Bir ǵana durys jol bar. Ol – mámile

Qazaqstan Respýblıkasy Syrtqy ister mınıstrliginiń Taıaý Shyǵystaǵy ahýalǵa baılanysty túsindirmesi Qazaqstan Taıaý Shyǵystaǵy bolyp jatqan úderisterdi jiti nazarda ustap jáne alańdaýshylyqpen baqylaýda. Álemdik qaýymdastyqtyń jaýapty múshesi retinde Qazaqstan óńirdegi qaýipsizdik pen turaqty­­­lyqqa qater tóngen kezde jáne terrorızmge qarsy jahandyq kúresti ulǵaıtý qajettigi jaǵdaıynda Saýd Arabııasy Koroldigi men Iran Islam Respýblıkasynyń arasyndaǵy qarym-qatynastardyń shıelenise túsýine alańdaýshylyq bildiredi. Biz osy óńirdegi bizge dostyq qatynastaǵy baýyrlas memleketter – Saýd Arabııasy jáne Iran­nyń basshylyǵyn, sondaı-aq, basqa da memleketterdi konfes­sııaaralyq shıelenistiń ári qaraı órship ketpeýi úshin, keli­simdi qamtamasyz etý men dıplo­matııalyq qatynastardy qaıta qal­pyna keltirý úshin saıası únqatysý ornatýǵa jáne elder arasynda kelissózder júrgizýge shaqyramyz. Biz barlyq tartyl­ǵan taraptardy qaýipti deńgeıden ótpeýge úndeımiz. Sheteldik dıplomatııalyq ókil­­dikterge shabýyl jasaýǵa jol berilmeýi tıis, al akkredıtteý elderi, Vena konvensııasyna sáıkes, olardyń qaýipsizdigin qam­tamasyz etýge mindetti. Osyǵan oraı, Qazaqstan qalyp­tasqan ahýaldy sheshýdiń bir ǵana durys joly retinde saıası sheshim men únqatysýdy jaqtaıdy.