08 Qańtar, 2016

Gambııada memlekettik qyzmette oramal taǵý mindetteldi

370 ret
kórsetildi
1 mın
oqý úshin
08-01-2016-GambiaASTANA. 8 qańtar. Gambııa Respýblıkasy memlekettik oryndarda qyzmet etetin qyz-kelinshekterge oramal taǵýdy mindettedi. Bul týraly «Reseı BBC qyzmetine» silteme jasaǵan egemen.kz tilshisi habarlady. Jańa zańǵa sáıkes, názik jandylardyń jumys ornynda oramalsyz júrýine tyıym salyndy. Gambııa prezıdenti Iаııa Djamma mundaı sheshimniń dinı birizdilik pen batysafrıkalyq ult qundylyqtaryna saı túrde shyǵarylǵanyn málimdedi. Halyqtyń negizgi bóligi ıslam dinin ustanatyny basty sebep boldy. Sondaı-aq, ózge din ókilderine eshqandaı shekteý qoıylmaıtynyn, ár adamnyń jeke quqyǵy qorǵalatynyn da atap ótti. Aıta keteıik, 2015 jyldyń jeltoqsan aıynda Gambııa Respýblıkasynyń prezıdenti halqynyń 90 paıyzy musylman bolǵandyqtan elin ıslam memleketi dep jarııalaǵan. Aıan Ábdýálı. Derek: Reseı BBC qyzmeti. Sýret: izvestia.ru.