Qazaqstan Respýblıkasy Investısııalar jáne damý mınıstrliginiń buıryǵy  №169

2015 jylǵy 24 aqpan, Astana qalasy Áýe kemelerin paıdalanýshylardy aeronavıgasııalyq aqparatpen qamtamasyz etý qaǵıdalaryn bekitý týraly «Qazaqstan Respýblıkasynyń áýe keńistigin paıdalaný jáne avıasııa qyzmeti týraly» Qazaqstan Respýblıkasy 2010 jylǵy 15 shildedegi Zańynyń 14-baby 1-tarmaǵy 41-18) tarmaqshasyna sáıkes buıyramyn: 1. Qosa berilip otyrǵan Áýe kemelerin paıdalanýshylardy aeronavıgasııalyq aqparatpen qamtamasyz etý qaǵıdalary bekitilsin. 2. Qazaqstan Respýblıkasy Investısııalar jáne damý mınıstrliginiń Azamattyq avıasııa komıteti (B.K. Seıdahmetov): 1) osy buıryqtyń Qazaqstan Respýblıkasy Ádilet mınıstrliginde zańnamada belgilengen tártippen memlekettik tirkelýin; 2) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin kúntizbelik on kúnniń ishinde merzimdi baspa basylymdarynda jáne «Qazaqstan Respýblıkasy Ádilet mınıstrliginiń Respýblıkalyq quqyqtyq aqparat ortalyǵy» sharýashylyq júrgizý quqyǵyndaǵy «Ádilet» respýblıkalyq memlekettik kásipornynyń aqparattyq-quqyqtyq júıesinde resmı jarııalaýǵa kóshirmelerin jiberýdi; 3) osy buıryqtyń Qazaqstan Respýblıkasy Investısııalar jáne damý mınıstrliginiń ınternet-resýrsynda jáne memlekettik organdardyń ıntranet-portalynda ornalastyrylýyn; 4) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin on jumys kúni ishinde osy buıryqtyń 2-tarmaǵynyń 1), 2) jáne 3) tarmaqshalarynda kózdelgen is-sharalardyń oryndalýy týraly málimetterdi Qazaqstan Respýblıkasy Investısııalar jáne damý mınıstrliginiń Zań departamentine usynýdy qamtamasyz etsin. 3. Osy buıryqtyń oryndalýyn baqylaýdy ózime qaldyramyn. 4. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi. Qazaqstan Respýblıkasy Investısııalar jáne damý mınıstriniń mindetin atqarýshy J. Qasymbek. Qazaqstan Respýblıkasy Investısııalar jáne damý mınıstriniń mindetin atqarýshynyń 2015 jylǵy 24 aqpandaǵy №169 buıryǵymen bekitilgen Áýe kemelerin paıdalanýshylardy aeronavıgasııalyq aqparatpen qamtamasyz etý qaǵıdalary 1. Jalpy erejeler 1. Osy áýe kemelerin paıdalanýshylardy aeronavıgasııalyq aqparatpen qamtamasyz etý qaǵıdalary (budan ári - Qaǵıdalar) Qazaqstan Respýblıkasynyń áýe qozǵalysyna qyzmet kórsetý organdarynyń jaýapkershilik aımaǵynda usynylatyn aeronavıgasııalyq aqparatpen qamtamasyz etý tártibin belgileıdi. 2. Osy Qaǵıdalardyń talaptardy áýe kemelerin paıdalanýshylardy aeronavıgasııalyq aqparatpen qamtamasyz etýdi uıymdastyrýǵa jáne qamtamasyz etýge qatysatyn azamattyq avıasııa kásiporyndarynyń, mekemeleri men uıymdarynyń barlyq laýazymdy tulǵalary jáne avıasııalyq personaly oryndaıdy. 3. Osy Qaǵıdalarda qoldanylatyn negizgi anyqtamalar men termınder: 1) absolıýttik bıiktik – teńizdiń orta deńgeıinen núkteniń nemese núkte dep eseptelgen obektiniń deńgeıine deıingi tik qashyqtyq; 2) adamı faktordyń aspektileri - josparlaý, sertıfıkattaý, kadrlardy daıarlaý, tehnıkalyq qyzmet kórsetý jáne avıasııadaǵy paıdalaný qyzmetteri prosesterine qoldanylatyn jáne adamnyń múmkindikterin tıisti túrde esepteý arqyly adam men júıeniń basqa komponentteri arasyndaǵy qaýipsiz qarym-qatynasty qamtamasyz etýge baǵyttalǵan qaǵıdattar; 3) aeronavıgasııalyq aqparat – áýe kemelriniń ushýyn qamtamasyz etý áýe qozǵalysyna qyzmet kórsetý jáne áýe qozǵalysyn basqarý maqsattary úshin derekterdi jınaý, taldaý jáne óńdeý nátıjesinde alynǵan aqparat; 4) aeronavıgasııalyq aqparatty basqarý qyzmeti - naqty belgilengen áreket etý aımaǵynda qurylǵan qyzmet, ol áýe navıgasııasynyń qaýipsizdigin, turaqtylyǵy men tıimdiligin qamtamasyz etý úshin qajetti aeronavıgasııalyq aqparattardyń derekterdiń usynylýyna jaýapty; 5) aeronavıgasııalyq derekter - aeronavıgasııalyq naqty derekterdi, tujyrymdamalardy nemese nusqaýlyqtardy baılanys, túsindirý nemese óńdeý úshin yńǵaıly formaldi tártippen baıandaý; 6) aeronavıgasııalyq karta - aeronavıgasııa úshin arnaıy taǵaıyndalǵan jer betiniń ýchaskesi, onyń bederi jáne jasandy qurylystary beınelengen shartty beıne; 7) aeronavıgasııalyq aqparattar jınaǵy - aeronavıgasııa úshin eleýli mańyzy bar uzaq merzimdi aeronavıgasııalyq aqparatty qamtıtyn memleket shyǵarǵan nemese bekitken jarııalanym; 8) aeronavıgasııalyq aqparat jınaǵyna qosymsha - aeronavıgasııalyq aqparattar jınaǵyndaǵy aqparatqa engiziletin jáne jeke paraqtarda jarııalanatyn ýaqytsha ózgerister; 9) aeronavıgasııalyq aqparattar jınaǵynda jasalatyn túzetýler - aeronavıgasııalyq aqparattar jınaǵyndaǵy aqparatqa engiziletin turaqty ózgerister; 10) aeronavıgasııalyq aqparattyń sırkýlıary - NOTAM shyǵarýdy