Almatylyq kompanııalar shetel naryǵyna shyǵa bastady

ALMATY. 11 qańtar. Almatydaǵy turmystyq hımııa ónimderin shyǵaratyn «Avrora» óndiristik kesheni» jaýapkershiligi shekteýli seriktestigi TMD elderine eksportqa shyqty. Bul týraly egemen.kz tilshisi habarlady. Dezınfeksııalyq quraldardy eksporttaý úderisi Indýstrııalandyrý Kartasy aıasynda júzege asyrylýda. Bul kúnde «Avrora» kosmetıkalyq ónimderdiń 45 túrin, turmystyq hımııanyń 50 túrin shyǵarady. Taýar túrleriniń baǵa saıasatyndaǵy dálizi otandyq tutynýshylardyń suranysyna oraı eseptelgen. Atalǵan kompanııanyń bas dırektory Danııar Alshanbaevtyń aıtýynsha, 640 mıllıon teńgeni quraıtyn joba jylyna 10 800 tonna ónim shyǵaratyn óndiristik sıkldy tolyq qamtamasyz etedi. Jańa óndiristik jeli 0,27 gektardy alyp jatyr jáne onda bastapqyda  0 jumys orny jasaqtalǵan. «Avrora» óndiristik kesheni» seriktestigi 2010 jyly qurylǵan. Al 2011 jyly farmasevtıka salasynyń «Dezınfeksııalaıtyn quraldar shyǵaratyn eń úzdik qazaqstandyq óndirýshi» syılyǵyn alǵan. Osy arada kompanııanyń búkil jańa ónimderi nıderlandtyq kompanııamen birge jasaqtalǵanyn aıta ketý qajet. Dál qazirgi kúnderi kompanııa shtatyndaǵy qyzmetkerler sany 250 adamnan asty. Aınash Esalı. Derek, sýret: egemen.kz.