Senemiz jáne qoldaımyz

*Prezıdent poshtasynan

Elbasy atyna kelip jatqan hattar men jedelhattardyń negizgi aıtary osy

Prezıdent saılaýyn ótkizý týraly sheshimge qoldaý bildirgen jáne Nursultan Nazarbaevtyń óz kandıdatýrasyn usynýǵa kelisýin ótingen hattar men jedelhattar legi kelýin jalǵastyrýda, dep habarlady Prezıdenttiń baspasóz qyzmeti. Memleket basshysynyń atyna eńbek ujymdarynan, qoǵamdyq birlestikterdiń múshelerinen, medısına qyzmetkerlerinen, bilim berý salasynyń ókil­derinen, sondaı-aq, eldiń túrli óńir­lerindegi turǵyndardan Nursultan Nazar­baevtyń aldaǵy saılaýǵa qatysýyn ótingen hattar legi tolassyz kelip túsýde. Atap aıtqanda, Ekibastuz qa­lasynan «Bogatyr Kómir» JShS myńdaǵan adamdyq eńbek ujymy Elbasynyń bas­shy­lyǵymen Qa­zaqstan álemdik qoǵamdastyqtyń elıtasyna kirip, óz ornyn myqtap bekitkenin aıtady. «Biz óz elimizdi maqtan ete­miz jáne onyń qýatyn odan ári art­tyra berýge nıettimiz. Biz Siz­ge senemiz. Siz kópultty elimiz­de tatýlyqty, kelisim men turaq­ty­lyqty qamtamasyz ettińiz, bul búkil álemge aıqyn. Bizder, kenshiler, Sizdiń saıasatyńyzdy qoldap, Sizge sene otyryp, Qazaq­stan Respýblıkasy Prezı­denti­niń aldaǵy saılaýyna túsýińizdi suraımyz», – delingen hatta. Astana qalasyndaǵy «Taý-Ken Altyn» JShS affınaj zaýy­tynyń jumysshylary Memle­ket basshysynyń júrgizgen saıasa­tynyń arqasynda olar ınnova­sııalyq kásiporyndaǵy qyzyqty jumysqa kiriskenderin aıtady. «Biz búgin prezıdenttik saı­laýǵa О́zińiz­diń qatysýyńyzdy su­raımyz, óıt­keni, Siz eldegi tu­raqtylyq pen tatý­lyqtyń kepilisiz», – dep jazady avtorlar. «Qaraǵandy metall konstrýksııalar zaýyty – Imstalkon» JShS ujymy Pre­zıdent saılaýyn ótkizý týraly jańalyqty yqylaspen qabyldaǵanyn habarlaıdy. «Búgingi tabystar qýatty óndiristik áleýet pen bilikti ári bilimdi perso­nal bolǵan kezde ǵana múmkin bolady. Tabıǵı resýrstarymyzdy, da­myǵan ónerkásibimizdi saýatty paı­dalanýdyń, kúshti bilim men ǵylymnyń arqasynda bizde osynyń bári bar. Biraq Kóshbasshynyń basty rólin Siz atqa­ryp otyrsyz. Aldaǵy saılaýǵa qatysýyńyzdy suraımyz. Biz Sizge sene­miz jáne kandıdatýrańyzdy qol­daımyz», – delingen hatta. Pavlodar qalasynan «Kompanııa Neftehım LTD» JShS qyzmetkerleri óz kásiporyndary Qazaqstan Prezıdenti bastamashy bolǵan kásipkerlik klasterdi damytýdyń naqty mysaldarynyń biri bolyp sanalatynyn atap ótken. «Osy baǵdarlamanyń arqasynda biz jańa sapaly deńgeıge kóterilip, ınnovasııalyq tehnologııalardy engizemiz, óz ónimderimizdi shyǵaramyz. Biz Sizdiń kúsh-qýatyńyz, memlekettik jáne saıası qyzmettegi baı tájirıbeńiz elimizdiń ıgiligine áli uzaq qyzmet etetinine senimdimiz. Memleket basshysy laýazymyna kandıdatýrańyzdy usynýǵa kelisimińizdi suraımyz», – delingen hatta. «Aqtóbe hrom qosyndylary zaýyty» AQ jumysshylary júrgizilip jatqan ındýstrııalyq saıasaty men otandyq