nemese ony aeronavıgasııalyq aqparat jınaǵyna engizýdi qajet etpeıtin, biraq ushýlardyń qaýipsizdigi máselelerine nemese aeronavıgasııalyq, tehnıkalyq, ákimshilik jáne zańdyq máselelerge qatysty aqparatty qamtıtyn habarlama; 11) ajyratý qabileti (ajyratymdylyq) - qoldanylatyn ólshengen nemese eseptelgen mánniń tártibin anyqtaıtyn birlikterdiń nemese sıfrlardyń sany; 12) azamattyq avıasııa salasyndaǵy ýákiletti organ - Qazaqstan Respýblıkasynyń áýe keńistigin paıdalaný jáne azamattyq jáne eksperımenttik avıasııa qyzmeti salasynda basshylyqty júzege asyratyn ortalyq atqarýshy organ; 13) aımaqtyq navıgasııa - áýe kemelerine kez kelgen traektorııa boıynsha radıomaıaktik navıgasııalyq quraldardyń áreket aımaqtary sheginde jáne avtonomdy quraldardyń nemese olardyń quramdastarynyń múmkindikterimen anyqtalatyn shekterinde ushý jasaýǵa múmkinshilik beretin navıgasııa ádisi; 14) aımaqtaǵy ushýdyń eń tómengi absolıýttik bıiktigi - aspaptyq meteorologııalyq jaǵdaılarda paıdalanylýǵa tıisti jáne ádette paraleldermen jáne merıdıandarmen aıqyndalatyn belgilengen aımaq shegindegi kedergilerdiń ústinen eń tómengi bıiktik qoryn qamtamasyz etetin eń tómengi absolıýttik bıiktik; 15) aqparat ónimi - derekter shoǵyry nemese aqparat óniminiń erekshelikterine jaýap beretin derekter shoǵyrynyń jıyntyǵy; 16) aspaptar boıynsha qonýǵa kirý shemasy – kedergilermen soqtyǵysýdy boldyrmaýdy kózdeıtin belgilengen talaptardy saqtaǵan jaǵdaıda, qonýǵa kirýdiń bastapqy kezeńiniń baqylaý núktesinen nemese, tıisti jaǵdaılarda, belgilengen ushyp kelý marshrýtynyń basynan bastap, qoný oryndalýy múmkin núktege deıin, al eger qoný oryndalmaǵan bolsa, kútý aımaǵynda nemese marshrýtta kedergilerdiń ústinen ushyp ótý krıterııleri qoldanylyp bastalatyn núktege deıin pılotajdyq asaptar boıynsha oryndalatyn aldyn ala belgilengen manevrler serııasy; 17) asyp ketý – vertıkal boıynsha teńizdiń orta deńgeıinen jer betiniń nemese onymen baılanysty obektiniń núktesine nemese deńgeıine deıingi araqashyqtyq; 18) áýeaılaq aýdanyna kelýdiń absolıýttik bıiktigi – radıýsy 46 km (25 m. mıl) aınalym doǵasy jarmasynda ornalasqan barlyq obektilerdiń ústinen 300 m (1000 fýt) bolatyn eń tómengi bıiktik qoryn qamtamasyz etetin, ortalyǵy qonýǵa kirýdiń bastapqy kezeńiniń baqylaý núktesinde nemese, eger qonýǵa kirýdiń bastapqy kezeńiniń núktesi joq bolsa, osy doǵanyń ushtaryn qonýǵa kirýdiń aralyq kezeńiniń núktesimen qosatyn týra syzyqtarmen shektelgen qonýǵa kirýdiń aralyq kezeńiniń baqylaý núktesinde bolatyn eń az absolıýttik bıiktik; 19) áýeaılaq - áýe kemeleriniń tolyq nemese jartylaı kelýi, ketýi jáne sol jazyqtyqtaǵy qozǵalysyna arnalǵan jer nemese sý betindegi (kez kelgen ǵımarattardy, qurylystardy jáne jabdyqtardy qosa) belgilengen ýchaske; 20) áýe trassasy - baqylanatyn áýe keńistigi nemese dáliz túrindegi onyń bóligi; 21) áýeaılaqtyń baqylaý núktesi – áýeaılaqtyń geografııalyq ornalasqan jerin aıqyndaıtyn núkte; 22) áýe qozǵalysyna qyzmet kórsetý marshrýty – áýe qozǵalysyna qyzmet kórsetýdi qamtamasyz etý maqsatynda qozǵalys aǵynyn baǵyttaýǵa arnalǵan belgilengen marshrýt; 23) áýe kemesine qyzmet kórsetý – tıisti jaǵdaılarda ushý-aqparattyq qyzmet kórsetýdi, avarııalyq habarlaýdy, áýe kemesine konsýltasııalyq qyzmet kórsetýdi, áýe qozǵalysyna dıspetcherlik qyzmet kórsetýdi (aýdandyq dıspetcherlik qyzmet kórsetý, jaqyndaý kezinde dıchpetcherlik qyzmet kórsetý nemese áýeaılaqtyq dıspetcherlik qyzmet kórsetý) bildiretin jalpy termın; 24) áýeaılaqtan asyp ketý – qoný alańynyń eń joǵary núktesinen asyp ketý; 25) áýeaılaqtyń paıdalaný mınımýmdary – tómendegiler úshin áýeaılaqty paıdalanýǵa shekteý qoıý: ushý-qoný jolaǵyndaǵy kóriný uzaqtyǵy jáne/nemese kóriný mánderimen jáne qajet bolǵan jaǵdaıda, bulttylyq parametrlerimen belgilenetin ushyp kóterilý úshin; qonýǵa dál kirýdi oryndaý kezinde qondyrý jáne ushý-qoný jolaǵynda kóriný jáne/nemese kórinýdiń alystyǵy jáne paıdalaný sanattaryna sáıkes sheshim qabyldaýdyń absolıýttik /salystyrmaly bıiktigi mánderimen belgilenetin qonýlar úshin; qonýǵa kirýdi oryndaý kezinde qoný jáne ushý-qoný jolaǵynda kóriný jáne/nemese kóriný alystyǵy jáne sheshim qabyldaýdyń absolıýttik/salystyrmaly bıiktigi mánderimen belgilenetin tik jazyqtyqqa dáldeýmen qonýlar úshin; qonýǵa dál emes kirýdi oryndaý kezinde qoný jáne ushý-qoný jolaǵynda kóriný jáne/nemese kórinýdiń alystyǵy, tómendeýdiń eń tómengi absolıýttik/salystyrmaly bıiktigi mánderimen jáne qajet bolǵan jaǵdaıda bulttylyq parametrlerimen belgilenetin qonýlar úshin; 26) baza - basqa shamalardy esepteýdiń basy