Syr – Alashtyń anasy, Altaı – Kóktúriktiń panasy

Iskerlik baılanystar ... Shyraıly Shyǵysqa ákim bolyp kele sa­ly­symen Berdibek Saparbaev basqarma, departa­ment basshylaryn jınap alyp, keleli keńes ótkizdi. Elbasynyń elimizde ındýstrııalyq, saýda-eko­no­mıkalyq, yntymaqtastyq, mádenıet, óńir­ler ara­syn­daǵy týrızm, sport jáne kásipkerlikti damytý jónindegi tapsyrmasyn júzege asyrýdyń mańyzyna toqtalyp, búginnen bastap eseleı eńbek etý qa­jet­­t­igin, demalystyń azaıyp, qar­ba­las isterdiń kó­­beıetinin, árkimniń soǵan úles qo­sýy kerektigin jetkizdi. Sodan keıin óńir bas­shysy Berdibek Másh­­bekuly Altaıdyń aýdandary men qalalaryn aralap, ondaǵy kemshilikterdi kózge shuqyp kórsetip, ákim­derge maza bermedi. Tapsyrma berip qana qoı­maı, arada birer aıdan keıin qaıta soǵyp, tap­syr­manyń oryndalý ba­rysyn tekserdi. Qoıshy, aýdan, qala ákimderiniń bir qabat terin syǵyp alǵan soń, olar da óz isterine jaýapkershilikpen qaraıtyn boldy. Arqyrap Altaıdyń qysy keldi. Bul jolǵy aq­shu­naq aıaz jańa ákimniń is-qabiletin synap kó­reı­­inshi degendeı, alty aıǵa sozyldy. О́ńirde jarty ǵa­syr bolmaǵan qalyń qar túsip, kóktemde kúre joldar tipti bir aptaǵa deıin jabylyp qaldy. Ony tazalaýǵa Qyzylorda, Ońtústik Qazaqstan, Qara­ǵan­dy oblystarynan júzge tarta alyp tehnıka kelip, qysylǵan sátte kómekterin kórsetti. Ol-ol ma, qı­yn­shylyq áli alda eken. Naýryzda oblystyń Tar­ba­ǵataı, Zaısan, Kúrshim, basqa da elýge tarta eldi mekenderde kún kúrt jylyp, arty tasqyn sýǵa ulasty. Ásirese, sorlap qalǵan – tarbaǵataılyqtar. Atalmysh aýdannyń Kókjyra jáne Jántikeı aýyldarynda tórt júzden astam turǵyn úı qırady, myńdaǵan bas mal qyryldy. Kúrshimniń Qaratoǵaı, Zaısannyń Tasbastaý aýyldarynda da úıler jaram­syz bolyp qaldy. Qysqasy, óńir basshysy úshin “beıbit maıdan” bastaldy. Tótenshe jaǵdaılar jó­nindegi oblystyq shtab quryldy. Elbasynyń qam­qor­lyǵy nátı­jesinde salalyq mınıstrler V.Bojko, Á. Qusaıy­nov, basqa da basshylar oblysta birneshe ret bolyp, kómek qoldaryn sozdy. Tek Qyzylorda ob­lysy 50 mıllıon teńge, bir vagon Syrdyń aq kúrishin jiberdi. Nebári eki-úsh aıda Berdibek Máshbekuly Tarbaǵataı aý­da­nynda 13 ret saparda bolypty. Aqyry uıymshyl da isker basshy bastaǵan komanda bul qı­ynshylyqty da jeńip shyqty. Elbasy N. Nazarbaev jaqynda shy­raıly Shyǵysta bolǵan saparynda arnaıy atbasyn buryp, Kókjyra aýylynda boldy, turǵyndarmen júzdesip, jańa páterlerge qonys­tanyp jatqan qarııalarmen áńgime­­lesti. Kókjyra aýylyndaǵy kezdesýde Elbasy N. Nazarbaev syn sátte erekshe belsendilik tanytyp, uıqy-kúlki kórmeı, óziniń tapsyrmasyn abyroımen oryndaǵan Berdibek Máshbekulyna jurtshylyq aldynda alǵysyn aıtyp, qolyn qysty. Oǵan kýá boldyq ta. Hosh, munyń aldynda B. Saparbaevtyń basta­masymen “Týǵan el – altyn besigim” aksııasy ómirge kelgen edi. О́tken jyly oblystyń barlyq aýdan­dary men qalalary О́skemenge