ASTANA.13 naýryz. Búgin «Nur Otan» partııasynyń ortalyq apparatynda Qazaqstan Respýblıkasynyń Prezıdenttigine kandıdat N.Nazarbaevtyń respýblıkalyq qoǵamdyq shtaby alǵashqy otyrysyn ótkizdi. Ol shtabty Muhtar Qul-Muhammed basqarady dep sheshti. Bul týraly «QazAqparat» habarlady.
«Memleket basshysynyń respýblıkalyq shtabyn basqarý maǵan tapsyryldy», - dedi Muhtar Qul-Muhammed.
Eske sala keteıik, osydan biraz kún buryn Memleket basshysynyń О́kimimen Muhtar Abraruly Qul-Muhammed Qazaqstan Respýblıkasy Prezıdentiniń keńesshisi qyzmetinen bosatylǵan edi. Ol «Nur Otan» partııasynyń XVI sezinde kezekten tys prezıdent saılaýyna kandıdat retinde Elbasy Nursultan Nazarbaevtyń kandıdatýrasyn usyný týraly biraýyzdan sheshim qabyldanǵanyn aıta kelip, onda Elbasynyń barshaǵa birdeı osy zamanǵy memleket, bes ınstıtýsıonaldy reforma atty biregeı baǵdarlamasyn arnaǵanyn aıtty. Bul baǵdarlamada Elbasy kásibı ári avtonomııaly memlekettik apparat qalyptastyrý, zańnyń ústemdigin qamtamasyz etý, ındýstrııalandyrý jáne ártaraptandyrýǵa negizdelgen ekonomıkalyq ósim, bolashaǵy birtutas ult, transparentti jáne esep berýshi memleket sııaqty el damýynyń basym baǵyttaryn aıqyndap berdi. «Nur Otan» partııasynyń osy sheshimine elimizdiń jetekshi saıası partııasy, atap aıtsaq, «Aq jol» partııasy, «Patrıottar partııasy», «Aýyl», «Birlik» partııasy qosyldy.
«Jalpy halyqtyq pikirlerge baılanysty búgin Qazaqstan Respýblıkasynyń Prezıdenttigine kandıdat N.Nazarbaevtyń respýblıkalyq qoǵamdyq shtaby quryldy. Shtabty basqarýdy Elbasy maǵan tapsyrdy. Osy rette Elbasyna óz atymnan alǵysymdy aıta otyryp, shtab jumysyn barynsha joǵary deńgeıde atqaryp shyǵý úshin bar kúsh-jigerimizdi, tájirıbemizdi jumsaımyn dep sóz beremiz», - dedi Muhtar Qul-Muhammed.
Shtab quramyna joǵaryda aıtqan saıası partııalardyń jetekshileri, belgili memleket jáne qoǵam qaıratkerleri, ǵalymdar men shyǵarmashylyq adamdar, kásipkerler men jýrnalıster, sportshylar kiredi.
«Biz Prezıdenttikke kandıdat N.Nazarbaevqa jan-jaqty qoldaý kórsetýmen, onyń saılaýaldy tuǵyrnamasyn túsindirý jónindegi úgit-nasıhat jumystaryn júrgizýmen jáne senimdi ókilderdiń jumysyn úılestirýmen aınalysatyn bolamyz. Saılaýaldy naýqan aıasynda biz Qazaqstannyń barlyq óńirine baryp, saılaýshylarmen kezdesemiz. Bizdiń maqsatymyz - ár eldi mekenge baryp, eńbek ujymdarymen kezdesý. Osynshama aýqymdy jáne júıeli jumysty qamtamasyz etý úshin búgingi tańda bizdiń kandıdatymyzdy qoldaý jóninde oblystyq, qalalyq, aýdandyq shtabtar qurylýda. Osyndaı ustanymdar arqyly biz saılaýaldy aldy naýqandy meılinshe joǵary deńgeıde ótkizetindigimizge nyq senimdimiz», - dedi Muhtar Qul-Muhammed.
Sáken Maılybaı.
Derek, sýret: QazAqparat.