nemese negizi retinde qyzmet etetin kez kelgen shama nemese shamalar qatary; 27) beder - aeronavıgasııalyq kartalarda gorızontaldarmen, reńktik gıpsometrııamen, boıaý jýýmen nemese bıiktik belgilerimen berilgen jer betiniń tegis emes jerleri; 28) birikken aeronavıgasııalyq aqparat paketi - paket mynadaı elementterden turady: aeronavıgasııalyq aqparattar jınaǵy, túzetýlerin qosa; aeronavıgasııalyq aqparattar jınaǵyna engiziletin tolyqtyrýlar; NOTAM jáne ushý aldyndaǵy aqparat bıýlleteni; aeronavıgasııalyq aqparattyń sırkýlıary; baqylaý tizbesi jáne qoldanystaǵy NOTAM tizbesi; 29) vektorlaý - áýe kemelerin ÁQQ baqylaý júıelerin qoldaný negizinde belgili bir kýrstardy kórsetý arqyly navıgasııalyq baǵyttaýdy qamtamasyz etý; 30) geoıd tolqyny (geoıd bıiktigi) - geoıd beti men matematıkalyq turǵydan anyqtalǵan referens-ellıpsoıd beti arasyndaǵy qashyqtyq (oń nemese teris maǵyna); 31) geoıd - Jerdiń gravıtasııalyq órisindegi teńizdiń bekitilgen orta deńgeıi men onyń materıkter alyp jatqan jalǵasyna sáıkes keletin balamaly áleýetti beti. Jergilikti gravıtasııalyq aýytqýlardyń saldarynan geoıd pishini durys emes qalyptasqan, sondyqtan aýyrtpalyq kúshiniń baǵyty kez kelgen núktede geoıd betine perpendıkýlıar; 32) glıssada - qonýǵa kirýdiń sońǵy kezeńinde tik baǵyttaý úshin ornatylǵan tómendeý pishini; 33) grıgorıandyq kúntizbe – kópshilik qabyldaǵan kúntizbe; alǵashqy ret ıýlıandyq kúntizbemen salystyrǵanda tropıkalyq jylǵa barynsha sáıkes keletin jyldy anyqtaý úshin 1582 jyly engizilgen; 34) dáldik - esepteý nemese ólsheý mániniń naqty mánge sáıkes kelý dárejesi. Turǵan jerdi ólsheý dáldigi, ádette, naqty turǵan jeri anyqtalǵan yqtımal dárejesimen belgilengen shektegi habarlanǵan jerinen bergi qashyqtyqpen beriledi; 35) derekter sapasy - usynylǵan derekterdiń naqtylyq, ajyratymdylyq jáne tutastyq turǵysynan derekterdi paıdalanýshy qoıatyn talaptarǵa jaýap bere alatyndyǵynyń dárejesi nemese deńgeıi; 36) derekter shoǵyrynyń jıyntyǵy - ónimniń birdeı erekshelikterine sáıkes keletin derekter shoǵyrynyń jıyntyǵy; 37) derekter shoǵyry - derekterdiń belgili bir jıyntyǵy; 38) derekterdi berý jelisi boıynsha «dıspetcher-pılot» baılanysy - derekterdi berý jelisin qoldaný arqyly áýe qozǵalysyna qyzmet kórsetý maqsatynda dıspetcher men pılot arasyndaǵy baılanys quraly; 39) ekinshi aınalymǵa ketý shemasy – qonýǵa kirýdi jalǵastyrý múmkin bolmaǵan jaǵdaıda ustanýǵa tıisti tártip; 40) ekinshi aınalymǵa ketý núktesi – aspaptar boıynsha qonýǵa kirý shemasyndaǵy kedergilerdiń ústinen bıiktiktiń eń tómengi qoryn qamtamasyz etý úshin ekinshi aınalymǵa ketýdiń aldyn ala jasalǵan shemasy boıynsha ushý bastalǵan nemese oǵan deıin ushý bastalǵan núkte; 41) jabyn – ósimdiktiń salystyrmaly bıiktigi eskerilgendegi taqyr Jer; 42) jerge qoný aımaǵy – jerge qonatyn ushaqtar ushý-qoný jolaǵyna birinshi janasýǵa arnalǵan ushý-qoný jolaǵynyń tabaldyryǵynyń aldyndaǵy ýchaske; 43) jerge qoný men jer ústinen kóterilý aımaǵy – tikushaq jerge qonýdy nemese jer ústinen kóterilýdi oryndaı alatyn júkteme túsetin alań; 44) jergilikti jer – jasandy kedergilerden basqa taý, tóbeshik, jota, alap, sý shoǵyry, máńgilik muz ben qar tárizdi tabıǵı elementteri bar Jer beti; 45) jergilikti jerdegi kedergiler týraly derekterdi esepke alý shegi kedergiler (jergilikti jer) týraly derekter jasaý maqsatynda qoldanylatyn belgili shek; 46) joldyń núkteleri – aımaqtyq navıgasııa marshrýtyn nemese aımaqtyq navıgasııany qoldanatyn áýe kemesiniń ushý traektorııasyn anyqtaý úshin qoldanylatyn naqty geografııalyq pýnkt. Joldyń núkteleri tómendegideı belgilenedi: «flaı-baı» jol núktesi – marshrýttyń nemese shemanyń kelesi ýchaskesine shyǵýdy qamtamasyz etý úshin aldyn ala burylýdy kózdeıtin jol núktesi; nemese «flaıover» jol núktesi – marshrýttyń nemese shemanyń kelesi ýchaskesine shyǵý maqsatynda burylýdy bastaıtyn jol núktesi; 47) joldyń syzyǵy – áýe kemesiniń jer betine ushý traektorııasynyń ádette baǵyty kez kelgen núktede soltústik baǵyttan (aqıqat, magnıttik nemese buryshtyq merıdıandardan) sanap shyǵarylatyn burysh gradýstarymen belgilenetin proeksııasy; 48) jumys alańy - áýeaılaqtyń manevrleý alańy men perronnan (perrondardan) turatyn áýe kemeleriniń ushyp kóterilýine, qonýyna jáne rýldeýge arnalǵan bóligi; 49) jyljytylǵan ushý-qoný jolaǵynyń tabaldyryǵy – ushý-qoný jolaǵynyń bastalǵan jerinde ornalaspaǵan tabaldyryq; 50) kedergilerdi ushyp ótýdiń absolıýttik bıiktigi – ushý-qoný jolaǵynyń tıisti shegin asyp túsý ústindegi nemese tıisti jaǵdaılarda kedergilerdi ushyp ótýdiń tıisti krıterıılerin