Shyǵys Qazaqstanda qasqyrmen aıqasqan azamat qaıtys boldy

О́SKEMEN. 13 naýryz. Shyǵys Qazaqstan oblysy Aıagóz aýdany Myńbulaq aýylynda osydan biraz buryn qasqyrmen aıqasyp, sonyń saldarynan aýrýhanaǵa túsken azamat – Amanhan Ámirov qaıtys boldy. Bul týraly egemen.kz tilshisi habarlady. Buǵan deıin atalǵan eldi mekenge bir top qasqyr kirip ketkenin, dala taǵylarynyń aýyl turǵyndaryna shabýyl jasaǵanyn («Arlanmen alysqan Amanhan», «Egemen Qazaqstan», 16 qańtar, 2015 jyl) jazǵan bolatynbyz. Eske sala keteıik, beıbit kúnniń batyry kelinshegine tóngen qaýipti der ýaqytynda baıqap, kókjalmen jalań qolmen arpalysyp baqqan-dy. Ol áıeli as úıden ákelip bergen pyshaqty kók bóriniń keýdesine boılata suǵyp, kelinshegin de, ózin de ajaldan arashalap, erlik kórsetken edi. Sodan keıin aýdandyq aýrýhanada jatqyzylǵan A.Ámirovti oblys ortalyǵyna emdeýge aýystyrǵan bolatyn. Dárigerler ony qutyrǵan qasqyr qapqanyn, jaǵdaıy aýyr ekenin jetkizgen. О́kinishke qaraı, О́skemendegi №1 qalalyq aýrýhananyń juqpaly aýrýlar bóliminde em qabyldaǵan Amanhan Ámirov tótennen kelgen jaraqatynan jazyla almaı, 9 naýryzda qaıtys bolǵany belgili bolyp otyr. Aýrýhana qyzmetkerleriniń aıtýynsha, naýqas ınfeksııalyq bólimge túsken sátten bastap dári-dármektiń kúshimen ǵana jatqan. Dýman Anash. Derek: egemen.kz. Sýret: zhasorken.kz.