Bolashaqtyń baǵdary

Memleket basshysy N.Nazarbaevtyń «Ult Jospary – qazaqstandyq armanǵa bas­taıtyn jol» saıası maqalasyn bizdi izgi murattarǵa bastar baǵdarlama dep qaraǵan jón. Elbasy jańa qazaqstandyq armannyń maqsatymen birge naqty júzege asyrylý joldaryn aıqyndap berdi. Ǵasyr sońyna taman álemdegi eń damy­ǵan 30 eldiń qataryna enýdi josparlaǵan elimiz úshin mańyzdy jolsiltegish, baǵdarlamalyq bastama – bes ınstıtýttyq reformany, 100 naqty qadam – Ult Josparyn júzege asyrý ekeni belgili. Al bul Jospar elimizdegi barlyq jańǵyrtýlarǵa, jańarýlarǵa serpin bemek. Bul týraly Elbasy «Qaza­standy, onyń ekonomıkasyn, memleket pen qoǵamdy ózgertetin tarıhı mindetter keshenin sheshýge dańǵyl jol salady» dep atap kórsetip, atalǵan jospardy júzege asyrý arqyly bizdiń elimizdiń «serpindirek, laıyqtyraq, senimdirek jáne dáýlettirek» bolatyndyǵyn aıtty. Qazaqstan halqyna keregi de osy, ıaǵnı óz memleketiniń táýelsizdigi, qýattylyǵy men turaqtylyǵy, qaýipsizdigi men berekeli, dáý­letti, sáýletti turmysy. Ult Josparyn laıyqty júzege asyryp, dittegen mejege birge jete alsaq, biz jáne bizdiń erteńgi urpaǵymyz biz oılaǵan, biz armandaǵan bolashaqtyń tabaldyryǵynan attaımyz dep úmit etemiz. Elbasy qol qoıǵan 60-qa tarta zańnyń árqaısysy Qazaqstannyń quqyqtyq-tártiptik, kásibılik turǵyda jetilýin, buryn olqy ketken tustardy qaıta qarap, durystalýyn zańnamalyq turǵyda jan-jaqty qamtamasyz ete alatyn zańdar bolmaq. Turǵyndardyń densaýlyǵyn saqtaý salasyndaǵy bas­ty mindet – mindetti medı­sına­lyq saqtandyrýdy engizý eken­digin aıtqan Elbasy medı­sınalyq qyzmettiń sapasy boıynsha birlesken komıssııa qurylatynyn aıta kele, densaýlyq saqtaý meke­melerinde basqarýdyń korporatıvtik modelin engizý qarastyrylǵanyn, sondaı-aq muqtaj azamattarǵa áleý­mettik kómek kórsetý júıe­sin ońtaılandyrý josparlaý qajettigin jetkizdi. Atalǵan kómek tabystary otbasynyń ár múshesine shaqqanda eń tómengi kúnkóris deńgeıinen 50% tómen otbasylaryna kórsetiledi jáne kómek kórsetilgen turǵyndardyń jumyspen qamtýǵa yqpal etý jáne áleýmettik beıim­de­­­lý baǵdarlamalaryna min­detti túrde qatysatyny týraly áleýmettik kelisimshart bekitilmek. Sondaı-aq, «Halyqqa qyz­­met kórsetý ortalyǵy», «Jyljymaıtyn múlik ortalyǵy», «Jer kadastry ǵylymı-óndiristik ortalyǵy», «Zeınetaqylar tóleý jónindegi memlekettik ortalyq» res­pýblıkalyq memlekettik kásiporyndary korporasııaǵa biriktirý arqyly azamattar memlekettik qyzmet kórsetýdiń ortaq provaıderine júginý múmkindigin alady. Al bul ózgerister qajetsiz ákimshilik kedergilerdi joıady, suraý salynatyn qujattar tizimin qysqartady, bir sózben aıtqanda, bul qyzmettegi jumystardyń móldirligin, qoljetimdiligin qamtamasyz etedi. Maqalany oqı otyryp, mem­lekettik qyzmetkerlerge qoıylatyn talaptar men jańa erejelerge tánti boldym. Memlekettik qyzmetshiniń bastapqy baspaldaqtardan bas­tap mansaptyq jetilýin, etken eńbeginiń nátıjesine qaraı jalaqy tólenýin, etıkalyq normalardan aýytqymaýyn qadaǵalaý máseleleri kóńilge qonymdy. Qazirgi tańda bedeldi qyzmetke áldeqalaı kelip qalyp, eshteńeniń mánisin bilmeı otyratyn jas qyzmetkerler de joq emes. Ol óz jumysyn júrgize almaı bir súrinse, memlekettik qyzmettiń atyna kir keltirip, eki súrinedi. Sondyqtan, bul óte oryndy baǵyt der edim. Qazaqstan halqyn Elbasy usynǵan baǵdarlamany qoldap, júzege asyrýǵa atsalysýǵa sha­qy­ramyn, óıtkeni, bul – bizdiń bolashaǵymyz. Aqmaral ZEIILOVA, Mańǵystaý oblystyq ǵylymı-ádistemelik jáne mádenı qyzmet kórsetý ortalyǵynyń dırektory. AQTAÝ.