saqtaýdy qamtamasyz etý úshin qoldanylatyn áýeaılaqtan asyp túsý ústindegi eń kishi absolıýttik bıiktik; 51) kedergilerdi ushyp ótýdiń salystyrmaly bıiktigi - ushý-qoný jolaǵynyń tıisti shegin asyp túsý ústindegi nemese tıisti jaǵdaılarda kedergilerdi ushyp ótýdiń tıisti krıterıılerin saqtaýdy qamtamasyz etý úshin qoldanylatyn áýeaılaqtan asyp túsý ústindegi eń kishi salystyrmaly bıiktik; 52) kedergilerden bos aımaq – qonýǵa kirýdiń ishki betiniń, aýyspaly ishki betteriniń jáne úzilgen qoný kezinde ekinshi aınalymǵa ketý betiniń jáne osy bettermen shektelgen ushý jolaǵy bóliginiń ústindegi, salmaǵy jeńil jáne aeronavıgasııa maqsatynda qajetti berik emes negizdegi eshbir qozǵalmaıtyn kedergi shyǵyp turmaıtyn áýe keńistigi; 53) kedergilerdiń ústinen ushyp ótýdiń eń tómengi absolıýttik bıiktigi – belgili ýchaskedegi kedergilerdiń ústinen qajetti bıiktik qoryn qamtamasyz etetin ushýdyń eń tómengi absolıýttik bıiktigi; 54) kedergilerden bos jolaq – ushaq sonyń ústinen belgilengen bıiktikke deıin bastapqy bıiktiktiń bir bóligine kóterilýi úshin jaramdy ýchaske retinde tańdap alynǵan nemese daıyndalǵan, tıisti ýákiletti organnyń baqylaýyndaǵy jer nemese sý betindegi tik buryshty ýchaske; 55) kedergi - barlyq jyljymaıtyn (ýaqytsha nemese turaqty) jáne jyljıtyn nysandar nemese olardyń myna jerlerdegi bóligi: áýe kemeleriniń jer betinde qozǵalýyna arnalǵan aımaqta ornalasqan; ushyp bara jatqan áýe kemeleriniń qaýipsizdigin qamtamasyz etý úshin belgili bir jerde turǵyzylǵan; osy jerler sheginde ornalasqan jáne áýe navıgasııasy úshin qaýip tóndiretin dep baǵalanǵan; 56) keri shema - áýe kemesine aspaptar boıynsha qonýǵa kirý shemasynyń bastapqy ýchaskesinde baǵytty ózgertýge múmkindik beretin shema. Bul manevr standartty burylý nemese qonatyn syzyqqa burylýdy qamtýy múmkin; 57) kóldeneń - birdeı asyp túsý núktesin baılanystyratyn kartadaǵy nemese shemadaǵy syzyq; 58) kútý aımaǵyndaǵy ushý shemasy - áýe kemesine kelesi sheshimdi kútý úshin belgili bir áýe keńistigi sheńberinde bola turýǵa múmkindik beretin aldyn ala belgilengen manevr; 59) qaýipti aımaq – sonyń sheginde belgili bir ýaqyt aralyǵynda áýe kemeleriniń ushýyna qaýip tóndiretin qyzmet júzege asyrylýy múmkin belgili aýqymdaǵy áýe keńistigi; 60) qonýǵa kirý men ushyp kóterilýdiń sońǵy kezeńiniń aımaǵy – ústinen qonýǵa kirý manevrinen bastap áýede qalqyp turý rejımine deıingi sońǵy kezeń nemese qoný oryndalatyn jáne ushyp kóterilý manevri bastalatyn belgilengen aımaq. Qonýǵa kirý men ushyp kóterilýdiń sońǵy kezeńiniń aımaǵy 1-klasty ushý-tehnıkalyq sıpattamalary bar ushaqtar paıdalanatyn jaǵdaılarda bul belgilengen aımaq úzilgen ushyp kóterilýdiń ornalastyrylǵan aımaǵyn qamtıdy; 61) qonýǵa kirýdiń sońǵy ýchaskesi – sonyń sheginde ushý-qoný jolaǵynyń jarmasyna shyǵý jáne qonýǵa tómendeý júrgiziletin aspaptar boıynsha qonýǵa kirý shemasynyń ýchaskesi; 62) qonýǵa kirýdiń sońǵy kezeńi – qonýǵa kirýdiń sońǵy kezeńiniń belgilengen baqylaý núktesinde (nemese núktesinde) nemese osyndaı núkte joq bolǵan jaǵdaıda: eger ondaı kózdelgen bolsa, «ıppodrom» úlgisindegi shemada eń sońǵy standartty burylý, qonatyn syzyqqa burylý nemese jaqyndaý jolynyń syzyǵyna burylý sońynda; nemese qonýǵa kirý shemasyndaǵy joldyń eń sońǵy syzyǵyna shyǵý núktesinde bastalyp, áýeaılaq aýdanyndaǵy qoný oryndalýy nemese ekinshi aınalymǵa ketý bastalýy múmkin núktede aıaqtalady. 63) qonýǵa kirýdiń sońǵy kezeńiniń baqylaý núktesi (nemese núktesi) –aspaptar boıynsha qonýǵa kirý shemasynyń qonýǵa kirýdiń sońǵy kezeńiniń ýchaskesi bastalatyn baqylaý núktesi (nemese núktesi); 64) qonýǵa kirýdiń bastapqy ýchaskesi – aspaptar boıynsha qonýǵa kirý shemasynyń qonýǵa kirýdiń bastapqy kezeńiniń baqylaý núktesi men qonýǵa kirýdiń aralyq kezeńiniń baqylaý núktesi arasyndaǵy nemese, tıisti jaǵdaılarda, qonýǵa kirýdiń sońǵy kezeńiniń baqylaý núktesi (nemese núkteleri) arasyndaǵy ýchaskesi; 65) jerge qoný alańy - áýe kemeleriniń qonýyna jáne ushyp kóterilýine arnalǵan jumys alańynyń bir bóligi; 66) qonýǵa kirýdiń aralyq ýchaskesi – aspaptar boıynsha qonýǵa kirý shemasynyń tıisinshe qonýǵa kirýdiń aralyq kezeńiniń baqylaý núktesi men qonýǵa kirýdiń sońǵy kezeńi núktesiniń (nemese núktesiniń) baqylaý núktesi nemese keri shemanyń, «ıppodrom» úlgisindegi shemanyń nemese esepteý ádisimen salynatyn jol syzyǵynyń sońy jáne qonýǵa kirýdiń sońǵy kezeńiniń baqylaý núktesi (nemese núktesi) aralyǵyndaǵy ýchaskesi; 67) qonýǵa vızýaldy kirý shemasy – vızýaldy baǵdar boıynsha qonýǵa kirýdiń bastapqy kezeńiniń baqylaý núktesinen nemese, tıisti jaǵdaılarda, belgilengen