О́zara yntymaqtastyq jalǵasady

«Eýrazııalyq top» aqtóbelik taýar óndirýshilerdi qoldaıdy jáne qazaqstandyq quramnyń ulǵaıýyna yqpal etetin bolady. Bul týraly oblys ákimi Berdibek Saparbaevtyń Eýra­zııalyq toptyń dırektorlar keńesiniń tóraǵasy Aleksandr Mash­kevıchpen jáne «Qazhrom» TUK» AQ basshylyǵymen kezdesýi barysynda belgili boldy. Kezdesý barysynda jyl qory­tyn­dylary talqylandy. Ákim kom­panııadaǵy jumys oryndarynyń saq­talýy, eńbekaqynyń ýaqytynda tólenýi men jyl qorytyndysy boıyn­sha on úshinshi aılyqtyń berilýi má­selelerine toqtaldy. Sondaı-aq, ın­flıa­sııaǵa baılanysty «Qazhrom» TUK» AQ qyzmetkerlerine eńbekaqyny kóterý múmkindikteri qarastyryldy. Daǵdarysqa qarsy tıimdi sharalar qabyldaý aıasynda oblys ákimi men kompanııa basshylyǵy jergilikti taýar óndirýshilerdi qoldaý jáne qazaqstandyq quramdy ulǵaıtý týraly kelisti. Búgingi kúni taý-ken kesheni jer baılyǵyn paıdalanýshylar alǵan taýarlar men qyzmetterdiń jalpy kólemindegi   jergilikti quramnyń úlesi 58,5 paıyzdy quraıdy. О́ńirde metall buıymdary, rezeńke-tehnıkalyq ónimder, elektrodty massa, tuz qyshqyly, betonıtti-sazdy untaqtar, taǵy basqa óndirister boıynsha jobalardy júzege asyrý múmkindikteri talqylanýda. Berdibek Saparbaev «Kaspıı plıýs» JShS (bekitý detaldaryn jetkizý), «Tehnodom CTKZ» JShS (tirkeme dońǵalaq tehnıkasyn jetkizý) jáne «Saılan Aqtóbe» JShS (pıgmentti boıaǵyshtar men hromdy konsentrattar jetkizý) sekildi jergilikti taýar óndirýshilermen ónimderdi jetkizýge uzaq merzimdi kelisimshartqa qol qoıý múmkindikterin qaraýdy usyndy. Kompanııa kásiporyndary ornalasqan Aqtóbe jáne Hromtaý qalalarynda shaǵyn jáne orta bıznesti qoldaý máseleleri talqylandy, sondaı-aq, 2016-2018 jyldarǵa shaǵyn jáne orta bıznesti damytý boıynsha áriptestik baǵdarlamasyn jasaý qarastyryldy. Oblys aýmaǵynda «Qazhrom» kásip­oryndaryn damytý perspektıvasy týraly jáne kelesi jyly áleýmettik jaýapkershilik týraly memorandýmǵa otyrý jóninde aıtyldy. Barlyq qarastyrylǵan máseleler Eýrazııalyq toptyń quryltaıshylarynyń biri jáne dırektorlar keńesiniń tóraǵasy Aleksandr Mashkevıch tarapynan qoldaý tapty. Ol óz sózinde ekonomıkalyq daǵdarysqa qaramastan, 12 myń shamasynda aqtóbelik jumys isteıtin Eýrazııalyq top ózderiniń 2016 jyl­ǵy ujymdyq kelisimshartynyń bar­lyq sharttary men áleýmettik mindet­teme­lerin oryndaıtyndyǵyn atap kórsetti. Satybaldy SÁÝIRBAI, «Egemen Qazaqstan». Aqtóbe oblysy.