Japonııada álemdegi eń uzaq ómir súrgen er kisi qaıtys boldy

ASTANA. 7 shilde. Japonııada 113 jasqa qaraǵan shaǵynda álemdegi eń uzaq ómir súrgen er adam Sakarı Momoı ómirden ótti. Ol sozylmaly búırek jetimsizdigine shaldyqqan. Bul týraly «QazAqparat» habarlady. Sakarı Momomı osy jyldyń aqpan aıynda Tokıodaǵy medısınalyq mekemelerdiń birinde otbasymen óziniń 112-ge tolǵan týǵan kúnin atap ótken bolatyn. Al 2014 jyldyń tamyz aıynda sarapshylary ony ǵalamshardaǵy eń egde er adam dep tanyp, Gınnestiń rekordtar kitabyna engizdi. Aıta keteıik, Sakarı Momoı 1903 jyly Honsıý aralynyń soltústik-shyǵysyndaǵy Fýkýsıma prefektýrasynda dúnıege kelgen. О́mir boıy agrohımııadan sabaq berip, birneshe mektepterde dırektor qyzmetin atqarǵan. Týystarynyń aıtýynsha, ómiriniń sońyna deıin onyń aqyl-esi durys bolǵan. Ol óz betinshe kitap oqyp, sporttyq baǵdarlamalar kórgen. Talǵat Raıymbek. Derek, sýret: «QazAqparat».