Bıikterdi baǵyndyratyn baǵdarlama

Elimizdi alǵa jeteleıtin, álemdegi ozyq 30 eldiń qatary­na qosylýǵa múmkindik beretin reformalyq ózgeristerdi óris­tetýge arnalǵan asqaraly asýlardy baǵyndyrýdyń josparymen egjeı-tegjeıli tanysyp shyq­qanymda, shyndyǵyn aıtqanda, keleshegimizge degen senim odan saıyn óse tústi. Jahandaný úderisi bir jaǵynan ekonomıkalyq ­syn-qaterlerge ushyratpaı qoı­maýy­na baılanysty onyń aldyn alýǵa, boldyrmaýǵa umtylýmen birge damýdy jedeldetý ómir talaby ekendigi daýsyz. Sol sebepti bári ekshelip, tujyrymdalǵan «100 naqty qadam» jónindegi stra­tegııalyq baǵdarlamany aıqyn maqsattyń úlken belgisi dep túsinemin.Árıne, oǵan jetý ońaı is emes bolmaǵanymen buǵan deıin de Elbasynyń bastamalaryna judyryqtaı jumylyp, kóptegen mindetterdi sheshýdegi belsendilik bul joly da alǵa tartary anyq. Atalǵan jospardy zerdeleý barysynda «Kásibı memleket­­tik apparat qurý» bólimindegi 9-qa­damda kórsetilgen «Mem­lekettik qyzmetkerlerdi turaqty túrde oqytý júıesin zańdy túrde bekitý – úsh jylda bir olardyń kásibı sheberligin arttyrý» týraly talap oryndy kórindi. Onyń na­zar aýdartý sebebi, búginde osy ja­ýapty salada jas mamandar qatary ulǵaıyp keledi desek, alaıda bir­qatarynyń adamdarmen jumys isteı bilýi, jurt ótinish-tilekterin túsinistikpen qabyldaýy ýaqyt, zaman yrǵaǵyna baılanysty biliktilik deńgeıi joǵary talapqa saı kelmeıtinin jasyrýǵa bolmaıdy. Munyń syr­tynda tehnologııalyq qural-jab­dyqtardy jetik meńgerý qajet­tigi de kúnnen-kúnge kúsheıip otyr. Sondyqtan olardyń kásibı sheber­ligin jetildirý óte mańyzdy másele dep bilemin. Joǵaryda atal­­ǵan shara qyzmetterin jemisti atqa­­rýǵa sep bolady degen oıdamyn. Bekzat ALTYNBEKOV, Jezqazǵan qalalyq máslıhatynyń depýtaty. JEZQAZǴAN.