Partııanyń aldaǵy mindetteri

Keshe «Nur Otan» partııasy Tóraǵasynyń birinshi orynbasary Asqar Myrzahmetovtiń qatysýymen partııanyń respýblıkalyq jınalysy ótti. Onda 2015 jyldyń birinshi jartyjyldyǵynda atqarylǵan jumystar talqylanyp, ekinshi jartyjyldyqqa arnalǵan mindetter belgilendi. Jınalysty ashqan kirispe sózinde A.Myrzahmetov Pre­zıdent N.Nazarbaevtyń bes ınstıtýttyq reformasyna jáne ony iske asyrýdyń 100 qadamyna baılanysty partııanyń aldynda turǵan mindetter, «Nurly Jol» baǵdarlamasynyń oryndalýyn baqylaý týraly Elbasynyń tapsyrmalaryn eske salyp ótti. Búgingi jıynymyzda osy alda turǵan maqsattardy oryndaýǵa baılanysty atqaryla­tyn ju­­mystardy aıqyndaǵa­ly otyrmyz. Ekinshiden, ústi­miz­degi jyldyń alǵashqy jarty­jyldyǵynda atqarylǵan isterdiń qorytyndysyn qaraıtyn bolamyz, dedi ol. Osy máseleler boıynsha alǵashqy sóz «Nur Otan» partııasynyń hatshysy Qumar Aqsaqalovqa berildi. Ol aldymen partııanyń saılaýaldy baǵdarlamasynyń úsh jyldaǵy oryndalýy týraly habardar etti. Sonyń ishinde 49 kórsetkish boıynsha oń nátıjeler alyndy. Sonyń ishinde 20 mindet merziminen buryn iske asýda. Adamnyń ortasha ómir súrý uzaqtyǵy 70,5 jasqa jetti, mektepter men turǵyn úı qurylysy boıynsha mindetter oryndalyp, 401 mektep, 25 mln. sharshy metr turǵyn úı salyndy. Qazir qurylys materıaldarynyń 80 paıyzy elimizde óndiriledi, al jospar boıynsha 50 paıyz bolǵan edi, dedi ol. Sonymen qatar, ol Parlamenttegi partııa fraksııasynyń jumystaryna da toqtalyp, búgingi kúni sybaılas jemqorlyqqa qarsy is-qımyldyń 2015-2025 jyldarǵa arnalǵan partııalyq baǵdarlamasyn júzege asyrý úshin 3 zań jobasy ázirlenip, olar palatanyń qaraýyna engizilgenin jetkizdi. Saılaýaldy ýádelerdi oryndaý maqsatynda barlyǵy 30 zań qabyldanǵan eken. Qazirgi tańda partııanyń oblystaǵy fılıaldarynda Ulttyq qordan bólingen qarjylardyń tıimdi jumsalýyn baqylaý boıynsha komıssııalar qurylǵany jáne olar áleýmettik nysandardyń qurylysy bo­ıynsha jedel aqparat alyp, 278 nysannyń oryndalýyna monıtorıng júrgizýde ekeni aıtyldy. Sonymen qatar, esepti kezeńde 43 myńnan artyq adamnyń partııaǵa ótinish-shaǵymdarmen kelgeni, sonyń 20 paıyzdan artyǵy bo­ıynsha oń sheshimder qabyldanǵany jetkizildi. Sheshen olardyń qanshasy qandaı máselelerge baılanysty ekeni de taldanǵanyn aıtyp berdi. Ideologııalyq jumystarǵa baılanysty atqarǵan sharýalar týraly partııa hatshysy Farhad Qýanǵanov baıandady. Partııanyń ıdeologııalyq jumystary doktrınanyń basty qaǵıdalary men qundylyqtaryna negizdeldi, deı kelip ol 12 maqsatty jobalar respýblıka turǵyndarynyń negizgi bóligin sharpyp, olardy alańdatatyn barlyq máselelerdi qarastyrǵanyn aıtty. Máselen, «Ardagerlerdi