ózderi shyǵarǵan aýyl sharýashylyǵy taǵamdaryn ákelip, arzan baǵaǵa saý­dalap, qalalyqtardy bir jyrǵap tastady. Izdengish, isker, únemi bir jańalyqtardy oılap taba­­tyn azamat Bekeń budan keıin Qyzyl­orda, Ońtústik Qazaqstan, elimizdiń soltústik ob­lystary men Almaty qalasyna baryp, ındýstrııa­lyq, saýda-ekonomıkalyq, ynty­maq­tastyq aıa­synda asa ma­ńyzdy qujattarǵa óńir basshyla­ry­men qol qoıyp, asa tıimdi sharany dú­nıege kel­tirgen edi. Sonyń arqasynda О́skemen men Semeıde shyǵarylatyn jeńil, avtobýs kólikteri shet elderge emes, ózimizge tikeleı tartyla bastady. Al óz kezeginde qajetti taýarlar Altaıǵa aǵyla bastady. “Erýlige qarýly” degendeı, ótken juma, senbi kún­deri Syr eliniń 138 adamnan turatyn úlken delegasııasy Kendi Altaıǵa keldi... Altaı men Syrdyń arasy – paıdaly istiń jalǵasy О́zender órnektegen О́skemen ásem-aq. Qala kósheleri boıyndaǵy gúlzarlar áli óńin bere qoımaǵan. Ásirese, áýejaı mańy erekshe qulpyr­ǵan. Sýburqaq kúmis sáýlelerin shashady. Sálden keıin aq shaǵaladaı samsaǵan kúmis qanat “Tý-154” ushaǵy qasıetti Altaı jerine qondy. Alash­tyń anasy atanǵan Syr elinen aq saqaldy aqyl ıeleri, abyz qarııalar ishinde ánshi-kúıshileri, ká­sip­kerleri bar 138 adam qonaqqa kelgen eken. Olar­dy Qyzylorda oblysynyń isker de tyn­dy­rymdy ákimi Bolatbek Qýandyqov bastap keldi. Alty Alashqa aty málim arqaly aqyn Abash Kákenov dombyrasyn ıyǵyna ilip alyp, arnaý óleńderin aıtty. Sálem berdik sizderge Shyǵysty elden, Shyǵysqa qonaq kelse, yrys kelgen. El birligi degeniń osy emes pe? Qonaqtar kelip jatyr kúrishti elden, – degen óleń joldary kópshilikti bir silkindirip tastady. Kók túrikterdiń ata mekeni Altaıǵa Qorqyt ba­ba­myzdyń ózi kelgendeı erekshe áserde qaldyq. Oblys ákimi B. Saparbaev óziniń shaqyrýyna oń qabaq tanytyp, qasıetti Syr eliniń azamattaryn alyp kelgen Bolatbek Qýandyqov myrzaǵa al­ǵy­syn aıtty. Hosh, sonymen elimizge taǵy bir eldiń birligi men yntymaǵyn tanytqan, otandyq ónim­derdi qoldaýdaǵy erekshe jańalyq – eki oblys turǵyndary arasyndaǵy ekonomıkalyq, saýda, mádenı jalǵastyq ómirge keldi. Onyń avtory da Berdibek Máshbekuly desek, qatelese qoımaımyz. О́zender órnektegen О́skemen qonaqtardy qaıran qaldyrdy “...О́skemenniń qaq tórinde hakim Abaıdyń alyp eskertkishi asqaqtaıdy. Kók túrikterdiń altyn besigi asqar Altaıǵa hosh keldińizder degendeı, aqyn babamyz jymııa qaraǵandaı. О́skemendegi Abaı eskertkishi qazaqtyń rýhyn bir asqaqtatyp tastady. Bir kósheniń boıynda eki uly aqyn Abaı men Pýshkınge tas tuǵyr ornatqan da óńir basshysy Berdibek Máshbekuly bolatyn. Jaqynda Elbasy N. Na­zar­baev ta Abaı eskert­kishi aldyna kelgende uly aq­yn­men syrlasqandaı bir sát oılana qalǵan edi. “Iá, es­kertkish keremet eken” de­gen edi Elbasy óńir bas­shy­syna. Endi, mine, Alash­tyń anasy atanǵan Syr eli­niń ıgi-jaqsylary, aza­mat­­tary aqyn rýhymen pikir