ushyp kelý marshrýtynyń basynan bastap, qoný oryndalýy múmkin jáne, eger qoný oryndalmaǵan bolsa, odan keıin ekinshi sheńberge ketý shemasy oryndalýy múmkin aldyn ala belgilengen manevrler serııasy; 68) qonýǵa dál kirý shemasy - ILS nemese RAR beretin azımýt jáne glıssada týraly aqparatty paıdalanaotyryp, aspaptar boıynsha qonýǵa kirý shemasy; 69) qosylý mekenjaılary - derekterdi áýe qozǵalysyna qyzmet kórsetý organyna berý jelisin qosý úshin qoldanylatyn ornatylǵan kod; 70) magnıttik aýytqý – aqıqat jáne magnıttik merıdıannyń soltústik baǵyty arasyndaǵy burysh; 71) marshrýt boıynsha ushýdyń eń tómengi absolıýttik bıiktigi – marshrýt ýchaskesindegi tıisti navıgasııalyq quraldar men áýe qozǵalysyna qyzmet kórsetý baılanys quraldarynyń sıgnaldaryn barabar qabyldaýdy qamtamasyz etetin, áýe keńistiginiń qurylymyna sáıkes keletin jáne kedergilerdiń ústinen qajetti bıiktik qoryn qamtamasyz etetin ushýdyń eń tómengi absolıýttik bıiktigi; 72) manevrleý alańy - áýeaılaqtyń áýe kemeleriniń ushyp kóterilýine, qonýyna jáne rýldeýine arnalǵan perronnan basqa bóligi; 73) metaderekter – derekter týraly derekter; 74) ornalasqan jer (geografııalyq) - núkteniń Jer betindegi ornalasqan jerin anyqtaıtyn matematıkalyq turǵydan anyqtalǵan referens-ellıpsoıd arqyly beriletin koordınattar (eni men uzyndyǵy); 75) ótkeldiń absolıýttik bıiktigi – áýe kemesiniń absolıýttik bıiktikte nemese odan tómen turǵan jeri tik jazyqtyqta avbsolıýttik bıiktik shamasynda beriledi; 76) perron – jolaýshylardy otyrǵyzý nemese túsirý, poshta nemese júkti tıieý nemese túsirý, maı quıý, turaqtaý nemese tehnıkalyq qyzmet kórsetý maqsatynda áýe kemelerin ornalastyrýǵa arnalǵan qurlyqtaǵy áýeaılaq alańynyń belgili aýmaǵy; 77) reńktik gıpsometrııa – jer betinen asyp ketý deńgeıin kórsetý úshin qoldanylatyn túster men olardyń reńkteriniń júıelik gradasııasy; 78) rýldeý marshrýttary – tikushaqtardyń túkushaq alańynyń bir bóliginen ekinshi bóligine júrýiniń belgilengen traektorııasy. Rýldeý marshrýty rýldeý marshrýtynyń ostik syzyǵynyń boıymen ótetin, túkushaqtardy burýǵa arnalǵan áýedegi nemese jerdegi rýldeý joly qamtıdy; 79) rýldeý joly – qurlyqtaǵy áýeaılaqtaǵy áýe kemeleriniń burylýy úshin ornatylǵan jáne áýeaılaqtyń bir bóligin ekinshisimen qosýǵa arnalǵan belgili bir jol, onyń ishinde: áýe kemesiniń turaqtaǵy rýldeý jolaǵy – rýldeý joly retinde belgilengen jáne tek áýe kemeleriniń turaq oryndaryna jaqyndaýǵa arnalǵan perron bóligi; perrondyq rýldeý joly. Perronda ornalasqan jáne perron arqyly rýldeý marshrýtyn qamtamasyz etýge arnalǵan rýldeý joldary júıesiniń bir bóligi; perrondyq rýldeý joly – ushý-qoný jolaǵymen súıir burysh arqyly jalǵanǵan jáne qonǵan ushaqqa basqa shyqpa rýldeý joldarynda qol jetkiziletin jyldamdyqtarǵa qaraǵanda joǵaryraq jyldamdyqpen ushý-qoný jolaǵynan shyǵyp ketýge jáne sonyń arqasynda ushý-qoný jolaǵynda bolý ýaqytyn barynsha azaıtýǵa múmkindik beretin rýldeý joly; 80) sapa - menshikti sıpattamalar jıyntyǵynyń qoıylǵan talaptardy oryndaý dárejesi; 81) sapa menedjmenti - uıymnyń sapaǵa qatysty basshylyq etý jáne basqarý jónindegi úılestirilgen qyzmeti; 82) sapany qamtamasyz etý - sapaǵa qoıylatyn talaptardyń oryndalatynyna senim týǵyzýǵa baǵyttalǵan sapa menedjmentiniń bóligi; 83) sapany basqarý - sapaǵa qoıylatyn talaptardyń oryndalýyna baǵyttalǵan sapa menedjmenti bóligi; 84) salystyrmaly bıiktik – vertıkal boıynsha kórsetilgen bastapqy deńgeıden bastap, núkte retinde qabyldanǵan deńgeıge, núktege nemese obektige deıingi araqashyqtyq; 85) sektordaǵy eń tómengi absolıýttik bıiktik – paıdalanylýy múmkin jáne ortasynda negizgi núkte, áýeaılaqtyń baqylaý núktesi nemese tikushaq aılaǵynyń baqylaý núktesi ornalasqan radıýsy 46 km (25 m. mıl) sheńber sektoryndaǵy barlyq obektilerdiń ústinen eń tómen degende 300 m (1000 fýt) artyq bıiktikti qamtamasyz etetin eń az absolıýttik bıiktik; 86) tejeýdiń aqyrǵy jolaǵy – ekpinniń ornalasqan uzyndyǵynyń sońyndaǵy úzilgen ushyp kóterilý oryn alǵan jaǵdaıda áýe kemesin toqtatý úshin jaramdy ýchaske retinde daıyndalǵan jer betiniń belgili bir tik buryshty ýchaskesi; 87) tehnogendi orta – jer betindegi barlyq jasandy qurylystar, máselen, qalalar, temirjoldar jáne arnalar; 88) turaq orny - perrondaǵy áýe kemesin qoıý úshin arnaıy bólingen ýchaske; 89) tutastyq (aeronavıgasııalyq derekter) - aeronavıgasııalyq derekterdiń, olardy daıyndaǵan nemese túzetý engizýge ruqsat etilgen sátten bastap joǵalmaǵanynyń nemese ózgermegeniniń anyqtalǵan kepili; 90) tyıym salý aımaǵy – áýe kemeleriniń ushýyna tyıym salynǵan memeleket