TARAZ. 20 tamyz. Jambyl oblysynyń aýylsharýashylyq ónimderi tıelgen júk kólikter kerýeni Elordaǵa qaraı jol tartty. Dıqandar Astana qalasyna 24,5 mln. teńgeniń 115 tonna ónimin áketti. Bul týraly egemen.kz tilshisi habarlady.
«Astana qalasynyń aınalasynda azyq-túlik beldeýin qurý jónindegi Elbasynyń tapsyrmasyn oryndaý maqsatynda «Qazaq handyǵynyń 550 jyldyǵyna» oraı Jambyl oblysy ákimdigi men aýyl sharýashylyǵy basqarmasy jáne «Taraz» ÁKK» AQ-nyń uıymdastyrýymen tamyz aıynyń 22-si men qyrkúıek aıynyń 22-si aralyǵynda Astana qalasynda apta saıyn aýyl sharýashylyǵy jármeńkesin ótkizý josparlanǵan, – deıdi bul jóninde Jambyl oblysy ákiminiń orynbasary Abdaly Nuralıev. – Osyǵan oraı Astana qalasyna 10 tonna eti, 2 tonna sút, 5 tonna shujyq pen 57 tonnadan astam kókónis-baqsha ónimderi jóneltildi. Odan bólek, oblysta óndiriletin basqa da aýyl sharýashylyǵy taýarlary, atap aıtsaq, ara baly, qymyz, makaron ónimderi, ósimdik maıy bar. 6 refrıjerator kóligine tıelgen taýarlardy 30 satýshy aldaǵy demalys kúnderi Astana qalasynyń turǵyndaryna 15-20 paıyz tómen baǵamen usynatyn bolady.
Oralhan Dáýit.
Derek: egemen.kz.
Sýret: Aqádil Rysmahan.
