Batys Qazaqstanda 2 adamdy quldyqta ustaǵan azamatqa úkim shyqty

ORAL. 25 mamyr. Batys Qazaqstan oblysy Bókeı orda aýdanyndaǵy iri menshik ıesi 64 jáne 30 jastaǵy ákeli-balaly adamdardy 2 aı boıy quldyqta ustaǵan. Osy iske qatysty ótken sot prosesinde jábirlenýshiler qojaıynǵa qoıatyn kinálary joq ekenin aıtqan. О́ıtkeni ol quldyqta ustalǵandardyń shyǵynyn ótegen eken. Bul týraly egemen.kz tilshisi habarlady. Oqıǵa jelisi bylaısha órbigen. Qystaqtaǵy jan tózgisiz aýyr jaǵdaıǵa shydaı almaǵan 30 jastaǵy jigit ol jerden qashyp shyǵady. Alaıda, ony menshik ıesi taýyp alyp, qaıtadan aýyr jumysqa jegedi. Quldyqtaǵylardy uıymdasqan qylmysqa qarsy kúres basqarmasynyń qyzmetkerleri júrgizgen operasııa kezinde qutqarýdyń sáti tústi. Sotta aıyptalýshy óziniń kinásin tolyq moınyna alyp, ári ótken iske ókinetinin bildirdi. Al zábir kórýshiler qojaıyn ózderine tıesili aqshany qaıtarǵandyqtan oǵan shaǵymdary joq ekenin málimdedi. Nátıjesinde sýdıa «Bostandyqtan eriksiz aıyrý» baby boıynsha, aıyptalýshyǵa shartty túrde bes jyl bostandyǵynan aıyrý jóninde jaza taǵaıyndady. Temir Qusaıyn. Derek: egemen.kz. Sýret: zn.ua.