alys­­qandaı. Qyzylorda oblysynyń ákimi Bolatbek Qýan­dy­qov pen óńir basshysy Berdibek Saparbaev bastaǵan top Abaı eskertkishine bas ıip, gúl shoqtaryn qoı­dy. Syr elinen kelgen qa­rııalar, kásipkerler qa­la­ny aralap shyqty. Etno­gra­fııalyq aýylǵa taıap qal­ǵan kezde qurylysy jalǵa­syp jatqan eńseli de kór­ki kóz tartatyn me­shit­ti kórgen kez­de jı­nal­ǵan­dar “Alla qa­­lasa, bul qudaı úıi elimiz­degi eń úlken meshit bolǵaly tur eken” desti. – Atalmysh me­­­shitti qa­la turǵyn­da­ry men isker adam­dardyń qarjysyna tur­ǵyzyp jatyrmyz. Aıtqa deı­in bitire almadyq. Keler jyl ol tolyq aıaqtalmaq, – de­di óńir basshysy B. Sapar­baev. Meshittiń ja­nyn­­daǵy mu­­­rajaı buryn qoqys tó­ge­­tin jer bolǵan. Endi adam ta­­­­­ónymastaı qulpyrǵan. 40 gek­tardy alyp jat­qan jerde qoryq-mu­rajaı boı kóterip keledi. Haıýanattar ba­ǵy, dendrobaq, bo­tanıkalyq baq, tipti áskerı teh­nı­kalar men klassı­ka­lyq úl­gidegi saz al­leıasy da boı kó­ter­mek. О́ńir basshysy Berdibek Máshbekuly botanı­kalyq baq ja­nynan ıslam, japon baǵy­nyń da boı kó­te­re­­tinin habarlady. Al­daǵy ýaqytta qo­sym­sha tórt baq ashý oıda bar, dedi oblys ákimi. Etnografııalyq aý­­yldy aralaǵan kez­de kelgen qonaqtar súı­­inishterin jasyra al­mady. Qaz-qatar ti­zil­gen ádemi de aı­shyq­­ty úıler jańa úlgide boı kótergen. Mine, my­naý orystyń, al kelesisi qa­zaqtyń, odan keıin – evreı, ózbek, káris, tatardyń úıleri. Olar­­daǵy jandar bir-birimen tatý, yntymaqta turmaq. – Kendi Altaıda 130 ulttyń ókilderi turady. О́skemendegi Dostyq úıi elimizde birinshi bolyp ash­ylǵan, onyń ashylýyna Elbasy N. Nazarbaev kelip qatysyp, tusaýyn kesken. Qazir bizde 75 mádenı-ulttyq ortalyqtar bar. Etnoaýyldy ashqandaǵy maqsat, ortalyqtar ókilderiniń bir jerde bas qosyp, mańyzdy sharalardy birge ótkizýine jaǵdaı jasaý, óz tájirıbemizdi bólisý. Bul jerde 38 ulttyq úıler qonys tebedi, qazir 14-i ázir tur, – dedi Berdibek Máshbekuly. – Bul etnoaýyldy Qazaqstannyń barlyq oblystary ózderine salyp alsa keremet bolar edi. Berdibek baýyrymnyń buryndary Qyzylorda, Ońtústik Qazaqstan oblystarynda ákim bolǵan ke­zinde talaı qundy bastamalardy dúnıege ákel­genin jaqsy bilemin. Shyraıly Shyǵystyń ór­ken­deýi men gúldenýine de erekshe úles qosyp ja­tyr eken, – dep bir áredikte Qyzyloradan kelgen Jarylqasyn Sharıpov aǵamyz aǵynan jaryldy. Shańyraq kótergeli jatqan Jandos degen aza­mat jubaıy Aqbotamen birge etnoaýyldy aralap júr eken. Ekeýi qos ákimmen eskertkish sýretke tústi. Berdibek Máshbekuly men Bolatbek Baıan­uly jas shańyraq ıelerine baqyt tiledi... Túske deıin qonaqtar saıabaq janyna boı kó­tergen “Kazsınk” jaýapkershiligi shekteýli seriktestigi salyp bergen tennıs kortyn (barlyǵy altaý) tamashalady. Uly Otan soǵysynda qaza tapqan bozdaqtarǵa arnalǵan Dańq memorıalyna gúl shoqtaryn qoıyp, taǵzym jasady. Qan maıdanda Kendi Altaıdyń 83 myń jaýyngeri elge oralmaǵan, 