ardaqtaıyq», «Baqytty otbasy», «Baqytty balalyq» jobalary boıynsha 5,5 myń ardagerdiń, 1600 jetim balanyń problemalary sheshilip, 656 myń otbasyna materıaldyq kómek berildi, dedi ol. «Myqty bıznes – qýatty memleket» jobasynyń sheńberinde ulttyq kásipkerlerdiń palatasymen birlese otyryp, shaǵyn jáne orta bıznesti damytýǵa baılanys­ty 10 zańnamaǵa ózgerister men tolyqtyrýlar engizildi, 600-den astam adam bıznestiń negizderi boıynsha oqýlardy aıaqtady. Sonymen qatar, Elbasynyń tapsyrmasy boıynsha múmkindigi shekteýli jandarǵa da kómek qoly sozylǵanyn atap ótti. «Kedergisiz keleshek» jobasy boıynsha 6 myńnan astam múgedek jumysqa ornalastyryldy, dedi ol. Budan keıin jınalysta partııa belsendileri, Májilistegi partııa fraksııasynyń músheleri Q.Súleımenov, O.Kıkolenko jáne t.b. sóıledi. Jınalys jumysyn A.Myrzahmetov qysqasha sózben qorytyndylady. Biz aldaǵy ýaqytta da bıýdjet qarajaty esebinen atqarylyp jatqan baǵdarlamalardyń oryndalýyna nazar aýdaryp, baqylaýdy kúsheıtýimiz, olardyń tıimdi jáne maqsatty jumsalýyn qatań qadaǵalaýda ustaýymyz kerek, dedi ol. Sonymen qatar, qoǵamdyq qabyldaýlar bólmeleriniń belsendiligine nazar aýdardy. «Jyl ótken saıyn qoǵamdyq qabyldaýlarǵa muń-muqtajyn aıta kelýshilerdiń arta túsýi «Nur Otanǵa» degen halyq seniminiń bir kórsetkishi. Alaıda, endigi jerde biz istiń nátıjeliligin tek kelip túsken ótinishter kólemimen ǵana emes, qarapaıym turǵyndar máseleleriniń qanshalyqty túbegeıli sheshimin tapqanymen ólsheýge tıispiz. Ol úshin aryz-shaǵymdardyń túp-tórkinine úńilgen jón. Iаǵnı, belgili bir ótinish qandaı sebeppen tústi, bul qandaı organ jumysynyń kemshiligi degendi anyqtap, soǵan saı halyqtyń máselesin naqty sheshýdiń tetikterin iske asyrýymyz qajet», dedi partııa Tóraǵasynyń birinshi orynbasary. Osylaısha «Nur Otan» bıleýshi saıası kúsh retinde azamattardy tolǵandyrǵan máselelerdiń sheshilýine yqpal etip, jurtshylyqtyń senimin arttyrý arqyly partııalastar qataryn odan ári ulǵaıtýdy jalǵastyra bermek. Sonymen qatar, ol bastaýysh partııa uıymdary jumysynyń sapalylyǵyna, «Jas Otan» jastar qanatynyń jumysyn jetildirý maqsatyna nazar aýdardy. Sybaılas jemqorlyqpen kúres baǵytyndaǵy jumystardy jetildirý máselesi de nazardan tys qalmady. Osyǵan oraı, sybaılas jemqorlyqqa qarsy is-qımyl jónindegi respýblıkalyq qoǵamdyq keńestiń is-qımylyn arttyrý máselesi kóterildi. Selektorlyq jınalysqa partııanyń Parlament Májilisindegi fraksııasynyń músheleri, partııanyń hatshylary, ortalyq apparattyń qurylym basshylary, óńirlerdegi oblystyq fılıaldar tóraǵalarynyń birinshi orynbasarlary jáne beınebaılanys arqyly óńirlerdegi apparat qyzmetkerleri qatysty.  Jaqsybaı SAMRAT, «Egemen Qazaqstan».