Qazaqstan Respýblıkasy Úkimetiniń qaýlysy  №607

2015 jylǵy 7 tamyz, Astana, Úkimet Úıi «Strategııalyq mańyzy bar jer qoınaýy ýchaskeleriniń, ken oryndarynyń tizbesin bekitý týraly» Qazaqstan Respýblıkasy Úkimetiniń 2011 jylǵy 4 qazandaǵy № 1137 qaýlysyna ózgerister men tolyqtyrý engizý týraly Qazaqstan Respýblıkasynyń Úkimeti qaýly etedi: 1. «Strategııalyq mańyzy bar jer qoınaýy ýchaskeleriniń, ken oryndarynyń tizbesin bekitý týraly» Qazaqstan Respýblıkasy Úkimetiniń 2011 jylǵy 4 qazandaǵy № 1137 qaýlysyna (Qazaqstan Respýblıkasynyń PÚAJ-y, 2011 j., № 56, 793-qujat) mynadaı ózgerister men tolyqtyrý engizilsin: taqyryby mynadaı redaksııada jazylsyn: «Strategııalyq mańyzy bar jer qoınaýy ýchaskeleriniń, ken oryndarynyń tizbesin, sondaı-aq olardy osyndaılarǵa jatqyzý krıterıılerin bekitý týraly»; kirispesi men 1-tarmaq mynadaı redaksııada jazylsyn: «Jer qoınaýy jáne jer qoınaýyn paıdalaný týraly» 2010jylgy 24 maýsymdaǵy Qazaqstan Respýblıkasy Zańynyń 14-1-babyna sáıkes Qazaqstan Respýblıkasynyń Úkimeti qaýly etedi: 1. Qosa berilip otyrǵan: 1) strategııalyq mańyzy bar jer qoınaýy ýchaskeleriniń, ken oryndarynyń tizbesi; 2) jer qoınaýy ýchaskelerin, ken oryndaryn strategııalyq mańyzy bar jer qoınaýy ýchaskelerine, ken oryndaryna jatqyzý krıterııleri bekitilsin.»; osy qaýlyǵa qosymshaǵa sáıkes kórsetilgen qaýlyǵa qosymshamen tolyqtyrylsyn. 2. Osy qaýly alǵashqy resmı jarııalanǵan kúninen bastap qoldanysqa engiziledi. Qazaqstan Respýblıkasynyń Premer-Mınıstri K.Másimov. Qazaqstan Respýblıkasy Úkimetiniń 2015 jylǵy 7 tamyzdaǵy №607 qaýlysyna qosymsha Qazaqstan Respýblıkasy Úkimetiniń 2011 jylǵy 4 qazandaǵy №1137 qaýlysymen bekitilgen Jer qoınaýy ýchaskelerin, ken oryndaryn strategııalyq mańyzy bar jer qoınaýy ýchaskelerine, ken oryndaryna jatqyzý krıterııleri 1. Jer qoınaýy ýchaskelerin, ken oryndaryn strategııalyq mańyzy bar jer qoınaýy ýchaskelerine, ken oryndaryna jatqyzý úshin olar mynadaı krıterıılerdiń birine sáıkes kelýi qajet: 1) jer qoınaýyn paıdalanýǵa arnalǵan bir nemese birneshe kelisimshart sheńberinde bir tulǵa ne úlestes tulǵalar toby ıgeretin ken oryndary tobynyń jer qoınaýy ýchaskesinde bolýy, olardyń paıdaly qazbalarynyń alynatyn qorynyń jıyntyq shamasy mynalardy quraıdy: Paıdaly qazba, qorlardyń ólshem birligi Qorlar mólsheri 1 2 Kómirsýtek shıkizaty Munaı, mln. t >15 Tabıǵı gaz, mlrd. m >10 Qara metaldar ken oryndary Temir kenderi, mln. t >100 Marganes kenderi, mln. t >20 Hromıt kenderi, mln. t >30 Tústi, sırek kezdesetin jáne asyl metaldar ken oryndary Mys, mln. t >5 Qorǵasyn, mln. t >2 Myrysh, mln. t >2 Boksıtter, mln. t >50 1 2 Nıkel, myń t >50 Volfram, myń t >100 Molıbden, myń t >200 Altyn, t >50 Energetıkalyq shıkizat ken oryndary Kómir, mln. t kokstalatyn >50 energetıkalyq >500 qońyr >500 Janǵysh taqtatastar, mln. t >500 Beımetall paıdaly qazbalardyń ken oryndary Fosforıtter (keni), mln. t >200 Kalıı tuzdary: hlorly sur túz, mln. t >600 kúkirtqyshqyldy, aralas, mln. t >100 natrıı sýlfaty (mırabılıt, tenardıt), mln. t >10 Barıtter (ken), mln. t >10 2) jer qoınaýy ýchaskesiniń nemese ken ornynyń teńizde nemese ishki sý toǵanynda ornalasýy;3) eldiń qorǵanys qabilettiligi nemese ulttyq qaýipsizdigi múddeleri arqyly aıqyndalatyn, ıgerilýi: Qazaqstan Respýblıkasynyń ekonomıkalyq múddelerine qaýip tóndirýge qabiletti nemese tóndiretin; eldiń qorǵanys qabileti deńgeıiniń tómendeýine, memlekettik shekaranyń qol suǵylmaý­shylyǵyna qater tóndirýge ákep soqtyratyn; ekologııalyq jaǵdaıdyń, onyń ishinde aýyzsý sapasynyń kúrt nasharlaýyna, dúleı apattar men tabıǵı jáne tehnogendik sıpattaǵy ózge de tótenshe jaǵdaılarǵa, epıdemııalar men epızootııalarǵa ákep soqtyratyn jer qoınaýy ýchaskeleri nemese ken oryndary; 4) ýran ken oryndary; 5) iri eldi mekenderdi aýyzsýmen nemese sharýashylyq-turmystyq sýmen jabdyqtaýǵa arnalǵan jerasty sýlarynyń ken orny.