109 jerlesimiz Keńes Odaǵynyń Baty­ry atanǵan. Sol kúni tústen keıin qyzylordalyq delegasııa Úlbi metallýrgııa zaýyty, “Kazsınk” jáne “Azııa-avto” zaýyttaryn aralap, olar shyǵaratyn ónimderdi kórdi. – О́ndirisi órken jaıǵan О́skemen bizdi erteden qyzyqtyrǵan. Endi keldik, kózben kórdik, kóptegen ekijaqty kelisimderge qol qoıamyz, ol eki oblystyń ǵana emes, Qazaqstannyń ındýstrııalyq kartasyn órkendetýde erekshe oryn almaq, – dedi óńir bas­shysy B. Qýandyqov aqparat quraldary ókilderine. Shynynda da, Qyzylordada eki alyp kásip­oryn­ǵa qajet shıkizat qory mol kórinedi. Ýran ón­dirýmen aınalysatyn Qyzylorda budan bylaı is­kerlik qatynasty damyta túspek. Shalqııa ken or­nynda myryshtyń mol qory bar. Eki jyl boıy toqtap qalǵan kenishtiń jumysyn qaıta jandan­dyrý oıda bar kórinedi. Bıyl Qyzylorda oblysy boı­ynsha ındýstrııalandyrý kartasyna 245 mıllıard teńgeni quraıtyn 54 joba usynylǵan eken. Onyń 12-si bıyl iske qosylmaq. Budan keıin kelgen qonaqtar “Qazaqmys” korporasııasy qarjysyna kúrdeli jóndeýden ótken tamasha “Vostok” sta­dıonyn tamashalady. Memorandým – molshylyq kepili ...О́zimiz de oılaǵanbyz, bul jolǵy qyzyl­or­dalyqtardyń barys-kelisi ekonomıkany ór­ken­detýge, eki oblys arasyndaǵy qarym-qatynasty jaqsartyp, yntymaqty nyǵaıta beredi ǵoı dep. Túısigimiz aldamaǵan eken. Budan bylaı shyraıly Shyǵys shet elderden qymbat baǵaly kúrish pen jún-terini, basqa da taýarlardy satyp alýǵa táý­eldi emes. О́z kezeginde Syr eli bizden jeńil-kó­lik­ter men traktorlardy, avtobýstardy jeńildik­pen almaq. Bir ǵana mysal! Máselen, О́skemendegi “Azııa-avto” zaýyty qazir jeńil kólikterdiń onǵa tarta túrin shyǵaryp jatyr. Olardyń arasynda “Shkoda”, “Kıa”, “Shevrolet-Krýzo”, tipti “Ka­dıl­lak” pen “Hammer” kólikteri bar. Al Semeı­­degi “SemAZ” zaýyty da “Belarýs” traktorlary men “Daevo” avtobýstaryn shyǵarady. Olardyń ba­ǵasy da arzan. Ol ol ma, tústi metallýrgııa al­yptary shyǵaratyn ónimderdi de qyzyl­ord­a­lyqtardyń jeńildikpen alýlaryna jaǵdaı jasalynbaq. D. Serikbaev atyndaǵy Shyǵys Qazaqstan mem­lekettik tehnıkalyq ýnıversıtetiniń “Altaı” teh­no­parkinde qos oblystyń ákimderi ózara ýaǵda­las­tyqqa qol jetkizdi. Bul jer qasıetti jer, jaqynda ǵana Reseı men Qazaqstan Prezıdentteri D. Med­ve­dev pen N. Nazarbaev eki el arasynda ózara ynty­maq­ty arttyrý jóninde ondaǵan kelisimderge qol qoıǵan. Kezdesý nátıjesinde B.Saparbaev pen B.Qýan­­­dyqov Shyǵys Qazaqstan jáne Qyzylorda oblys­tary ákimdikteri arasyndaǵy ındýstrııalyq saýda-ekonomıkalyq yntymaqtastyq, mádenıet, óńirler arasyndaǵy týrızm, sport jáne kásipkerlikti da­mytý sala­syndaǵy ózara túsinistik pen yn­tymaq­tastyq týraly memorandýmǵa qol qoıdy. Onda joǵaryda aıtylǵan máseleler qamtylǵan. Shyǵys Qazaq­stan oblysy ákiminiń orynbasary Túsiphan Tú­sipbekov pen Qyzylorda oblysy ákiminiń oryn­ba­sary Murat Muhamedov eki oblys ákimdigi