Taǵattylyq –turaqty damý negizi

 

Qazaqstan Respýblıkasynyń Prezıdenti janyndaǵy Ortalyq kommýnıkasııalar qyzmetinde Mádenıet jáne sport mınıstrligi Din isteri komıtetiniń tóraǵasy Ǵalym Shoıkınniń, Mádenıet jáne sport mınıstrligi janyndaǵy Mádenıetter men dinderdiń halyqaralyq ortalyǵynyń dırektory Ertas Muratbekovtiń jáne Din máseleleri jónindegi ǵylymı-zertteý jáne taldaý ortalyǵynyń dırektory Aınur Ábdirásilqyzynyń qatysýymen «Konfessııaaralyq kelisim – Qazaqstannyń turaqty damýynyń negizi» taqyrybynda brıfıng bolyp ótti.

Din salasyndaǵy ýákiletti organnyń tóraǵasy Din isteri komıtetiniń jumysy Elbasynyń «Nurly Jol – bolashaqqa bastar jol» Joldaýynda belgilengen mindetterdi, «Nur Otan» partııasy men Qazaqstan halqy Assambleıasynyń otyrystarynda aıtylǵan oılaryn iske asyrý sheńberinde memleket pen qoǵamymyzdyń tutastyǵy men turaqtylyǵyn saqtaý men nyǵaıtýǵa, konfessııaaralyq aýyz­birshilikti nyǵaıta túsýge, zaıyr­ly jáne dástúrli ulttyq, dinı-rýhanı qundylyqtarymyzdy keńinen nasıhattaýǵa jumyldyrylyp otyrǵanyn atap kórsetti. Elimizde dáıekti memlekettik-kon­fessııalyq jáne konfessııaaralyq qa­rym-qatynas ornatylǵan. Osynyń kórinisi retinde elimizde berik ornyqqan ultaralyq jáne konfessııaaralyq kelisim álemde «Qazaqstan joly» re­tinde tanylǵan. Ǵalym Shoıkın: «...Bul – memlekettiń din salasynda júrgizip otyrǵan saıasatynyń jemisi» jáne «Qazaq halqynyń teginde bar baýyrmaldyq pen tózimdiliktiń nátıjesi», dep ataı otyryp, bul, óz kezeginde, elimizdiń damýynyń búgini men bolashaǵyna berik irgetas qalaıtynyn kóldeneń tartty. Odan keıin sóz alǵan Aınur Ábdirásil­qyzy dástúrli rýhanı-ónegelilik qun­dy­lyqtardy jańǵyrtý jáne zaıyrlylyq qaǵıdattaryn ilgeriletý baǵytynda iske asyrylyp otyrǵan jumystardy baıandasa, Ertas Muratbekov Elbasy bastamasymen qurylyp, búgingi kúnde álemdik deńgeıdegi únqatysý alańy retinde tanylǵan Álemdik jáne dástúrli dinder kóshbasshylary sezderiniń máni men mańyzyna jan-jaqty toqtalyp, bıylǵy jylǵy 10-11 maýsymda elordamyz Astanada ótetin V sezge daıyndyq jumystary týraly aıtyp ótti. Láıla EDILQYZY, «Egemen Qazaqstan».