ASTANA. 24 tamyz. Tarıhta alǵash ret Londan qalasyndaǵy kópqabatty úılerdiń arasyn jalǵaıtyn basseın salý josparlanyp otyr. Qurlysyn nysany eki ǵımarattyń shatyrynan boı kóteredi. Bul týraly zele.ru habarlady.
HAL architects mamandarynyń jospary boıynsha nysan «aspandaǵy basseın» dep atalmaq. Basseın qurylysyn Arup kompanııasy júrgizbek.
Embassy Gardens dep atalatyn sporttyq-saýyqtyrý kompleksi 242 myń sharshy metrdi quraıdy. Munda 2 myńǵa jýyq páter, túrli baǵyttaǵy ofıster men qonaq úı ornalasady. Al basseın qalyńdyǵy 20 sm. bolatyn shynymen qaptalmaq. Uzyndyǵy 25 metr, eni 5 jáne bıiktigi 3 metr bolady.
Aıta keteıik, mamandar bul basseın paıdalanýǵa berilgen kezde Londonǵa keletin týrısterdiń sany artady degendi alǵa tartyp otyr.
Talǵat Raıymbek.
Derek, sýret: zele.ru.
