Qyzylordada oblystyń bas meshiti kúrdeli jóndeýden ótti

QYZYLORDA. 11 qańtar. Qyzylorda qalasyndaǵy oblystyń bas meshiti demeýshilik esebinen kúrdeli jóndeýden ótti. Ǵımarattyń kúmbezi árlenip, ıslam qaǵıdattary boıynsha aıattar jazyldy. Bul týraly egemen.kz tilshisi habarlady. Qazirgi zamanǵa saı jylytý qazandyqtary, beınebaqylaý, órtke qarsy dabyl qurylǵylar ornatyldy. Namaz bólmeleriniń edenine jylý júıeleri júrgizilip, kilemderi aýystyryldy. Sondaı-aq, meshit janynan dárethana salynsa, ashananyń ǵımaraty naýryz aıynda aıaqtalatyn bolady. Aıta ketý kerek, búginde «Nur-Múbárak» ýnıversıtetinde Syr óńiriniń 48 shákirti bilim alýda. Onyń ishinde 11 stýdenttiń oqý aqysy men jataqhanasyna bıýdjetten tys kózder arqyly qarjylaı demeýshilik jasalynyp, óńir meshitterin joǵary bilimdi teologtarmen qamtamasyz etý máseleleri sheshimin taýyp keledi. Bıyl aqpan aıynan bastap atalǵan ýnıversıtettiń magıstratýrasyn grantpen bitirgen 2 stýdent Qazaly, Qarmaqshy aýdandarynda qyzmet atqarady. Qalǵan stýdentter bilim alyp elge oralǵannan keıin dinı turaqtylyqty saqtaýǵa óz úlesterin qosatyn bolady. Jalpy oblystaǵy 157 meshitte bir aı boıy máýlit merekesine oraı túrli sharalar uıymdastyrylatyn bolady. Erjan Baıtiles. Derek, sýret: egemen.kz.