• 07 Qańtar, 2016

Qazaqstan Respýblıkasy Syrtqy ister mınıstrliginiń KHDR-da jasalýy málim etilgen ıadrolyq synaqqa qatysty málimdemesi

264 ret

kórsetildi

2 mın

oqý úshin

Egemen Qazaqstan

2016 jylǵy 6 qańtarda Koreıa Halyq-Demokratııalyq Respýblıkasy sýtegi bombasynyń sátti synaǵyn ótkizgeni týraly málimdedi. Osyǵan oraı, Qazaqstan BUU Qaýipsizdik Keńesiniń 1718 (2006), 1874 (2009), 2087 (2013) jáne 2094 (2013) rezolıýsııalaryn buza otyryp, KHDR-dyń osyndaı áreketiniń jónsizdigi jáne úzildi-kesildi aıyptaıtyny týraly málimdeıdi. Iаdrolyq synaqqa jalpyǵa birdeı tyıym salý týraly sharttyń (IаSJTSh) XIV babyna sáıkes, Japonııamen birge 9-shy Konferensııasynyń teńtóraǵasy bolyp sanalatyn, Qazaqstan KHDR basshylyǵynyń bul is-áreketteri ıadrolyq qarýsyzdaný, ıadrolyq qarýdy taratpaý rejimin jáne jahandyq qaýipsizdikti nyǵaıtý boıynsha halyqaralyq qoǵamdastyqtyń kúsh-jigerine eleýli zalal keltiredi dep esepteıdi, IаSJTSh-nyń kúshine enýin qamtamasyz etý jóninde álem elderiniń basym kópshiliginiń umtylysyn joqqa shyǵarady. Qazaqstan ıadrolyq qarýdyń qasiretin bastan ótkergen, óz erkimen ıadrolyq arsenaldardan bas tartqan jáne 29 tamyzdy Iаdrolyq synaqtarǵa qarsy is-qımyl halyqaralyq kúni dep jarııalaǵan BUU Bas Assambleıasy qaýlysynyń qabyldanýyna bastama bildirgen el retinde álemdegi ıadrolyq synaqtarǵa tolyq tyıym salynýyn qoldaıdy jáne Qytaı, Reseı, AQSh, Koreıa Respýblıkasy men Japonııanyń qatysýymen altyjaqty formattaǵy ıadrolyq problema boıynsha kelissózderdi dereý qaıta bastaýǵa shaqyrady. Qaýipsizdiktiń jáne turaqty damýdyń kepili ıadrolyq arsenal emes, keńeıtilgen ózara tıimdi yntymaqtastyq, barlyq memleketaralyq qatynastardaǵy problemalardy beıbit kelissózder arqyly sheshý qajet dep senemiz. Álemdi ıadrolyq qarýdan tazartý jahandyq qaýipsizdik kepili bolyp tabylady, bizdiń elimiz jáne HHI ǵasyrda adamzattyń basty maqsaty – ıadrolyq qarýsyz álemdi qurýǵa shaqyrǵan Prezıdent Nursultan Nazarbaev ıadrolyq qarýdan bas tartýǵa úndeıdi