Atyraý avtobýstarynda jolaqy qymbattady

ATYRAÝ. 8 qańtar. Jańa jyldan bastap Atyraýdyń jolaýshy tasymaldaıtyn avtobýstaryndaǵy jolaqy quny kóterilip, endi qalaishilik baǵyttarda jolaýshylar 80 teńgeden, al oblys ortalyǵyna irgeles ornalasqan eldi mekenderge qatynaýshylar 90 teńgeden tóleıtin boldy. Bul týraly egemen.kz tilshisi habarlady. Buǵan deıin Atyraý qalasyndaǵy avtobýstarda jolaýshylar 50 teńgeden jolaqy tóleýshi edi. Al qala mańyndaǵy eldi mekenderge qatynaıtyn baǵyttarda jolaýshylar 70 teńgesin jolaqy úshin berip keldi. Endi Atyraý qalasy ákiminiń birinshi orynbasary Ádilbek Zaıdýllınniń málim etkenindeı, jolaýshy tasymalymen aınalysatyn avtobýstardaǵy jolaqy quny kóterildi. Osylaısha, jańa jyldan beri Atyraý qalasyndaǵy baǵyttarda ár jolaýshy úshin jolaqy quny 30 teńgege qymbattap, 80 teńgeni qurap otyr. Al qala mańyndaǵy eldi mekenderge barý úshin endi jolaýshylar 90 teńgeden tóleıtin boldy. Iаǵnı, oblys ortalyǵyna taıaý ornalasqan eldi mekenderge avtobýstarmen jetý quny 90 teńgeden belgilendi. Joldasbek Shópeǵul. Derek: egemen.kz. Sýret: Rahym Qoılybaev.