«Vırtýaldy EKSPO-2017» jobasy tanystyrylady

Bıylǵy jylǵy VIII Asta­na ekonomıkalyq forý­my­nyń aıasynda 22 mamyrda «Astana EKSPO-2017» UQ» AQ-tyń «EKSPO-2017 – turaq­ty damý úshin energııa» taqyry­byndaǵy paneldik sessııa­sy ótedi. Oǵan jeti halyq­aralyq sarapshylar men otan­dyq ǵalymdar jáne memleket­tik organdardyń ókilderi, son­daı-aq, elimizdiń damý ınstıtýttary, bıznes ókilderi qatysady. Bul jóninde Prezıdent janyn­daǵy Ortalyq kommýnıkasııalar qyz­metinde ótken baspasóz máslıhatynda «Astana EKSPO-2017» UK» AQ basqarýshy dırektory Saltanat Rahymbekova málimdedi. Onyń aıtýy boıynsha, bizdiń Qazaqstan memleketi EKSPO-2017 kórmesin ótkizetin el bolyp taǵaıyndalǵaly beri 2013 jyldan bastap dástúrli túrde AEF baǵdarlamasy men G-Global alańynda «Bolashaq energııasy» talqylanyp keledi. Sondaı-aq, atalǵan kórmeniń máni «EKSPO-2017 – «Turaqty damý úshin energııa» jáne «Energııa tıimdilik – «jasyl» tehnologııalar men tómengi kómirtekti ekonomıkanyń negizi» atty eki paneldik sessııasynyń barysynda ashylatynyn aıtty. Sonymen qatar, Astana ekono­mı­kalyq forýmy barysynda EKSPO-2017 halyqaralyq kórme­sin alǵa jyljytýdy nasıhattaý bel­sendi júrip jatyr, deı kele atalǵan paneldik sessııaǵa qatysýǵa nıet bildirgenderdiń kóp ekendigin atap aıtty. Jáne de ol ústimizdegi jylǵy VIII AEF-te «Astana EKSPO-2017» UK» AQ-tyń Qazaqstannyń damý ınstıtýttarymen jáne qoǵamdyq uıymdarymen birlese júzege asyryp otyrǵan «Vırtýaldy EKSPO-2017» jobasynyń tanystyrylymy ótetindigin, atalǵan jańalyqtyń ıgi bastama ekendigin jetkizdi. Jańa komponenttermen tolyǵyp otyrǵan jobanyń erekshelikterin atap ótken S.Rahymbekova atalǵan jobanyń «jasyl» tehnologııalar men ınnovasııalar, «Online EXPO-2017» respýblıkalyq baıqaýy, EKSPO-nyń vırtýaldy forýmynan turatyndyǵyn kóldeneń tartty. Elmıra MÁTIBAEVA, «Egemen Qazaqstan».