Italııanyń áıgili kınojuldyzy qaıtys boldy

ASTANA. 7 jeltoqsan. Italııanyń áıgili kınojuldyzy Sılvana Pampanını 90 jasynan ashqan shaǵynda «Djemellı» aýrýhanasynda qaıtys boldy. Bul týraly TASS aqparat agenttigine silteme jasaǵan egemen.kz habarlady. 1950 jyldary «Italııa sulýlyǵynyń sımvoly» atanǵan Pampanını 1925 jyly 25 qyrkúıek kúni dúnıege kelgen. «Santa-Chechılııa» konservatorııasynda vokal men fortepıano bólimin bitirgen.1946 jyly «Italııa arýy» saıysynda bas júldege ıe boldy. Estrada salasynda ánshilikti de qatar alyp júrdi. Kıno salasynda alǵash ret L'apocalisse («Apokalıpsıs» 1947) fılmine túsken. O.K. Nerone («O'keı, Neron», 1952), La presidentessa («Áıel prezıdent», 1952) jáne La bella di Roma («Rım sulýy», 1955) semkalaryna túskennen soń, bedeli arta tústi. Ol sondaı-aq, Processo alla citt («Qala ústindegi prosess», 1952) jáne Un marito per Anna Zaccheo («Anna Dzakeoǵa kúıeý tabyńdarshy», 1953) fılmderinde basty rolderdi somdaǵan. Ol 1960 jyldardyń ortasyna taman akterlik mansabyn aıaqtap, televıdenıe baǵytynda ózin shyńdady. Qart kisilerge mahabbatyn bólip, ómirleriniń sońyna deıin birge boldy. Aıta keteıik, aktrısanyń jerleý rásimi 8 qańtar kúni bolady. Aıan Ábdýálı. Derek: TASS. Sýret: ex.ua.