Ulttyq rýhty terbegen shyǵarma Túrkııada jeke kitap bolyp shyqty

Ádebıetke senzýra qatań baqylaý jasaǵan Keńes úkimeti kezinde, kóp qıynshylyqpen jaryq kórgen kórkem shyǵar­manyń biri – «Aq arýana» atty povest bolatyn. Sábıt Dosa­novtyń ulttyq rýhty terbegen osy súıekti shyǵarmasy jaqynda Túrkııada jeke kitap bolyp shyqty. «Aq arýana» kitabynda jazýshynyń ómirdiń ózekti problemalaryn ótkir kótergen «Jýsan ıisi», «Syńsyp ushqan syńar aqqý» syndy áńgimeleri de bar. Kitapqa alǵysóz jazǵan belgili ádebıet synshysy Imdat Afshar. Ankarada ótken túrik álemi aqyndary men jazýshylarynyń festıvalinde túrik tilinde shyqqan osy «Aq arýana» kita­bynyń tusaýy kesildi. Tusaý­keser rásimin júrgizgen Ázer­baıjannyń kórnekti memleket jáne qoǵam qaıratkeri, Ázer­baıjan Parlamentiniń depýtaty Ganıra Pashaeva túrki álemi qalamgeriniń «Aq arýana» kitaby jaıly jyly lebizdi pikirler úshin alǵys aıtty. «Aq arýanany» túrik tiline aýdarǵan túriktiń kórnekti jazýshysy Imdat Afshar, ony jaryqqa shyǵarǵan Túrkııadaǵy bedeldi baspalardyń biri – «Aısý ıaıynchylyk». «Aq arýana» ústimizdegi jyly Bakýde, Bishkek pen Tashkentte de jaryq kórgen bolatyn.Túrkııanyń bedeldi basylymdarynda jarııalanǵan maqalalarda qazaq qalamgeriniń shyǵarmalaryna tereń taldaý jasalǵan. «Koroglý» jýr­nalynyń jeltoqsan aıyndaǵy sanynda Sábıt Dosanov shy­ǵar­mashylyǵy jaıly kó­lemdi maqala jarııalandy. «Aq arýananyń» tusaý keser rásimi taıaý kúnderi Almatyda ótpek. Oǵan Túrkııa men Ázer­baıjannyń, О́zbekstan men Qyr­ǵyzstannyń kórnekti jazýshylar qatysady dep kútilýde. «Egemen-aqparat». Sýrette: túriktiń kórnekti jazýshysy Imdat Afshar jáne Ázerbaıjannyń kórnekti memleket jáne qoǵam qaıratkeri, Ázerbaıjan Parlamentiniń depýtaty Ganıra Pashaeva.