aýmaǵynda nemese aýmaqtyq sýlar ústindegi belgilengen ólshemdegi áýe keńistigi; 91) tikushaq aılaǵy - tikushaqtardyń tolyq nemese jartylaı kelýi, ketýi jáne sol jazyqtyqtaǵy qozǵalysyna arnalǵan áýeaılaq nemese qurylystaǵy belgili bir bet ýchaskesi; 92) ushý-qoný jolaǵyndaǵy kóriný alystyǵy – ushý-qoný jolaǵynyń ostik syzyǵynda ornalasqan áýe kemesiniń pıloty ushý-qoný jolaǵynda ústindegi tańbalaý belgilerin nemese ushý-qoný jolaǵy shekteıtin nemese onyń ostik jelisin belgileıtin ottardy kóre alatyn araqashyqtyq; 93) ushý-qoný jolaǵynyń janyndaǵy kútý orny – ushý-qoný jolaǵynyń, kedergilerdi shekteý betin nemese, eger áýeaılaqtyq dıspetcherlik pýnktten basqa nusqaýlar kelip túspegen bolsa, burylatyn áýe kemeleri men kólik quraldary toqtap jáne kútip turatyn áser sezgish/shekti ILS/MLS aımaǵyn qorǵaýǵa arnalǵan belgili bir oryn; 94) ushý-qoný jolaǵynyń tabaldyryǵy – qoný úshin paıdalanylý múmkin ushý-qoný jolaǵy ýchaskesiniń bas jaǵy; 95) ushý aldyndaǵy aqparat bıýlleteni - ushý aldynda daıyndalǵan, aıryqsha paıdalanylý mańyzy bar aǵymdaǵy NOTAM aqparaty; 96) ushý-qoný jolaǵy - áýe kemeleriniń qonýy men ushýy úshin daıyndalǵan qurlyqtaǵy áýeaılaqtyń belgili bir tik buryshty ýchaske; 97) ushýdy shekteý aımaǵy - áýe kemeleriniń ushýy belgili sharttarmen shektelgen aýmaq nemese aýmaqtyq sýlar ústindegi belgilengen ólshemdegi áýe keńistigi; 98) ushyp kelý marshrýttary – aspaptar boıynsha qonýǵa kirý shemasynda kórsetilgen, marshrýt boıynsha ushý kezeńi aıaqtalǵannan keıin áýe kemeleri qonýǵa kirýdiń bastapqy kezeńiniiń baqylaý núktesine shyǵa alatyn marshrýttar; 99) ushý eshelony - qysymynyń belgilengen 1013,2 gektopaskal (gPa) mánine jatqyzylǵan jáne basqa da osyndaı betterden belgilengen qysym ıntervaldarynyń mánine alys turǵan turaqty atmosferalyq qysymnyń betki jaǵy; 100) sıkldyq artyq kodty paıdalaný arqyly baqylaý - derekterdi joǵalyp ketýden nemese ózgerýden qorǵaýdyń belgili deńgeıin qamtamasyz etetin, derekterdiń sıfrlyq mánine qatysty qoldanylatyn matematıkalyq algorıtm; 101) elektrondyq aeronavıgasııalyq kartanyń dıspleıi – qajetti aqparatty kórsetý arqyly ushý ekıpajdaryna yńǵaıly tásilmen jáne ýaqytyly marshrýttardy josparlaýdy, ushý marshrýtyn baqylaýdy jáne navıgasııany júzege asyrýǵa múmkindik beretin elektrondyq qurylǵy; 102) ASNTAM - áýe kemeleriniń ushýdy oryndaýy úshin mańyzdy máni bar janartaý qyzmetiniń ózgerýi týraly, janartaýdyń atylýy jáne (nemese) janartaý kúlinen bolǵan bult týraly erekshe pishimde usynylǵan aqparat qamtylǵan arnaıy serııadaǵy NOTAM; 103) NOTAM - elektr baılanysy quraldarymen taralatyn jáne ýaqtyly eskertilgen jaǵdaıda, ushýlardy oryndaýmen baılanysty personal úshin mańyzdy bolyp tabylatyn kez kelgen azronavıgasııalyq jabdyqty iske qosý, onyń jaı-kúıi nemese ózgerýi, qyzmet kórsetý jáne qaǵıdalar nemese qaýip-qater týraly aqparatty qamtıtyn habarlama; 104) SNOWTAM - qar, muz, erigen qardan bolǵan batpaq nemese toqtam sý, áýeaılaqtyń jumys alańyndaǵy batpaq pen muzdyń bolýynan týyndaǵan qaýipti jaǵdaılardyń oryn alǵany nemese olardy joıý týraly belgilengen pishimde habarlaıtyn arnaıy serııadaǵy NOTAM. 4. Osy Qaǵıdalarda tómendegideı qysqartylǵan sózder qoldanylady: AAQ – aeronavıgasııalyq aqparat qyzmeti; ÁQQ – áýe qozǵalysyna qyzmet kórsetý; RJ – rýldeý joly; TO – turaq orny; TSJ – tejeýdiń aqyrǵy jolaǵy; UQJ – ushý-qoný jolaǵy; AUE – aspaptar boıynsha ushý erejeleri; AIC – aeronavıgasııalyq aqparat sırkýlıary; AIP – aeronavıgasııalyq aqparat jınaǵy; AMA – aımaqtaǵy eń tómengi absolıýttik ushý bıiktigi; ARP – áýeaılaqtyń baqylaý núktesi; CRC – sıkldyq artyq kod; DA/H – sheshim qabyldaýdyń absolıýttik/salystyrmaly bıiktigi; FATO – qonýǵa kirý jáne ushýdyń sońǵy kezeńi aımaǵy; HRP – tikushaq aılaǵynyń baqylaý núktesi; IAF – qonýǵa kirýdiń bastapqy kezeńiniń núktesi; IF – qonýǵa kirýdiń aralyq kezeńiniń núktesi; MAPt – ekinshi aınalymǵa ketý núktesi; MDA/H – tómendeýdiń eń tómengi absolıýttik/salystyrmaly bıiktigi; MEA – marshrýt boıynsha ushýdyń eń tómengi absolıýttik bıiktigi; MOSA – kedergilerdi ushyp ótýdiń eń tómengi absolıýttik bıiktigi; MSL – teńizdiń ortasha deńgeıi; OSA/N – kedergilerdi ushyp ótýdiń absolıýttik/salystyrmaly bıiktigi; OFZ – kedergilerden bos aımaq; PBN – sıpattamalarǵa negizdelgen navıgasııa; PIB – ushý aldyndaǵy aqparat bıýlleteni; RNAV – aımaqtyq navıgasııa; RVR – UQJ-da kóriný alystyǵy; TAA – áýeaılaq mańyna ushyp kelýdiń absolıýttik bıiktigi; TLOF – jerge qoný jáne kóterilý aımaǵy; UTC – dúnıejúzilik úılestirý ýaqyty. WGS-84 – 1984 jylǵy dúnıejúzilik geodezııalyq júıe. 5. Kóldeneń jazyqtyqta esepteý júıesi (geodezııalyq) retinde aeronaıvgasııalyq aqparatpen qamtamasyz etý maqsatynda 1984 (WGS-84) Dúnıejúzilik geodezııalyq júıesi qoldanylady. Eni men boılyqty bildiretin geografııalyq koordınatalar (WGS-84) Dúnıejúzilik geodezııalyq júıesine qatysty kórsetiledi. 