Atyraýdaǵy «Taısoıǵan» polıgonynyń aýmaǵy azaıady

ATYRAÝ. 13 naýryz. Atyraý oblysyndaǵy «Taısoıǵan» áskerı polıgonynyń reseılikterge jalǵa berilgen aýmaǵy 80 paıyzǵa deıin azaıatyn boldy. Bul týraly egemen.kz tilshisi habarlady. Atyraý jurtshylyǵymen kezdesken Parlament Senatynyń depýtaty Sársenbaı Eńsegenovtiń aıtýynsha, jaqynda Elbasy Jarlyǵymen «Taısoıǵan» polıgonynyń aýmaǵyn paıdalaný tártibi týraly kelisimge ózgerister men tolyqtyrýlar engizilipti. Endi osyǵan baılanysty Qazaqstan men Reseıdiń Qorǵanys mınıstrleri ózara kelisimge qol qoıýlary tıis. Buǵan osy aıdyń aıaǵyna qol jetkiziledi dep kútilýde. Sol kezde polıgonnyń reseılikterge jalǵa berilgen aýmaǵyn 80 paıyzǵa deıin qysqartýǵa, ıaǵnı, Qazaqstanǵa qaıtarýǵa jol ashylady. Eske sala keteıik, Atyraý oblysyndaǵy atalǵan polıgonnyń aýmaǵy Qyzylqoǵa aýdanynyń úshten bir bóligine deıin sozylyp jatyr. Polıgon aýmaǵyna osy aýdannyń  Taısoıǵan eldi-mekeni men munaı óndiretin ken oryndary da enip tur. Buǵan qosa Atyraý qalasynyń irgesindegi Aqjar aýylyndaǵy áskerı bólimshe jáne Inder aýdanyna qarasty  Sarymaıshaǵyl aýyly da polıgon aýmaǵynda jatyr. Joldasbek Shópeǵul. Derek: egemen.kz. Sýret: Rahym Qoılybaev.