Taldyqorǵanda 200-ge jýyq jas kóshet otyrǵyzyldy

TALDYQORǴAN. 4 naýryz. Taldyqorǵan qalasynda Qazaq handyǵynyń 550 jyldyǵy, Jeńistiń 70 jyldyǵy, Qazaqstan Halqy assambleıasynyń 20 jyldyǵy men Konstıtýsııasnyń 20 jyldyǵy mereıli datalary aıasynda 200-ge jýyq jas kóshet otyrǵyzyldy. Oǵan Almaty oblysynyń ákimi Amandyq Batalov qatysty. Bul týraly zhetysu.gov.kz habarlady. Oblystyq «Jasyl el» jasaqtary, stýdentter, oqýshylar, bir top ardagerler qaýymy men ájeler jáne qala turǵyndarynyń atsalysýymen «Jastar» saıabaǵyna 50 qaraǵaı, 80 kók shyrsha, 70 tıan-shan shyrshasy otyrǵyzyldy. Aǵash otyrǵyzý rásiminde oblys ákimi Amandyq Batalov sóz sóılep, kóktemniń alǵashqy kúnindegi osyndaı ıgi bastamany turaqty túrde ótkizip turý kerektigin aıtty. «Bul jer bolashaqta Taldyqorǵan qalasynyń eń kórikti, demalýǵa yńǵaıly jerleriniń biri bolady. Sonymen qatar, saıabaqtan bólek bul jerlerde 1200 oryndyq mektep, meıramhana, saltanat saraıy da boı kóteredi. «Jastar» saıabaǵy jastardyń demalatyn orny. Osy istiń barlyǵy keıingi urpaq úshin jasalýda», dedi Amandyq Batalov. Aıta keteıik, 2014 jyly oblys kóleminde 10 myńǵa jýyq qylqan japyraqty aǵash kóshetteri otyrǵyzylǵan. Bıylǵy jylǵa da osynsha aǵash otyrǵyzý josparlanǵan. Nurbol Áldibaev. Derek, sýret: zhetysu.gov.kz.