arasyn­daǵy týrızm salasyndaǵy yntymaqtas­tyq týraly kelisimdi bekitti. Bul bas­qo­sýda “Azııa-avto” JShS men “Best Avto” JShS dırektorlary dılerlik satýlar men qyzmet kórsetý,”Aqtas-I” sharýa qojalyǵy men “Semeı teri kombınaty” JShS iri qara men qoı terisin jetkizý, “Dıhan” kúrish kompanııasy JShS men jeke kásipker Beısen Ishanov ishki rynokty retteý jáne Kendi Altaıǵa keletin kúrish baǵasynyń ósýin turaqtan­dy­rý jónindegi kelisimderge qol qoıdy. – Dál osyndaı aýqymdy, keń kó­lem­degi kez­desý men jyly júzdi júz­de­sýler tuńǵysh ret ótip otyr. Al búgingi qujattar sóz jú­zinde qalmaýy kerek, Bo­latbek Baıanuly ekeýmiz de memo­ran­dým shartta­­rynyń oryndalýyn qa­da­ǵalaımyz. О́tken jyly Qyzylordaǵa barǵanda birneshe tıimdi sharttar jasa­lynǵan. Ol nátıjesin berdi. Aldaǵy ýaqtytta basqa oblystarmen de ózara yntymaq­tastyq jalǵasa bermek, – dedi Berdibek Máshbekuly. – Mundaı keń aýqymdy paıdaly kezdesý oblys tarıhynda tuńǵysh ret ótip otyr. Sol úshin oblys ákimi B. Saparbaevqa aıtar alǵysym erek­­she. О́z kezeginde sizderdi de qasıetti Syr eline ke­lýge shaqyramyn. Qala adam tanymastaı ózger­gen, órkendeı túsken. Tústi metallýrgııanyń ota­ny – Shyǵystyń el ekonomıkasyna qosqan úlesi erekshe. Indýstrııalandyrý kartasy boıynsha Shyǵys óńirinde keremet ózgerister bolyp jatyr, oǵan kóz jetkizdik. Qazaqstannyń ósip-órkendeı berýi abyroıymyzdy asqaqtata bermek, – dedi Qyzylorda oblysynyń ákimi B. Qýandyqov. “Ańsatsa Syr óńiri, án terber júregińdi...” “Syr – Alashtyń anasy” atty konserttik baǵdarlamany tamashalaımyz degender “Mesto” demalys ortalyǵyna syımaı ketti. Sebebi belgili, Syr eliniń súleıleri, jyrshy, jyraýlary, kúmis kómeı ánshileriniń ataq-dańqy búkil elge belgili. Tipti 88-degi Altaıdyń Abyz aqsaqaly, eńbek Eri, ataqty kolhozshy, atbegi Boshaı Kitapbaev ta taıa­ǵy­na súıenip, konsertti tamashalaýǵa kelipti. Bo­shekeńniń janyna Qyzylordadan kelgen qonaqtar jaıǵasypty. Sonyń biri – qyzylordalyq syıly qarııa Oljabaı Saparbaev. – Berdibek balamyzdyń is-áreketteri “Egemen Qazaqstan” gazeti arqyly, teledıdar arqyly bizge jaqsy tanys. Altaıdaǵy qatal qystan súrin­dirmeı alyp shyqty, áıteýir halyq aman. О́skemen kere­metteı ózgeripti. Kózben kórdik, rıza boldyq, – deıdi Oljabaı aǵamyz. – Berdibek sııaqty isker, halyqtyń azamaty áli de úsh-tórt jyldaı Altaıda eńbek etse, kóp ister tyndyrar edi, osyndaı ul tárbıelegen sizderge de úlken alǵys aıtamyn, – dep aǵynan jaryldy Boshaı aqsaqal. Hosh, sonymen konsert bastalyp ta ketti. Eki saǵattyń qalaı óte shyqqanyn ańǵarmaı da qaldyq. Sahna tórine Qyzylorda oblysynyń ákimi Bolatbek Qýandyqov kóterildi. – Elbasynyń senimdi serigi, onyń qoldaýyna ıe bolǵan óńir basshysy Berdibek Máshbekulynyń shaqyrýy boıynsha Alash jurtynyń anasy atanǵan Syr eliniń ónerpazdary Altaıdyń bókterine kelip, án men jyrdan shashý shashýda. Delegasııa quramynda basqarma