óndirýshilerge kórsetken qoldaýy úshin Memleket basshysyna alǵys aıtqan. Sonyń arqasynda kásiporyn turaqty damyp, seriktestik baılanystary men ótkizý naryqtaryn keńeıtýge múmkindik alyp otyr. «Sizdiń Strategııańyz, Sizdiń baǵ­darlamańyz qarapaıym adamnyń múddesin kózdeıdi, halyqqa naǵyz keregi de osy. Olardy júzege asyratynyńyzǵa senemiz. Sondyqtan bizdiń eńbek ujymy Qazaqstan Prezıdentiniń aldaǵy saılaýynda kandıdatýrańyzdy usyný jónindegi el tilegin qoldaýdy suraıdy. Biz Sizdiń sheshimińizdi qol­daımyz jáne Sizben birge jeńiske jete­tinimizge senimdimiz», – delingen hatta. Aqsý qalasynan «Eýroazııalyq energetıkalyq korporasııa» AQ ujymy Nursultan Nazarbaevtyń teńgerimdi saıasatynyń nátıjesinde Qazaqstandaǵy árbir otbasy memleket qamqorlyǵyn sezinip otyrǵanyna toqtalǵan. «Biz birtutas, tatý otbasy retinde beıbitshilik pen kelisimde ómir súrip jatyrmyz. Kóshbasshymyzdyń arqasynda Qazaqstan múmkindikteri men bolashaǵy zor elge aınaldy. Biz óz elimizdi, óz Prezıdentimizdi jaqsy kóremiz, oǵan senemiz. Bizder, energetıkter, aldaǵy Prezıdent saılaýyna qatysýyńyzdy suraımyz», – dep jazady avtorlar. «Qazaqstan Injınırıng» UK» AQ jumysshylary qýatty memlekettik qoldaýdyń arqasynda kásiporyndary tabysty damyp, jyldan jylǵa óndiris qarqynyn arttyryp kele jatqanyn habarlaıdy. «Biz alańsyz jumys isteı alaty­ny­myzǵa, laıyqty tabys tabatynymyzǵa, balalarymyzdy tárbıelep, bola­shaqqa senimmen qaraıtynymyzǵa qýan­ysh­tymyz. Biz Sizdi biraýyzdan qoldaımyz jáne prezıdenttik saılaýǵa túsýińizdi suraımyz. Qýatty, gúldengen Qazaqstandy Sizben ǵana elestete alamyz jáne elimizdiń bolashaǵyna degen úmit pen senimdi Sizben baılanystyramyz», – delingen hatta. «Astana Solar» JShS ujymynyń músheleri Memleket basshysynyń ekonomıkalyq jáne saıası reformalar júrgizýge baǵyttalǵan saıasatyna senim bildirgen. «Bizdiń elimizde jumysshy tap Qazaqstan qoǵamyn damytý úderisine úles qosa alýy úshin barlyq jaǵdaı jasalýda. Jańa ekonomıkalyq jaǵdaıda prezıdenttik saılaý ótkizý Jalpyǵa Ortaq Eńbek Qoǵamy tujyrymdamasyn iske asyrýǵa múmkindik beredi dep sanaımyz. Osyǵan oraı Sizden saılaýǵa qatysýdy jáne Qazaqstannyń ıgiligi úshin qyzmetińizdi jalǵastyrýdy suraımyz», – dep jazady avtorlar. Aqtóbe qalasynan «Transenergo» AQ jumysshylary Nursultan Na­zar­baevtyń – erekshe oılaý qabileti, mu­qalmas jigeri men ǵalamat eń­­bek­qor­lyǵy bar kóregen saıasatkerdiń bas­shylyǵyndaǵy Qazaqstannyń qazirgi ahýalǵa arnalǵan is-qımyl jospary bar ekenin atap ótken. «Beleń alyp kele jatqan ekono­mı­kalyq qıyndyqtarǵa baılanys­ty daǵdarysqa qarsy «Nurly Jol» baǵ­darlamasyn tabysty júzege asyrý maqsatynda ujymnyń barlyq músheleri atynan Sizdiń aldaǵy saılaýǵa qaty­sýyńyzdy suraımyz. Biz elimizdiń óz Kóshbasshysymen birge odan ári damýy men gúldenýi úshin daýys beremiz», – delingen hatta. Astana qalasynan «Lokomotıv qu­ras­­­tyrý zaýyty» AQ eńbek ujymy pre­zı­denttik saılaý ótkizý týraly sheshim jańa ekonomıkalyq jaǵdaıda barlyq qazaqstandyqtardy tutastyrýǵa, «Nurly Jol» baǵdarlamasyn tıimdi júz­ege asyrýǵa jáne «Qazaqstan-2050» uzaq merzimdi Strategııasynda aıqyn­dalǵan baǵdarmen júrýge múmkindik beretinin aıtady. «Sizden saılaýǵa qatysýyńyzdy jáne elimizdi damytý men órkendetý jolyndaǵy qyzmetińizdi jalǵastyrýdy suraımyz», – dep jazady avtorlar. Astana qalasyndaǵy «Tul­par-Talgo» JShS zaýytynyń jumys­shylary Memleket basshysyna eńbek adamyna degen udaıy qamqorlyǵy úshin alǵys aıtady. «Sizdi ózińizben birge bolashaqqa senimmen qaraýǵa bolatyn respýb­lı­ka­myzdyń kóshbasshysy retinde bile­tindikten, Prezıdent saılaýyna qaty­sýyńyzdy ótinemiz», – delingen hatta. Shyǵys Qazaqstan oblysynyń agro­ónerkásip kesheni ókilderi elimiz damýdyń jańa kezeńine aıaq basqanyn, reformalardy ári qaraı tabysty júrgizýdiń mindetti sharty qoǵamdy toptastyrý jáne saıası turaqtylyq ekenin atap kórsetken. «Qazaqstan Respýblıkasy Prezı­dentiniń saılaýyn ótkizý beıbitshilikti, birlikti jáne respýblıkamyzdaǵy kelisimdi nyǵaıtýǵa septigin tıgizetinine nyq senimdi ekenimizdi bildire otyryp, Sizden, moıyndalǵan ári qurmetti Elba­synan saılaýǵa qatysýdy ótinemiz», – dep jazady avtorlar. Qostanaı qalasynan «Agrotehmash» JShS ujymy búkil álem úshin kúrdeli kezeńde Qazaqstan halqy Elbasynyń basshylyǵymen bolashaqqa batyl jos­par quryp jatqanyn atap ótken. «Búgin biz Sizdiń saıasatyńyzdy qoldaıtynymyzdy málimdeımiz jáne kandıdatýrańyzdyń Qazaqstan Res­pýblıkasy Prezıdentiniń saılaýynda usynylǵanyn qalaımyz», – delingen hatta. «Ýralskagroremmash» AQ ju­mysshylary búkil halyqtyń senimin aqtaǵan jáne halyqaralyq arenada bedelge ıe Nursultan Nazarbaev Qazaqstan Respýblıkasy Prezıdentiniń aldaǵy saılaýyna qatysýy tıis ekenin atap ótken. «Sizdi ishki jáne syrtqy saıasatty sátti júrgizip otyrǵan, Otanymyzdyń áleýmettik-ekonomıkalyq damýyn udaıy qamtamasyz etken Elbasy retin­de aıryqsha baǵalaımyz», – dep jazady avtorlar. Qyzylorda oblysyndaǵy «Abzal jáne K» tolyq seriktestigi ujymy elimizdiń qol jetkizgen tabystaryn nyqtaı túsip, budan ári jańa bıikterge ilgerileýiniń mańyzdylyǵyna nazar aýdarypty. «Bul úshin eń aldymen memleket basynda Sizdiń turǵanyńyz qajet. Sondyqtan biz Qazaqstan Respýblıkasy Prezıdentiniń saılaýyna Siz qatysady dep úmittenemiz jáne Sizge óz daýysymyzdy beretinimizdi habarlaımyz. Barsha qazaqstandyqtar sııaqty biz bolashaǵymyzdy tek Sizben baılanys­tyramyz», – delingen hatta. Qyzylorda oblysyndaǵy «Araltuz» AQ eńbekkerleri Qazaqstannyń barlyq, sonyń ishinde, halyqaralyq deńgeıdegi eleýli jetistikteri Memleket basshysy qyzmetiniń nátıjesi ekenin atap ótken. «Biz óz kandıdatýrańyzdy usyn­ǵanyńyzdy, saılaýda jeńgenińizdi jáne jumysyńyzdy jalǵastyrǵanyńyzdy qalaımyz. Bul – tek bizdiń qyzmet­ker­­lerdiń ǵana emes, eldiń taǵ­dyryn mańyzdy sanaıtyn barsha qazaq­stan­dyqtardyń tilegi», – dep jazady avtorlar. «Qaraǵandy kámpıtteri» AQ ujy­mynyń músheleri Memleket basshy­synyń basshylyǵymen el jańa bıik­terge, budan arǵy ekonomıkalyq damýǵa jáne baq-berekege qol jetkizetinine senim bildirgen. «О́z Elbasymyzǵa jáne ol júr­gizip kele jatqan saıasatqa senim artyp, dostyq pen kelisimdi qoldaı otyryp, Sizden aldaǵy Prezıdent saılaýyna óz kandıdatýrańyzdy usynýyńyzdy ótinemiz. Biz oǵan belsene qatysyp, siz úshin daýsymyzdy beremiz», – delingen hatta. Qostanaı qalasyndaǵy «Baıan Sulý» AQ eńbekkerleri Nursultan Nazar­baevqa qazaqstandyqtardyń búgingi býyny táýelsiz ári beıbit elde ómir súrýge múmkindik alǵany úshin alǵystaryn jetkizgen. «Biz Sizdiń árdaıym halyq tek bo­la­shaqqa senimmen qarap, el taǵ­dy­­ryn óziniń tájirıbeli de dana Kósh­basshysyna senip tapsyrǵanda ǵana múmkin bolatyn birlik, ósip-órkendeý baǵytyndaǵy saıasatyńyzdy qoldadyq jáne qoldaı beremiz. Sondyqtan Sizden óz kandıdatýrańyzdy Qazaqstan Pre­zıdenti saılaýyna usynǵan halyq tilegin eskerýdi suraımyz», – dep jazady avtorlar. Qaraǵandy oblysy Saran qalasyn­daǵy «Kazsentrelektroprovod» JShS eńbekkerleri elimizdegi tatýlyq pen kelisim, sondaı-aq, tabysty áleýmettik-ekonomıkalyq damý Qazaqstan hal­qy­nyń eń basty baılyǵy ekenin aıtady. «Sizden aldaǵy prezıdent saılaýyna qatysýyńyzdy ótinemiz. Qazaqstan halqyna Sizdiń dana saıasatyńyz qajet», – delin­gen hatta. Kókshetaý qalasyndaǵy «AP-Impeks» JShS ujymy Memleket basshy­sy júrgizip kele jatqan saıasat ar­qa­synda búkil elde jańa kásiporyndar ashylyp, jańa jumys oryndary qurylyp, daǵdarysqa qarsy aýqymdy baǵdarlama júzege asyp jatqanyn, Eýrazııalyq ekonomıkalyq odaq aıasynda belsene jumys júrgizip jatqan shaǵyn jáne orta bızneske aıtarlyqtaı qoldaý jasalyp otyrǵanyn aıtady. «Biz Sizden aldaǵy Prezıdent saılaýyna túsýińizdi suraımyz. Biz úshin búkil ujy­mymyz biraýyzdan daýys beretin bir ǵana kandıdat bar», – dep jazady avtorlar. Kókshetaý qalasyndaǵy «Tynys» AQ eńbekkerleri el aldynda turǵan mindetterdiń aýqymdylyǵyn sezinip jáne olardyń tabysty júzege asyrylýyn tek Nursultan Nazarbaevpen baılanystyra otyryp, oǵan aldaǵy prezıdent saılaýyna óz kandıdatýrasyn usyný jónindegi ótinishterin jetkizgen. «Biz Sizge senemiz, Sizdi biraýyzdan qoldaımyz jáne Sizdiń jeńetinińizge senimdimiz. Tek Siz ǵana táýelsiz Qazaq­standy odan ári ósip-órkendeý, tatýlyq pen kelisim jolymen alyp júre alasyz», – delingen hatta. Soltústik Qazaqstan oblysy Myń­keser aýylyndaǵy «Mambetov ı kompanııa» ujymy aýyldardyń damyp, joldar jóndelip, áleýmettik nysandar salynyp, jańa kásiporyndar ashylyp jatqanyna kóńil aýdarypty. «Búginde beıbit aspan astynda ómir súrip, súıikti isimizben aınalysyp jáne óz balalarymyzdy tárbıeleı otyryp, biz