Qaraǵandy oblysy ákiminiń orynbasary taǵaıyndaldy

QARAǴANDY. 24 shilde. Qazaqstan Respýblıkasy Prezıdenti Ákimshiliginiń kelisimi boıynsha Qaraǵandy oblysy ákiminiń ókimimen Shagýrashıd Qalıuly Mamalınov oblys ákiminiń orynbasary bolyp taǵaıyndaldy. Bul týraly oblys ákiminiń baspasóz qyzmeti habarlady. Shagýrashıd Mamalınov 1958 jyly týǵan. Bilimi joǵary, 1984 jyly Selınograd aýyl sharýashylyǵy ınstıtýtyn jáne 2006 jyly D. Qonaev atyndaǵy ýnıversıtetti támamdaǵan. Biliktiligi boıynsha - zooınjener, quqyqtaný bakalavry. Eńbek jolyn 1975 jyly mashınıst bolyp bastaǵan. Qaraǵandy oblysy Telman aýdanynda (qazirgi Buqar jyraý aýdany) komsomol jáne partııa jumystarynda bolǵan. Jıyrma jyldan astam Telman, Mıchýrın (qazirgi Abaı aýdany) aýdandarynda aýyl sharýashylyǵy salasynda basshy qyzmetter atqardy. Birneshe ret Qaraǵandy oblystyq máslıhatyna depýtat bolyp saılandy (1999-2007 jj). 1999 jyly «Qurmet» ordenimen marapattalǵan. 2007 jyldan memlekettik qyzmette. Oblystyq aýyl sharýashylyǵy basqarmasynyń dırektory, keıin bastyǵy bolǵan. 2010-2013 jj. – Buqar jyraý aýdanynyń ákimi. 2013 jyldyń maýsymynan jańa taǵaıyndaýǵa deıin Qaraǵandy oblystyq tabıǵı resýrstar jáne tabıǵatty paıdalanýdy retteý basqarmasynyń basshysy qyzmetin atqardy. Qaırat Ábildınov. Derek, sýret: Qaraǵandy oblysy ákiminiń baspasóz qyzmeti.