Qolǵa ustatqandaı qaǵıdattar

Táýelsizdiktiń jıyrma besinshi jylynyń tabaldyryǵyn attap otyrǵan egemen elimizdiń erteńi budan góri de jarqyn bolatynyna senim mol. Buǵan deıin de talaı daǵdarystar bolǵan, olardy Elbasymyz Nursultan Nazarbaevtyń sarabdal saıasatynyń arqasynda erkin eńserip kelgenimizdi eshkim de joqqa shyǵara almas. Álemdik qarjy daǵdarysy jaǵdaıynda damýǵa baǵyt ustaǵan Qazaqstan qarqyndy báseńsitpeı, eldi eńselendirýdiń joldaryn anyqtap alǵan bolatyn. Ol Memleket basshysy Nursultan Nazarbaevtyń «Bes ıns­tıtýttyq reformany júzege asyrý boıynsha «100 naqty qadam» Ult Jos­parynda jáne kúni keshegi «Qazaqstan jańa jahandyq naqty ahýalda: ósim, reformalar, damý» atty Qazaqstan halqyna Joldaýynda aıqyn kórinis tapqan – dy. Endi, mine, Elbasynyń buqaralyq aqparat quraldarynda jarııalanǵan «Ult Jospary – qazaqstandyq armanǵa bastaıtyn jol» degen baǵdarlamalyq maqalasynda Ult Josparyn júzege asyrýdyń múmkindikterin qolǵa us­tatqandaı naqtylap berdi, atqarylar isterdiń ara-jigin ajyratyp usyndy deýge bolady. Meni, maqaladaǵy «Ár urpaqtyń óz armany bar, olarda tek jeke jáne otbasylyq ıgilikterge ǵana umtylys kórinis tappaıdy. Olarda týǵan jerge súıispenshilik sezimi, óz halqy men Otanynyń baqyty týraly ańsar aıqyn kórinedi» degen oıy kádimgideı tolǵantty. Shynynda, ortaq Otanymyzdyń baqyty bolmasa, jekelegen adamdardyń baqýatty turmysynan ne paıda? Biz muny táýelsizdik alǵan jyldary aıqyn sezindik, qaı jaǵymyzǵa qarasaq ta ilgerileý bar, irkilis azaıyp keledi. Nursultan Ábishuly qaı salada qandaı múmkindikter men rezervter bar soǵan deıin dáleldep, alǵa tartýda. Endigi mindet el damýynyń basym baǵyttaryn is júzinde júzege asyrýǵa kelip tireledi. Bul baǵytta da Elbasy bárin ólshep-piship qoıǵandaı áserge bóleıdi. Budan artyq ne kerek? Naqty jumys isteý kerek der edim. Baǵdarlamalyq maqalada «Ult Josparynda ekonomıkanyń birqatar perspektıvaly sektorlaryn damytý boıynsha sharalar qarastyrylǵan. Birinshi kezekte ol elektr energııasy sektoryna jáne energııalyq tıimdiliktiń ósýine qatysty», dep atap ótilgen. Bul bizdi qanattandyra túsedi. Sebebi, men osy salada eńbek etemin. О́zim jumys isteıtin Aqtóbe jylý-elektr ortalyǵy qalany ystyq sýmen jáne jylýmen qamtamasyz etip otyrǵan birden-bir strategııalyq kásiporyn. Munda jumys isteýdiń jaýapkershiligi ózge kásiporyndarǵa qaraǵanda joǵary bolatyny da sondyqtan. Búkil qalanyń 70-80 paıyzyn ystyq sýmen jáne jylýmen qamtamasyz etip otyrǵan ortalyqta sońǵy jyldary qondyrǵylar jańartylyp, ınvestısııa salý arta tústi. Al Elbasy sózi munyń odan ári jalǵastyrylatynyna sendiredi. Iаǵnı, qazirdiń ózinde tolyq qýatynda jumys istep turǵan kásiporynnyń keleshegi budan da beter kemeldene túsedi degen sóz. Al alǵa qoıǵan mindetterdi irkilissiz oryndaýǵa eńbek ujymynyń yntasy zor. Bizdiń Elbasy tapsyrmalaryn múltiksiz oryndaýǵa degen naqty jaýabymyz tutynýshylarǵa ystyq sý men jylýdy belgilengen mólsherde kidirissiz jetkizý bolmaq. Bul baǵytta kásiporynda júıeli jumys qalyptasqanyn maqtanyshpen aıtýǵa ábden bolady. Bul úrdisti úzbeı, ilgerileýge baǵyt ustaımyz desem artyq aıtqandyq bolmas. Buǵan ortalyqtyń qysqy kezeńde qalypty jumys istep turǵany da dálel bolady. Bolat JUMAKEShOV, «Aqtóbe jylý-elektr ortalyǵy» aksıonerlik qoǵamy bas ınjeneriniń orynbasary. Aqtóbe oblysy.