turaqtylyǵymyzdy saqtaýdyń qanshalyqty mańyzdy ekenin túsinemiz. Bizdi, aýyl eńbekkerlerin alańsyzdyq pen erteńgi kúnge senim úshin Sizge degen sheksiz alǵys sezimi baýraıdy. Biz Sizdi qyzý jáne jan-jaqty qoldaımyz jáne Prezıdent saılaýyna qatysýyńyzdy suraımyz», – dep jazady avtorlar. Eldiń medısına qyzmetkerleri de hat joldady. Máselen, «Ulttyq ǵylymı kardıohırýrgııa ortalyǵy» AQ ujymy Qazaqstan halqyna arnalǵan «Nurly Jol – bolashaqqa bastar jol» Joldaýynda belgilengen josparlar tek Memleket basshysymen birge júzege asyrylatynyn aıtqan. «Saıası turaqtylyq, eldiń or­nyqty damýy jáne halyqtyń birligi – otandyq densaýlyq saqtaý salasyndaǵy uzaq merzimdi josparlardy júzege asyrýdyń mańyzdy sharttary. Son­dyq­tan Sizden Prezıdent saılaýyna qaty­sýyńyzdy ótinemiz», – delingen hatta. Pavlodar oblystyq kardıologııa ortalyǵy eńbekkerleri táýelsizdik jyldary elimizde jańa aýrýhanalar salynyp, medısına mekemeleri zamanaýı qurylǵylarmen jabdyqtalǵanyn jáne kólikpen qamtamasyz etilgenin atap ótken. «Biz jyldan jylǵa kórkeıip kele jatqan elimizdi maqtan etemiz, qoǵamymyzdaǵy dostyq pen kelisimdi qaster tutamyz. Sózi men isi bir óz Prezıdentimizben maqtanamyz. Biz Sizdi kóregen saıasatker, óz respýb­lıkasy men halqyn biletin, álemde laıyqty bedelge ıe strateg-kóshbasshy retinde tanımyz. Búginde Sizge balama joq. Medısına qoǵamdastyǵy Sizden Prezıdent saılaýyna qatysýdy suraıdy», – dep jazady avtorlar. Qaraǵandy oblystyq kardıohırýrgııa ortalyǵy ujymy tek Nursultan Nazarbaev qana halyqtyń áleýmettik ál-aýqatyn arttyrýǵa qabiletti ekenin aıtady. «Qazaqstanǵa turaqtylyqty saq­taý kerek, Siz sonyń kepilisiz. Osyǵan baılanysty Sizden Prezıdent saılaýyna qatysýyńyzdy ótinemiz», – delingen hatta. Qaraǵandy qalasy №1 aýrý­ha­nasynyń qyzmetkerleri memleket qoldaýy men Qazaqstan Prezıdentiniń qamqorlyǵy arqasynda medısına qyzmetkerleri ózderiniń basty mindetin – halyqtyń densaýlyǵyn saqtaý jáne nyǵaıtý isin sapaly atqarýǵa qajetti barlyq jaǵdaımen qamtamasyz etilgenin aıtady. «Tek Siz ǵana halqymyzdyń tu­tastyǵyn saqtaı alatynyńyzǵa jáne daǵ­darys kezeńiniń qıyndyqtaryn eńserip, memleketimizdi álemdegi eń órken­degen elderdiń qataryna qosa alatynyńyzǵa senimdimiz. Osyǵan baılanysty Sizden Prezıdent saılaýyna qatysýyńyzdy ótinemiz», – dep jazady avtorlar. Nursultan Nazarbaevtyń Prezı­dent saılaýyna qatysýyn qoldaǵan hattar bilim berý salasy ókilderinen de kelip tústi. Atap aıtqanda, M.Ospanov atyndaǵy Batys Qazaqstan memlekettik medısına ýnıversıtetiniń ujymy tek Memleket basshysy ǵana elimizdiń táýelsizdigin odan ári nyǵaıta alatynyna toqtalǵan. «Osyǵan baılanysty Sizden Prezıdent saılaýyna qatysý týraly sheshim qabyldaýdy ótinemiz. О́z tarapymyzdan Sizdi qoldaıtynymyzǵa jáne Siz úshin biraýyzdan daýys beretinimizge sendiremiz», – delingen hatta. Astana qalasyndaǵy «Sana Bala» JShS jáne «Akademııa» BBO qyz­met­kerleri qarjy-ekonomıkalyq daǵdarys jaǵdaıynda Qazaqstan halqy jumylyp, aldaǵy kezde bettesetin barlyq qıyndyqtardy batyl eńsere alatynyna senim bildirgen. «Sizden aldaǵy Prezıdent saılaýyna qatysýyńyzdy suraımyz, al biz óz tarapymyzdan Siz qoıǵan mindetterdiń oryndalýy úshin barlyq kúsh-jigerdi jumsaımyz», – dep jazady avtorlar. Almaty oblysy Esik qalasyndaǵy Abylaıhan atyndaǵy orta mektep oqýshysy D.Amanǵoja óz hatynda bolashaq mamandyǵyn tańdaýǵa qatysty armany, josparlary jóninde oı bólisip, óz otbasy músheleriniń Nursultan Nazarbaevqa daýys berý nıetinde ekenin aıta kelip, Prezıdent saılaýyna qatysýyn ótingen. Aqtóbe oblysynyń jaýynger-ınternasıonalısteri de Memleket basshysynyń kóregen saıasatynyń arqasynda Qazaqstan jahandyq qaýip-qaterlerge qarsy erte qamdanǵanyn aıtady. «О́z Joldaýyńyzda Siz daǵdarysqa qarsy tereń oılastyrylǵan baǵdarlama usyndyńyz. Eger Siz aldaǵy saı­laý­ǵa qatysatyn bolsańyz, búkil Qazaq­stan halqy kandıdatýrańyzdy qoldaı­tynyna senimdimiz. Sizdi tańdaı otyryp, biz «Nurly Jol – bolashaqqa bas­tar joldy» tańdaımyz», – delingen hatta. Olardyń pikirin Astana qalasyndaǵy «Obereg» Ýkraın qoǵamy» qoǵamdyq birlestiginiń músheleri qoldaǵan jáne Nursultan Nazarbaev halyqqa sheksiz qyzmet etýdiń mysaly, Otanǵa degen súıispenshilik pen adaldyqtyń úlgisi ekenin atap ótken. «Sondyqtan Sizden prezıdenttik saılaýǵa qatysýyńyzdy suraımyz. Biz elimizdi gúldendirip, baq-berekesin arttyrýda zor bıikterge Sizben ǵana jetetinimizge senimdimiz», – dep jazady avtorlar. Astana qalasy máslıhatynyń depýtaty A.Baıgenjın Memleket basshy­synyń Prezıdent saılaýyna qaty­sýyn barlyq qazaqstandyqtar kútip otyrǵanyna toqtalǵan. О́ıtkeni, bul qadam eldi damytýǵa baǵyttalǵan mańyzdy baǵdarlamalardy júzege asyrý jumystaryn jalǵastyrýǵa múmkindik beredi. Elimizdiń jekelegen azamattary da hat joldady. Máselen, Taraz qalasynyń turǵyny, Parlament Senatynyń eks-depýtaty J.Káribaev elimizdiń barlyq iri jetistikteri Memleket basshysy qyzmetiniń jemisi ekenin aıtady. «Alda jumys kóp. «Qazaqstan-2050» Strategııasynda, jyl saıynǵy Jol­daýda belgilengen mindetterdi júze­ge asyrý maqsatynda Sizden prezıdenttik saılaýǵa qatysýdy suraımyn, óıtkeni, basqa balama joq», – delingen hatta. Almaty qalasynyń turǵyny S.Me­deýbaev Memleket basshysy júrgizip otyrǵan saıasattyń tıimdiligin ataı otyryp, álemdegi damyǵan 30 mem­lekettiń qataryna kirýge baǵyttalǵan sharalardy Qazaqstan Prezıdentiniń odan ári júzege asyrýy mańyzdy ekenin aıtqan. Taraz qalasynyń turǵyny A.Dúı­senbekova Elbasynan prezıdenttik saılaýǵa qatysýyn ótine otyryp, onyń otbasy túgeldeı Nursultan Nazarbaevqa daýys berýge daıyn ekenin málimdeıdi. Qazaqstan Respýblıkasy Prezı­den­tiniń kezekten tys saılaýyn taǵaı­yndaýǵa baılanysty hattar legi áli de jalǵasýda.