Áleýmettik turǵyn úı kólemi artady

«Báıterek» holdıngi men Ulttyq kásipkerler palatasy «Nurly Jol – bolashaqqa bastar jol» Jol­daýynda aıtylǵan áleýmettik turǵyn úıdi jalǵa berý jáne qurylysty qarjylandarý sharttaryn tal­qylady. «Báıterek» ulttyq basqarýshy holdıngi men Ulttyq kásipkerler palatasy ókilderi bas qosqan dóńgelek ústel taqyryby turǵyn-úı ınfraqurylymyn nyǵaıtý baǵytyndaǵy «О́ńirlerdi damytý-2020» baǵdarlamasyn júzege asyrýǵa arnaldy. Baǵdarlamaǵa sáıkes, «Báıterek» holdıngi men onyń enshiles qurylymy – Qazaqstannyń Ipotekalyq kompanııasy turǵyn úılerdi tek salyp qana qoımaı, naryqtaǵy daıyn turǵyn úılerdi satyp alý múmkindigine ıe bolady. Sharaǵa qatysýshylar áleýmettik turǵyn úıdi jalǵa berý jáne qurylys tetikterin qarjylandyrý úrdisteri men sharttaryn jan-jaqty talqy­lady. Ulttyq kásipkerler palatasy baǵdarlamanyń jasaqtalýy men talqylanýyna belsene qatysyp, turǵyn úılerdiń qoljetimdi baǵa­men satylýyn, páterlerdi bólý úrdisiniń ashyq bolýyn jáne qurylysqa jeke qurylys kom­pa­nııalarynyń qatysýyn qamta­masyz etilýi jóninde de naqty usynystaryn bildirdi. Dóńgelek ústelge jı­nal­ǵan­dardyń sózine qaraǵanda, «О́ńir­lerdi damytý-2020» baǵdarla­ma­synyń júzege asýy barysynda, 5 jyl ishinde ortasha eseppen 29 myń páterdi quraıtyn 1 483 myń sharshy metr­ge teń jalǵa beriletin turǵyn úı salý josparlanǵan. Jal­ǵa beriletin áleýmettik turǵyn úıdi bólý barysynda basymdyq kópbalaly otbasylarǵa, tolyq emes otbasylarǵa, múgedek balalary bar nemese olardy tárbıe­lep otyrǵan otbasylaryna, je­tim balalarǵa jáne ata-analary­nyń qamqorlyǵynsyz qalǵan bala­larǵa, memlekettik qyzmetker­lerge, bıýdjettik uıymdar­dyń qyzmetkerlerine, áskerı qyzmet­kerlerge jáne arnaıy memlekettik organ qyzmetkerlerine, oralman­darǵa beriledi. Bul jerde, turǵyn úılerdiń 50 paıyzy 3 jyldan kem emes nekede turatyn ári balasy bar jergilikti basqarý organdarynda kezekte turǵandar boıynsha bólinedi. Jubaılardyń jasy 35-ke tolmaǵan bolýy shart. Sonymen qa­tar, bólingen qarjynyń qaıta­rylýyn qamtamasyz etý maqsa­tynda barlyq úmitkerlerdiń tólem­aqy tóleý qabileti esepke alynatyn bolady. «Báıterek» holdınginiń en­shiles qurylymy – Qazaqstannyń Ipotekalyq kompanııasy arqyly turǵyn úılerdi berý barysynda kópshilikti qamtýǵa jáne aı saıynǵy jaldyq aqyny azaıtý maqsatynda basymdyq kishi kó­lem­di páterlerge beriledi. Máselen, 1 bólmeli páterlerdiń kólemi – 33 sh/m, 2 bólmeli páterlerdiń kólemi – 45 sh/m, 3 bólmeli páterlerdiń kólemi – 62 sh/m kóleminde bolmaq. Turǵyn úıdi salǵan jaǵdaıda Astana men Almaty qalalarynda taza nusqasyndaǵy páterlerdiń 1 sharshy metriniń negizgi quny 185 tyń teńgeni quraıdy, al basqa aımaqtarda 150 myń teńgege deıin bolmaq. Naryqta daıyn turǵyn úıdi satyp alǵan jaǵdaıda Astana men Almaty qalalarynda árbir shar­shy metr 200 myń teńgege deıin, al qalǵan aımaqtarda 165 myń teń­gege deıin bolady dep kútilýde. Máselen, Astana men Almaty qalalarynda kólemi 50 sh/m quraı­tyn 2 bólmeli páterdiń jaldyq quny 56 myń teńgeden aspaıtyn bolady. Al qalǵan óńirlerde 47 myń teńgeden aspaıdy. Jalpy, 2015 jyly baǵdarlamaǵa sáıkes, 9 740 páter nemese 487 myń sharshy metr kóleminde jalǵa beriletin turǵyn úıdiń qurylysyn salý josparlanǵan. Jylqybaı JAǴYPARULY, «Egemen Qazaqstan».