basshylary, mekeme, ujym jetekshileri bar. Búgin birqatar kelisimderge qol qoıyldy. Syr eli men qasıetti Altaı qol ustasty. О́skemende budan eki jyl buryn bolǵan edim. Bir jarym jyl ishinde oblys basshysy B. Sapar­baevtyń kóp ister tyn­­dyryp, halyqtyń alǵysyna ıe bolǵanyn kózben kó­rip, rıza boldyq. Sonaý 1995 jyly Berdibek Máshbekuly Qyzylorda oblysyn basqarǵan kezde elimiz aýyr kúnderdi bastan keship jatqan. Halyq aılyǵy men zeınetaqysyn ýaqtyly almaıtyn, sol kezdiń ózinde Bekeń aǵamyz qarym-qabiletin ta­nytyp, bul qıyndyqty jeńe bilgen. Keıin Ońtústik Qazaqstan oblysyn basqarǵan kezde de onyń tabysyna qýanyp otyrdyq. О́tken jyly oblystyq máslıhat Bekeńniń uzaq jylǵy eńbegin eskerip, oǵan “Qyzylorda oblysynyń qurmetti aza­maty” degen ataqty bergen edi. Sony tabystaýdyń reti búgin kelip tur. Jalpy, Syr eliniń halqy Berdibek Másh­bek­ulyn “Elbasynyń senimdi serigi ári Syr eliniń aza­maty” dep oryndy maqtan tutady. Endeshe, qurmetti ataqty tabystaýǵa ruqsat etińizder, dep ata saltymen qurmetti ataqty tabys etip, ıyǵyna shapan japty. – Shynymdy aıtsam, talaı mártebeli jıyn­darda ortaǵa shyǵyp, sóz alǵan kezde dál qazirgideı tolqymaǵan edim. Shyraıly Shyǵysqa Syr eliniń azamattary kelip jatyr. Búgin talaı qundy keli­simderge qol qoıyldy. Elbasy N. Nazarbaev kezdesýlerde únemi Otandyq taýardy qorǵaý, basqalarǵa jaltaqtamaı, bir-birimizben qarym-qatynas jasaýdy tapsyrady. Búgin munda óz aǵalarym, mine, Ydyrys aǵa da kelipti, sizderge rahmet. Keshegi qıyn kezde birinshi bolyp kómek berdińizder, 50 mıllıon teńge, bir vagon Syrdyń aq marjanyn jiberdińizder. Maǵan kórsetken zor qurmetterińiz úshin ózimniń jeke basymnyń jáne otbasynyń atynan barlyq Syr eliniń halqyna myń da bir alǵys aıtamyn, ­– dep tebirendi jalǵyz Syr eli ǵana emes, Altaıdyń da aqıyq azamaty atanǵan Berdibek Máshbekuly. Nesin aıtasyz, eki kún boıy О́skemenniń kóshelerinde Syr eliniń án-jyry qalyqtap turdy. Erteńinde Qyzylorda oblysynyń ákimi Bolatbek Qýandyqov bastaǵan top Metallýrgter Mádenıet saraıy aldynda “Týǵan el – altyn besigim” aksııasy aıasynda Borodýlıha aýdany eńbekshileri ósirgen aýyl sharýashylyǵy taýarlary jármeń­kesine, konsertine qatysty. Borodýlıha aýdanynyń ákimi Talap Qasymov búgingi jármeńkege 25 tonna et, 20 tonna kókónis, bal, syr, qaýyn-qarbyz ákel­genderin aıtty. Eki qazan palaý, ystyq sháı men baýyrsaq qala halqyna tegin be­­ril­di. Bıylǵy “Týǵan el – altyn besigim” aksııa­synyń erekshe­likterine óńir basshysy B. Saparbaev toqtala ketip, Semeı men О́skemende qatar ótetinine mán berdi. Máselen, Semeıde Zyrıan qalasy men Kúrshim aý­danynyń, al О́skemende Besqaraǵaı men Borodýlıha aýdandarynyń mádenı kúnderi ótti. Ol jyl aıaǵyna deıin sozylmaq. “Bul aksııany biz de qoldanarmyz” degendi aıtyp qaldy kelgen qonaqtar... Ońdasyn ELÝBAI. О́skemen. ----------------------------- Sýretterdi túsirgen avtor.