Pákstanda ólim jazasyna moratorıı tolyq kúshin joıdy

ASTANA. 13 naýryz. Pákstan bıligi eldegi ólim jazasyna jarııalanǵan moratorııdiń kúshin joıdy. Bul týraly nur.kz habarlady. El bıligi ótken jyldyń 16 jeltoqsanynda bolǵan Peshavar qalasyndaǵy lańkestik oqıǵadan keıin osyndaı sheshim shyǵardy. Aıta keteıik, 2014 jyldyń sońynda lańkester Peshavardaǵy mektepterdiń birine shabýyl jasap, sonyń saldarynan 150 adam mert boldy. Onyń 130-y mektep oqýshysy edi. Osy qaıǵyly oqıǵadan keıin Pákstanda lańkestikpen kúrestiń ulttyq jospary qabyldanyp, birqatar jumys qolǵa alyndy. Nátıjesinde 16 myń arnaıy operasııa ótip, 12 myńnan astam adam qamaýǵa alyndy. Sonyń ishinde 140 adamǵa lańkestermen baılanysy bar degen aıyp taǵylýda. Jeltoqsandaǵy lańkestik oqıǵadan keıin Pákstannyń premer-mınıstri Navaz Sharıf ólim jazasyna moratorııdiń tolyq kúshin joıý týraly sheshim shyǵardy. Bul elde atalǵan moratorıı 2008 jyly jarııalanǵan edi. Soǵan oraı, tek lańkestik áreketterge qatysy bar qylmyskerlerden basqasynyń barlyǵy eń aýyr jazadan aman qalyp keldi. Endi bul sheshimniń kúshi joıylýyna baılanysty aýyr qylmys jasaǵan kez kelgen qylmysker ólim jazasyna kesilýi ábden múmkin. Elaman Qońyr. Derek: nur.kz. Sýret: polit.ru.