Saltanatty jıyn

Keshe Joǵarǵy Sotta Qazaq­­stan Respýblıkasynyń Konstıtýsııasy kúnine arnal­ǵan saltanatty jıyn bolyp ótti. Is-sharaǵa Joǵarǵy Sot Tóraǵasy Qaırat Mámı, Par­lament Májilisi Zańnama jáne sot-quqyqtyq reforma komıtetiniń tóraǵasy Rahmet Muqashev, Joǵarǵy Sot sýdıalary, Qazaqstan Respýblıkasy Sýdıalar odaǵynyń músheleri, Joǵarǵy Sot janyndaǵy Sot­tardyń qyzmetin qamtamasyz etý departamentiniń basshylyǵy men qyzmetkerleri, Joǵarǵy Sottyń otstavkadaǵy sýdıa­lary men ardagerler qatysty. «Osydan jıyrma jyl bu­ryn jeti mıllıonnan astam qazaqstandyqtar 1995 jylǵy 30 tamyzdaǵy búkilhalyqtyq referendýmda – qazirgi Kons­tıtýsııany qabyldaý úshin bir­aýyzdan daýys berip, óziniń tarıhı tańdaýyn jasaǵan edi. Osylaısha, halqymyzdyń ǵa­syr­­lar boıǵy asyl armany júzege asyp, táýelsiz elimizdiń jańa Ata Zańy dúnıege keldi. Konstıtýsııamyz sol ýaqyttan beri respýb­lıkadaǵy tatýlyǵy jarasqan barlyq ulttardyń bir shańyraq astynda alańsyz ómir súrýin qamtamasyz etýde», – dep atap ótti Joǵarǵy Sot Tóraǵasy. Qaırat Mámı budan keıin jıynǵa qatysýshylardy Mem­­leket basshysynyń bas­tamasymen júzege asyrylyp jatqan «100 naqty qadam – barshaǵa arnal­ǵan qazirgi zamanǵy memleket» atty Ult jospary sheń­berinde sot júıesin reformalaý jaıynan habardar etti. Osydan soń saltanatty shara bastaldy. Onyń barysynda Joǵarǵy Sot sýdıalary men departament qyzmetkerlerine Elbasy Jarlyǵyna sáıkes «Qazaqstan Kons­tıtýsııasyna 20 jyl» mereıtoılyq medali, aıryqsha belgiler, Qurmet gramotalary men Alǵys hattar tapsyryldy, dep habarlady Joǵarǵy Sottyń baspasóz qyzmeti.