bu­qaralyq sport túrlerimen qam­tý úshin qajetti ınfra­qu­rylymdardy jaqsartýǵa erekshe kóńil bóletinin, únemi jiti nazarynda ustaıtynyn jaqsy bilemiz. Tuńǵysh Prezıdentimiz ulttyq sport túrleriniń de jańa deńgeıge kóterilýine orasan zor yqpal etti. Qazirgi kezde qazaqtyń kóneden kele jatqan sporttyq oıyndary zaman aǵymyna saı túr­­lenip, halyqaralyq sıpat aldy. Otandastarymyz ben sheteldikterdiń qazaq hal­qynyń ulttyq sportyna degen qyzyǵýshylyǵy men qurmeti oıandy. Bul óz kezeginde jas urpaqtyń rýhyn kóteretini, keýdesinde maqtanysh sezimin uıalatatyny jasyryn emes. Qazaqstan Respýblıkasy Prezıdentiniń Kýbogy sa­­­rap­qa salynatyn «Qa­zaqstan barysy» týrnıri shyn mánindegi bedeldi jarystardyń birine aınaldy. Bul básekede baǵy janǵan balýan bir kúnde kúlli jankúıer aldynda qoshemetke bólenip, tanymal bolatynyna ótken jyly atalǵan jarystyń jeńimpazy atanǵanda kóz jetkizdim. Bul – qazaq kúresiniń, qazaqstandyq sporttyń qol jetkizgen bıigi dep bilemin. Al bul bıikke Memleket basshysynyń sporttyń damýyna kórsetken qamqorlyǵynyń arqasynda qol jetkizdik. Búginde bizdiń jatty­­ǵýy­myzǵa, óz-ózimizdi shyń­­­­daýymyzǵa memleket tarapynan barlyq jaǵdaı jasalǵan. Sondyqtan Elbasy Nursultan Nazarbaevtyń kezekten tys prezıdenttik saılaýǵa qa­tys­qanyn qalaımyz. Bul – mem­leketimizdiń turaqty damýy men bereke-birligin saq­taýdyń kepili. Kezekten tys pre­zıdenttik saılaýda El­basymyzdyń barsha qazaq­standyqtyń qoldaýyna ıe bolatynyna senimimiz kámil. Muhıt TURSYNOV, «Qazaqstan barysy-2014» týrnıriniń jeńimpazy. SEMEI.

Bardy baǵalaı bileıik, aǵaıyn!

Elbasynyń Qazaqstan halqyna arnaǵan Úndeýin el gazeti «Egemen Qazaqstannan» oqyp, osy jyldyń kókteminde prezıdenttik saılaý ótetindigine kózimiz anyq je­tip, kókiregimizdi qýanysh ker­­negeni anyq. Endigi tilegimiz jal­­pyha­lyq­tyq suranymdy Memleket bas­shysy qup kórip, prezıdenttik saılaýǵa tússe eken deımiz. Ná­tıjesiniń jaqsy bolatynyna, elimizdiń damýyna oraı jasalǵan «Nurly Jol» baǵdarlamasyna saı júıeli túrde órlep, órkenıetti elder qatary­nan oıyp turyp óz ornymyzdy alatyn­dyǵymyzǵa kámil senim bar. Olaı deıtinim, bizder, óner adamdary saıasattan da tys qal­­maýǵa talpynyp, elimizde oryn alyp jatqan ózgeristerdi, naqty­laı tússem, Elbasynyń bastamasymen ári únemi nazarynan tys qaldyrmaıtyn ekonomıkalyq ósý joldaryndaǵy jetistikterdi tal­qylap ta otyramyz. Sondyqtan dál osy sátte Úndeýge ún qosýdy jón kórip otyrmyn. Elimiz ege­­­men­di­­gin alyp, memlekettik shekara­syn­ bekitip, sol qýanyshyn tórt­kúl dúnıege pash etken sátinen ber­gi jetistikterdi saralasaq me­reıi­­miz óse túsedi. Oǵan birinshi kezek­­te qazaq­­standyqtarǵa beıbit zaman men tynysh ómir syılaǵan Elba­­­sy­­­nyń sarabdal saıasaty negiz bolady. Otanymyzda aýyz toltyra aıta­tyn qýanyshtarymyz bar­shy­lyq. Qudaıǵa táýbe deı otyryp, barymyzdy baǵalaı bileıik, aǵaıyn! Prezıdenttik saılaýda Nursultan Nazarbaevty qoldap, daýys bere bilsek, bul bizdiń eldi­gimizdi tanytady. Basqa-basqa, prezıdenttik saılaý – dosymyz súıinip, dushpanymyz kúıinetin úlken syn. Tutastaı alǵanda, qazaqstandyqtardyń búgingi jaqsy áreketin kórip, kóńilim ornyqty. Elin, jerin súıetin memleket múddesi úshin baryn salatyn óner adamdary daýys berýshiler kóshin batyl bastaıdy dep bilemin. Shyny kerek, bıylǵy jyl jetis­tikterge toly ári jemisti jyl bolary haq. Oǵan tolyq negiz bar. Qo­­ryta aıtqanda, bizder, jeti­­­­sýlyqtar – Elbasynyń kindik qany tamǵan kıeli óńir halqy qashan­da aldyńǵy lekten oryn alyp júrgenimiz aqıqat. Osy saılaýda da judyryqtaı jumylyp, bıik beles­ten kórinetindigimizge senimdimin. Almahan KENJEBEKOVA, Qazaqstannyń halyq ártisi. TALDYQORǴAN.