Daǵdarystan damýǵa jol tabaıyq

Nurbek AIYMBETOV, «Aral Servıs daıyndaý ortalyǵy» JShS bas dırektory. Elbasy Nursultan Nazarbaev osydan biraz buryn elde álde­qandaı ekonomıkalyq qıyndyq ornaı qalsa, ony halyqqa týra aıtatynyn málimdegen edi. Qazaq­stan jańa ekonomıkalyq saıasatqa kóshkenin bilemiz. Osyǵan oraı Mem­leket basshysy Úkimet múshe­­lerimen jáne elimizdegi iri kásip­kerlermen kezdesti. Kezdesý barysynda qazirgi ekonomıkalyq jaǵdaıǵa baıla­nys­ty qadaý-qadaý máseleler aıtyldy. Eń aldymen mundaı jaǵdaı­ǵa májbúrlikten baryp otyr­ǵa­ny­myzdy aıtý kerek. О́ıtkeni, álem­dik ekonomıkalyq daǵdarys qan­sha baǵynbaımyn deseń de óz de­genin jasaıdy. Sondyqtan, Qazaq­stannyń aldynda úsh tańdaý turdy. Birinshi, eshteńe istemeı, teńge baǵamyn ustap turý jáne jaǵdaıdyń jaqsarǵanyn kútý. Biraq, mundaı saıasattyń ótemi de ońaı emes edi. О́ıtkeni, onyń sońy óndiristi qysqartyp, jumys oryndarynan aıyrylýǵa jáne altyn-valıýta qoryn túgesýge ákep soǵatyn. Ekinshi, teńge baǵamyn birtindep álsiretý. Syrtqy naryqtardaǵy ahýal nashar ári belgisiz bolyp turǵanda mundaı jol da altyn-valıýta qoryn kóp shyǵyndaıdy. Sondyqtan, qolda bar múmkindikterdiń bárin esepteı kele, meılinshe durysy teńgeniń erkin aıyrbas baǵamyn engizý jáne ınflıasııalyq targetteýge kóshý durys dep tanylǵan. «Búgingi tańda bizde budan basqa balama bolǵan joq. Biz barlyq baǵdarlamalarymyzdy basqasha josparlaǵanymyzdy bilesizder. Alaıda, daǵdarys árqashan óz túzetýin engizedi. Degenmen, biz jaǵdaıdyń bulaısha órbýine de daıyndaldyq. Indýstrııalyq-ınnovasııalyq baǵdarlama jáne óńdeýshi ónerkásipti keńeıtý, Ult­tyq qor qurý – osynyń bári osyn­daı ahýalǵa kúni buryn jasal­­ǵan daıyndyq», – dedi Elbasy. Qazaqstan táýelsizdik alǵannan beri budan da zor daǵdarystardan aman shyqqan. Sol sebepti búgingi jaǵdaıdan asa bir qorqynysh týmasa kerek. Eń bastysy, eldiń tynyshtyǵy men beıbitshiligi. О́ıtkeni, daǵdarys keledi, ketedi. Al memleket – máńgilik. Qyzylorda oblysy.