Bilim berý bıiginen kóringender

halyqaralyq medalmen marapattaldy Kókshetaý qalasyndaǵy «Al­tyn bala» balabaqshasynyń meń­gerýshisi Gúljan Erjanova Sochıde ótken halyqaralyq pedagogtar sletinen elimizdiń abyroıyn kóterip oraldy. Ustazdardyń VI halyqaralyq sleti men mektepke deıingi bilim berý uıymdary pedagogtarynyń II halyqaralyq sletine qatysqan jerlesimiz salany damytýdaǵy úzdik kórsetkishteri men ozat tájirıbeleri jáne bala tárbıesindegi tyń ádistemeleri úshin arnaıy dıplommen, Alǵys hatpen, laýreat kýbogy jáne Ha­lyq­aralyq bilimdi damytý aka­demııasynyń medalimen marapattaldy. «Máskeýlik kásipkerler asso­sıa­sııasynyń», Halyqaralyq bilimdi damytý akademııasynyń, qoǵamdyq ǵylymdar akademııa­synyń bastamasymen shaqy­rylǵan halyqaralyq jıyndardyń maqsaty bilim berý mekemeleriniń deńgeıin kóterý, TMD aýma­ǵyndaǵy bilikti ustazdardyń ká­sibı sheberlikterin ushtaý men tájirıbelerin nasıhattaýdy kóz­deıdi. Slet qatysýshysy Gúl­jan Shahmanqyzyn quttyqtaǵa­ny­myzda, ol: «Balalar – elimizdiń bolashaǵy. Sábıler júregine kishkentaıynan jaqsylyqty, elge, jerge degen súıispenshilikti uıa­latyp, úıretý paryzymyz. Bizdiń ujym eń myqty degen tájirıbıeli ustazdardan turady, sondaı-aq, balabaqshada ádisker-tárbıeshiler, mýzykalyq jetekshi, meıirbıke, pedagog-psıholog, dene tárbıesiniń nusqaýshylary jumys isteıdi», dedi. Balabaqsha tárbıelenýshileri qazaq, orys, aǵylshyn tilderinde bilim alady. Munda balalar úshin barlyq qolaıly jaǵdaılar jasalǵan. №10 «Altyn bala» balabaqshasy aldaǵy ýaqytta oblystyq deńgeıde pedagogıkalyq tyń jobalardy engizýdiń tirek alańyna aınalý baǵytynda jumys isteıtin bolady. Baqbergen AMALBEK, «Egemen Qazaqstan». Aqmola oblysy.