Soltústikqazaqstandyq úsh túlektiń biri tehnıkalyq bilimdi tańdaıdy

PETROPAVL. 13 naýryz.  Saýaldamaǵa qatysqan 9-11 synyp oqýshylarynyń úshten biri tehnıkalyq mamandyqtar alǵylary keletinin jazǵan. Bul týraly  oblystyq kásipkerler palatasynyń baspasóz qyzmeti habarlady. Áleýmettik saýaldamaǵa  oblys ortalyǵy men 13 aýdannan 6 myń oqýshy tartylyp,  ózderiniń tańdaýlaryn jasaǵan.  Onyń qorytyndylaryna qaraǵanda,  3 myń oqýshy mektepten keıin kolledjge túsýdi jón kórgen. Olardyń  1 518-i  óńirdegi  oqý oryndarynda , 955-i  elimizdiń ózge aımaqtarynda,  550-i kórshi Reseıde bilim alǵandy jón kórgen. 2 716 túlek  joǵary bilimdi maman atanýǵa nıetti. Saýaldamaǵa qatysqan túlekterdiń  35 paıyzynyń tehnıkalyq mamandyqty tańdaýy qýantarlyq  qubylys. Jyl ótken saıyn tehnıkalyq mamandyqty  qalaýshylardyń úlesiniń artyp  kele jatqany baıqalady.  Munyń ózi Elbasynyń Innovasııalyq- ındýstrııalandyrý týraly ıdeıasyn jastardyń  qoldap otyrǵanyn kórsetse kerek, deıdi  sarapshy Irına Toropova. О́mir Esqalı. Derek: Kásipkerler palatasynyń baspasóz qyzmeti. Sýret: egemen.kz