Jıyrma eki joba maquldandy

Qazaqstannyń damý banki otandyq avtoqurastyrý kásiporyndaryn qoldaýǵa Ulttyq qor qarajaty esebinen 20 mlrd. teńge bóledi. Osy somanyń 15 mlrd. teńgesi elimizde qurastyrylǵan avtomobılderdi satyp alýǵa jeke tulǵalarǵa nesıe berý úshin alty kommersııalyq bankke baǵyttalsa, al qalǵany arnaýly maqsattaǵy avtokólik pen avtotehnıkany lızıngke satyp alatyn zańdy tulǵalar men jeke kásipkerlerdi qarjylandyrý úshin «QDB-Lızıng» kompanııasyna joldanady. Bul jóninde Prezıdent janyndaǵy Ortalyq kommýnıkasııalar qyzmetinde ótken baspasóz máslıhatynda QDB basqarma tóraǵasy Bolat Jámishev málim etti. Atalǵan bastamalardyń «Nurly Jol» baǵdarlamasyn iske asyrý aıasynda qazaqstandyq óndirýshilerdi qoldaý úshin jasalynyp jatqandyǵyn kóldeneń tartqan B.Jámishev elimizdiń Úkimeti bekitken otandyq óndi­ristegi jeńil avtokólikti satyp alýǵa jeke tulǵalarǵa nesıe berý sharty boıynsha ataý­ly syıaqy mólsherlemesiniń jyldyq paıyzy 14%-dan aspaıtynyn, sonymen qatar, jyldyq tıimdi mólsherlemesi 7,5%-dan artyq bolmaıtynyn jetkizdi. Bul turǵyda nesıe berý merzimi 5 jylǵa baǵyttalsa, bastapqy jarna satyp alynatyn avtokólik qunynyń 20%-nan aspaıtynyn aıtty. О́ńdeý ónerkásibin Ulttyq qordyń birinshi jáne ekinshi transhy esebinen ekinshi deńgeıdegi bankter arqyly uzaq merzimdi qarjylandyrý aıasynda jalpy somasy 17,7 mlrd. teńgege 22 joba maquldandy. Jeńildikti avtonesıe berý baǵdarlamasynyń sheńberinde Damý banki jeke tulǵalardan nesıe alýǵa túsken 1757 suranymdy 5,6 mlrd. teńgege maquldady, dedi B.Jámishev. Sondaı-aq, ol ústimizdegi jyl­dyń 14 mamyryndaǵy jaǵdaı boıynsha Ulttyq qordyń birinshi transhy esebinen QDB burynyraqta bekitken kommersııalyq bank­termen tıisti nesıe kelisimderi arqyly óńdeý ónerkásibinde 28 mlrd. 491 mln. teńgege 22 jobany maquldap, 14 mlrd. 139 mln. teń­gege 16 jobany qarjylandyrý bas­tal­ǵandyǵyn aıtty. Al ekinshi transh boıynsha ekinshi deńgeıdegi bankter 16,1 mlrd. teńgege 15 jobany maquldap, 3 mlrd. 593 mln. teńgege 6 jobany qarjylandyrý bastalǵan. Elmıra MÁTIBAEVA, «Egemen Qazaqstan».