ASTANA. 11 qańtar. Qarýly Kúshterdi gıdrometeorologııalyq aqparatpen qamtamasyz etý úshin arnaıy basqarma quryldy. Bul týraly egemen.kz tilshisi habarlady.
Gıdrometeorologııalyq qamtamasyz etý Qazaqstan Respýblıkasy Qarýly Kúshterinde jedel aqparattandyrýdyń bir túri bolyp tabylady. Bul málimetter áskerı tehnıkany tıimdi qoldaný, ártúrli is-sharalardy oryndaý úshin aýa raıy jaǵdaıyn paıdalaný úshin qajet.
Sońǵy onjyldyqta birqatar qarýly shıelenisterde qarýlanýdyń sapaly turǵydaǵy jańa quraldary negizinde kúresýdiń jańa úlgileri iske asyryldy. Oqshaýly soǵys pen qarýly janjaldardyń taldaýy joǵary dál qarý men oraǵytylǵan jaýyngerlik is-qımyldar dáýirinde qarý-jaraq pen áskerı tehnıka úzdiksiz jetildirilip turatynyn kórsetedi. Alaıda, olardy qoldanýdyń tıimdiligi kóbinese gıdrometeorologııalyq jaǵdaılarǵa baılanysty bolady. Osyǵan oraı, áskerlerdi gıdrometeorologııalyq qamtamasyz etý máseleleriniń mańyzdylyq dárejesi ulǵaıýda.
Elimizdiń qorǵanys qabilettiligin nyǵaıtý máseleleri eń aldymen, jańa tehnologııalardy engizýmen tikeleı baılanysty.
Gıdrometeorolog áskerı qyzmetshiler Qarýly Kúshteri gıdrometeorologııalyq bólimsheleriniń jasaqtalýyn baqylaıdy, meteorologııalyq málimetti jınaıdy, taldaıdy jáne áskerlerge taratady, avıasııalyq oqıǵalardy, teńizde júzý jáne keme qatynasynyń qaqtyǵystary men qaýipsizdigin tergep-tekserýge qatysady, sondaı-aq QR QK-niń gıdrometeorologııalyq bólimshelerinde ǵylymı-ádistemelik jáne ónertapqysh jumysty júrgizedi.
Dastan Kenjalın.
Derek, sýret: Qazaqstan Respýblıkasy Qorǵanys mınıstrligi.