6. Juldyzshamen (*) WGS-84 koordınatalaryna ózgertilgen geografııalyq koordınatalar jáne osy Qaǵıdalardyń 1-qosymshasynyń talaptaryna saı kelmeıtin geodezııalyq túsirý dáldigi belgilenedi. 7. Aeronavıgasııalyq aqparatpen qamtamasyz etý maqsatynda tik jazyqtyqta esepteý júıesi retinde teńizdiń orta deńgeıi (MSL) qoldanylady. 8. Aeronavıgasııalyq aqparatpen qamtamasyz etý maqsatynda ýaqytty esepteý júıesi retinde grıgorıandyq kúntizbe men dúnıejúzilik úılestirilgen ýaqyt (UTC) qoldanylady. 9. Azamattyq avıasııa salasyndaǵy ýákiletti organ Qazaqstan Respýblıkasynyń aýmaǵynda, sondaı-aq áýe qozǵalysyna qyzmet kórsetý úshin Qazaqstan Respýblıkasy jaýapty bolatyn aýdandarda usynylatyn aeronavıgasııalyq aqparattyń dáıekti, sapaly jáne ýaqtyly bolýyn qamtamasyz etý úshin qajet barlyq sharalardy qabyldaıdy. 10. Azamattyq avıasııa salasyndaǵy ýákiletti organ usynylatyn aeronavıgasııalyq aqparattyń dáıektiligin, dáldigin jáne ýaqytylylyǵyn qamtamasyz etýdi baqylaıdy. 11. Aeronavıgasııalyq aqparatty azamattyq avıasııa salasyndaǵy ýákiletti organnyń vedomstvolyq baǵynysyndaǵy memlekettik kásiporyn bolyp tabylatyn aeronavıgasııalyq uıymynyń aeronavıgasııalyq aqparatty basqarý qyzmeti (budan ári - AAB qyzmeti) daıyndap, taratady. 12. Kózben sholyp ushý jáne aspaptar boıynsha ushý (ushyp shyǵý, ushyp kelý jáne qonýǵa kirý) shemalaryn ázirleýdi jáne aeronavıgasııalyq kartalardy daıyndaýdy AAB qyzmeti júzege asyrady. 13. AAB qyzmeti ushýlardyń qaýipsizdigi, turaqtylyǵy jáne tıimdi oryndalýy úshin qajet aqparattar (derekter) aǵynyn qamtamasyz etedi. 14. AAB qyzmeti Qazaqstan Respýblıkasynyń búkil aýmaǵyna, sondaı-aq Qazaqstan Respýblıkasy óz aýmaǵynan tys jerlerdegi áýe qozǵalysyna qyzmet kórsetedi, jaýapty aýdandarǵa qatysty aeronavıgasııalyq aqparattar men derekterdi alady nemese jasaıdy, tekseredi, jınaqtaıdy, redaksııalaıdy, pishimge keltiredi, basyp shyǵarady, saqtaıdy jáne taratady. 15. Aeronavıgasııalyq aqparat birikken aeronavıgasııalyq aqparat paketi túrinde de, osy pakettiń jekelegen elementteri túrinde de taratylady. 16. Birikken aeronavıgasııalyq aqparat paketi mynadaı elementterden turady: 1) AIP, sonyń ishinde oǵan engizilgen túzetýler men tolyqtyrýlar; 2) NOTAM jáne ushý aldyndaǵy aqparat bıýlleteni; 3) aeronavıgasııalyq aqparat nusqaýhaty; 4) baqylaý tizbeleri men qoldanystaǵy NOTAM tizbeleri. 17. AAB qyzmeti Halyqaralyq azamattyq avıasııa týraly konvensııanyń «Aeronavıgasııalyq aqparat qyzmetteri» 15-qosymshasynyń jáne Aeronavıgasııalyq aqparat qyzmetteri jónindegi nusqaýlyq (Dos 8126, Halyqaralyq azamattyq avıasııa uıymynyń (budan ári - IKAO) qujaty) talaptaryna sáıkes, birikken aeronavıgasııalyq aqparat paketiniń barlyq elementteriniń jarııalanýyn qamtamasyz etedi. 18. Táýlik boıǵy qyzmet kórsetý qymtamasyz etilmegen jaǵdaılarda, ony aeronavıgasııalyq aqparat qyzmeti áýe qozǵalysyna qyzmet kórsetýge jaýapty aýdandarda tolyq ushý barysynda, sondaı-aq ushý aldynda jáne odan keıin eki saǵat ishinde usynady. Qyzmet kórsetý tıisti uıymnyń suraýy boıynsha kez kelgen basqa ýaqytta usynylady. 19. Aeronavıgasııalyq aqparat qyzmetterin uıymdastyrý kezinde, sondaı-aq aeronavıgasııalyq aqparatty (derekterdi) qurastyrý, mazmunyn belgileý, óńdeý jáne taratý kezinde olardy tıimdi paıdalanýǵa ákeletin adamı faktorlardyń aspektileri eskeriledi. Aqparattyń bútindigin eskere otyryp, adamdar arasynda ózara is-qımyl jasaý talap etilgen jaǵdaılarda, jáne táýekel faktorlary anyqtalǵan kezde olardy joıý boıynsha sharalar qoldanylady. 2. Áýe kemelerin paıdalanýshylardy aeronavıgasııalyq aqparatpen qamtamasyz etý tártibi Paragraf 1. Aeronavıgasııalyq aqparattar jınaǵy (AIP) 20. AIP standarttalǵan elektrondyq derekterdi saqtaý men izdeý múmkindigi úshin sáıkestendirilgen belgilermen jabdyqtalǵan úsh bólimder, taraýlar jáne bólimshelermen qamtylǵan. 21. AIP-tyń «Jalpy erejeler» (GEN) 1-bóliminde ár bóliminiń tıisti oryndarynda mynalar qamtylǵan: 1) aeronavıgasııalyq quraldarǵa,qyzmet kórsetýge jáne prosedýralarǵa jaýapty quzyretti organnyń ataýy, olar týraly aqparattar AIP saqtalǵan; 2) halyqaralyq paıdalaný úshin qyzmet kórsetýdi nemese quraldardy usynýdyń jalpy talaptary; 3) ulttyq qaǵıdalar men memleket tájirıbesi men paıdalanýshyǵa memleket talaptary jáne IKAO-nyń tıisti talaptary arasyndaǵy aıyrmashylyqty jyldam belgileýge múmkindik beretin IKAO-nyń usynylatyn tájirıbesiniń tıisti standarttary arasyndaǵy mańyzdy aıyrmashylyqtar tizbesi. Shemalar, kartalar nemese dıagrammalar qajet bolǵan jaǵdaıda, tolyqtyrý úshin nemese kesteniń nemese AIP mátininiń ornyna qoldanylady. 