Álemdegi eń alyp eskertkish

qazirgi Qytaıdyń negizin qalaýshyǵa arnaldy QHR-dyń Henan provınsııasynda qazirgi zamanǵy Qytaıdyń negizin qalaýshy Mao Szedýnniń bıiktigi 37 metrge jetetin, syrty altynmen kómkerilgen alyp eskertkishi salynyp bitti. Ol endi resmı ashylý saltanatyn ǵana kútip tur. Alyp monýment statýıanyń 3 mıllıon ıýanǵa jaqyndaıtyn (460 myń dollarǵa jýyq) barlyq shyǵynyn jergilikti bıznesmender kóteripti. «Mańaıdaǵy bir­qatar eldi mekenderdiń tur­ǵyndary qarjy jınaýǵa qatysty», dep jazady The People’s Daily. Maonyń altynmen aptalǵan alyp tulǵasy provınsııanyń Týn ýezindegi aýyl sharýashylyǵy alqaptarynyń ústinen joǵarydan qarap tur. О́tken ǵasyrdyń 50-shi jyldarynyń sońynda Henan provınsııasy Mao júrgizgen saıa­sattyń saldarynan bolǵan ash­tyqtyń zardabyn kóbirek tart­qan eken. Qazir osy oqıǵaǵa baılanysty Qytaı áleýmettik je­lilerindegi pikirler ekige jary­lyp tur. Olar­dyń birqatary eskertkishtiń qoıylatyn jeriniń nege bul mańaıdyń tańdalyp alynǵanyna qatty tańdanys bildiredi. Olar buǵan jumsalǵan qarjynyń odan da góri mańyzdy nársege ja­ratylǵanyn jón sanaıdy. Buǵan qarsy ekinshi jaq Maonyń egistik alqaptyń qaq ortasyn jaryp salynǵan eskertkishi KHR-diń birinshi tóraǵasyna kórsetilgen úlken qurmet ekenin aýyzǵa alady. Olar munyń keshegi kósem kelbetin máńgi este sqaldyrýdyń laıyqty tásili ekenine esh kúmán keltirmeıdi. Qytaıdyń qazirgi lıderi Sı Szınpın bolsa, Maonyń kezinde birshama qatelikter jibergenimen, uly tarıhı tulǵa bolyp qala be­retinin aıtady. Damır QOJAMQUL.