22. Árbir AIP derbes qujat bolyp tabylady jáne kirispesi bolady. 23. Árbir AIP-ta qamtylǵan nemese basqa kózderdegi aqparattar qaıtalanbaıdy. 24. Árbir AIP-tyń kúni kórsetiledi. Eger AIP qosymsha salynǵan paraqtar retinde jarııalansa, árbir betiniń kúni kórsetiledi. Kúni, aıy (ataýy) jáne jyly kórsetilgen kún aqparattyń jarııalanǵan kúni nemese kúshine engen kúni bolyp tabylady. 25. Paıdalanýshyǵa jınaq aqparatynyń jańarýyna kómektesý úshin AIP serııasynyń ár betiniń qoldanylatyn kúnderiniń sońǵy tizbesi únemi basylyp shyǵarylady. Bettiń nómiri/kartanyń ataýy jáne sońǵy tizbeniń shyǵý kúni eń sońǵy tizbede kórsetiledi. 26. Árbir AIP jáne qosymsha better retinde shyǵarylatyn jınaqtyń ár betinde mynalar naqty kórsetilgen eskertpeler bolady: 1) AIP belgisi; 2) osy jınaqta qymtylǵan aýmaq, jáne qajet bolǵan jaǵdaıda, bul aýmaqtyń bólikteri; 3) jınaqty shyǵaratyn memlekettiń, ataýy, jáne jınaqty basyp shyǵaratyn uıymnyń nemese organnyń ataýy; 4) betterdiń nómiri/kartalardyń ataýy; 5) eger aqparat kúmán týdyrsa, durystyǵynyń dárejesi. 27. AIP-qa barlyq ózgerister nemese qaıta basylyp shyǵarylǵan betterdegi jańa aqparat eskertpemen naqty kórsetiledi jáne tirkeledi. 28. AIP-qa engizilgen paıdalaný sıpattaǵy mańyzdy ózgerister AIRAC qaǵıdalaryna sáıkes jarııalanady jáne AIRAC qysqartýlarymen naqty belgilenedi. 29. AIP olardy jańartý úshin qajetti turaqty ýaqyt ıntervalyn saqtap ózgertiledi nemese qaıta basyp shyǵarylady. 30. AIP-qa turaqty ózgerister AIP-qa túzetýler retinde jarııalanady. 31. AIP-qa árbir túzetýge júıedi nómirde rettik nómir beriledi. 32. Bas betti qosa, AIP-qa túzetýlerdiń árbir betinde jarııalanǵan kúni kórsetiledi. 33. Bas betti qosa, AIP-qa túzetýlerdiń árbir betinde AIRAC sáıkes kúshine engen kúni kórsetiledi. Kúshine engen kúni 0000 UTC-dan ózge ýaqyt kórsetilgen jaǵdaılarda, bul ýaqyt bas betinde kórsetiledi. 34. AIP-ke túzetýler shyǵarylǵan jaǵdaıda, túzetýge engizilgen aeronavıgasııalyq aqparattyń biriktirilgen paketiniń sol elementteriniń rettik nómirlerine silteme qosylady, eger ondaılar bolsa. 35. AIP-qa túzetýlerdiń bas betinde túzetýlerde qozǵalǵan máseleler qysqasha túrde kórsetiledi. 36. AIP-qa túzetýler belgilengen ýaqyt aralyǵynda nemese jarııalaý kúnine sáıkes jarııalanbaıtyn bolsa, onda bundaı jaǵdaıda, qoldanystaǵy NOTAM tizbesin ashyq mátinde aı saıyn jarııalaý arqyly NIL habarlamasy shyǵarylady jáne jarııalanady. 37. Uzaqmerzimdi sıpattaǵy ýaqytsha ózgerister (3 aı nemese odan kóp) jáne aýqymdy mátindik jáne/nemese grafıkalyq materıaldardy qamtıtyn qysqamerzimdi sıpattaǵy aqparat AIP-qa tolyqtyrýlar retinde jarııalanady. 38. AIP-qa árbr tolyqtyrýǵa kúntizbelik jyl boıy kezekpen ósip otyratyn rettik nómir beriledi. 39. AIP-qa qosymshalardyń betteri AIP-ta saqtalady, olardyń mazmuny tolyq nemese jartylaı kúshinde qalǵanǵa deıin. 40. AIP-qa qosymshada qate tabylǵan kezde nemese AIP-qa tolyqtyrýlardyń áreket etý kezeńi ózgertilgen jaǵdaıda, onyń ornyna AIP-qa jańa tolyqtyrýlar shyǵarylady. 41. AIP-qa tolyqtyrýlar NOTAM-nyń ornyna taratylǵanda, oǵan NOTAM-nyń rettik nómirine siteme qosylady. Paragraf 2. Aeronavıgasııalyq aqparattyń nusqaýhaty (AIC) 42. AIS mynalarǵa jaýap beremeıtin aeronavıgasııalyq aqparatty taratý qajet bolǵanda, barlyq jaǵdaılarda qurastyrylady: 1) AIP-qa engizýge qatysty osy Qaǵıdanyń 2-taraýynyń 1-paragrafynda baıandalǵan talaptarǵa; 2) NOTAM qurastyrýǵa qatysty osy Qaǵıdanyń 2-taraýynyń 8-paragrafynda baıandalǵan talaptar. 43. AIS mynalardy taratqanda qurastyrylady: 1) zańnamanyń, uıǵarymnyń nemese quraldardyń kez kelgen birqatar ózgeristerne qatysty uzaqmerzimdi boljam; 2) ushý qaýipsizdigine yqpal etetin naqty túsindirme nemese konsýltasııalyq sıpattaǵy aqparat; 3) tehnıkalyq, zańnamalyq nemese tek ákimshilik máselelerge qatysty túsindirme nemese konsýltasııalyq sıpattaǵy aqparat nemese habarlama. 44. Osy Qaǵıdanyń 43-tarmaǵynda kórsetilgen aqparatqa jatady: 1) aeronavıgasııalyq qaǵıdalardyń, qyzmet kórsetýdiń jáne quraldardyń mańyzdy ózgeristerine qatysty boljamdar; 2) jańa navıgasııalyq júıelerdi qatarǵa engizýge qatysty boljamdar; 3) ushý qaýipsizdigine qatysy bar avıasııalyq oqıǵalar/jaǵdaılardy tekserý nátıjesinde alynǵan mańyzdy aqparat; 4) zańsyz aralasý aktilerinen ha