«Allo» nemese mahabbattyń ádemi áńgimesi (vıdeo)

– Allo! – Allo! Bul kim? – Kimdi izdediń? – Tanydyń ba? – Juldyz ba ediń? – Iə, seniń juldyzyńmyn, Jan ashpaǵan syrdy izdedim. – Keshirińiz! Kim edińiz? – Bir sulýdyń tiregimiz, Əzir boıdaq, basymyz bos… – Bos orynǵa gúl egińiz! Sońǵy kezde túsirilgen klıp­terdiń ishinde ázili de, máni de, ádemi sıýjeti de bar «Allo» kóp­tiń kóńilinen shyqqany daýsyz. Bir jaǵynan aqboz atty hanzadasyn kútken boıjetken týraly ertegige de uqsaıtyn beınebaıanda bári bar. Aýyldyń arýy men qaladaǵy juldyz jigittiń uıaly telefondaǵy án-dıalogynan jastyq, sulýlyq, armandar men mahabbat ta tabylady. Kózge ottaı basylatyn tanys sýretter ánshilerimen qosylyp, qazirgi bozbala men boıjetkenderdiń búkil tilekterin áldıleıdi. Qysqasy, qazirgi zamannyń ertegisi. Ne desek te aıaqtal­ǵan jyl­­da Serik Ibragımov­tiń oryn­daýyndaǵy «Jaıaý», Qaırat Nurtas pen Janar Duǵalova salǵan «Sen meni túsinbediń», Beıbit Kóshqalıev aıtatyn «Qaıtesiń ózgeni», «MuzArt» tobynyń «Je­ńeshem» ánderimen qatar «Allo» da op-ońaı hıtqa aınaldy. Nege? О́ıtkeni, maǵynasyz jylaýyq ánderden jalyqqan tyńdarmanǵa sózderi qulaqqa qonatyn, sazy oınaqy «Allo» unap tur. Atalmysh ánge kóp uzamaı túsirilgen klıp te shyndyqqa janasady. Romantıka bar. Anaıylyqtan ada. Sonymen, klıp tyńdar­man­daryna jol tarta salysymen áleýmettik jelidegi belsendi qa­ýym­nyń pikirleri kóbinese «Ánniń avtorlary kim eken? Jylaýyq ánderden sharshaǵan, estigisi kel­meıtin adamdarǵa jaqsy eken». «Beınebaıannyń ózi de qandaı jaqsy! О́mirden oıyp alǵan bir kórinisteı eken shynymen». «Áni de, sózi de unady. Tek «Kel, syrlasaıyq, Kel, syrlasaıyq, Qosylǵan solaı kóp egiz» degen je­rin tek jigit aıtýy kerek pe edi dep oılaımyn» degendeı turǵyda órbidi. «Búkil Qazaqstan «Allo» dep «azan» shaqyryp turǵandaı... Tún­niń jarymy... Alystan «Al­lo» jetip jatyr», dep jaz­dy Feısbýktegi óz paraqshasynda О́mir Shynybekuly. О́zgeler ke­listi. – Bul ánniń eleńdetetin erekshe bir tarıhy joq. Biraq qazirgi estradada oryndalyp júrgen ánderden basqasha bir shyǵarma jasaǵymyz keldi. Qarap otyrsaq, mahabbat jaıly ánderdiń bári bir birine uqsas bolyp barady. Biz solarǵa uqsamaıtyn tyń taqyrypqa baryp, sol baǵytta jumys jasadyq. Ánshilerdiń arasynan qazaqy ánder aıtatyn Erke Esmahandy tańdap aldyq. Sózi men sazy jazylǵanda oryndaýshylardyń daýysy, ımıdji eskerildi, – deıdi Tóreǵalı Tóreáli. «Bizdiń «Allo» áni men oǵan túsirilgen beınebaıan xalyqtan «jaq­sy» degen baǵa alyp jatyr! Osy baǵany alý úshin eńbek ettik, demek maqsatqa qol jetkizdik!» dep jazdy Erke Esmahan óziniń jeke áleýmettik paraqshasynda. Al klıp tanymal prodıýser Baıan Esentaeva men Tóreǵalı Tóreáliniń ákesi Tóráli Tóle­povtiń ıdeıasymen túsirilgen. Ánniń sózin jazǵan aıtys aqyny Qaınar Alakózov, ánin jazǵan Qural Moljanov. Osy arada osy eki talanttyń tandeminen, ıaǵnı Qaınar Alakózov pen Qural Moljanovtyń shyǵar­mashylyq odaǵynan ózge de tanymal ánder týǵanyn aıtý kerek. Máselen, Tóreǵalı Tóreáli oryndap júrgen «Bol janymda», Nurbolat Abdýllın shyrqaıtyn «Súıgeniń qaıda?» ánderi osy kún­deri eń tanymal hıt ánderdiń qatarynda. Osylaısha ánshi Erke Es­ma­hannyń erkeligi, tusaýyn aıtys kesken talant Tóreǵalı Tóre­áliniń jańa dýeti kópshilikke unady. О́ner aıdynyndaǵy jańa­lyqtardan qulaǵy túrik jandar sońǵy ýaqytta bul daryndar dýet túrinde sahnaǵa kóbirek shyǵyp júrgenin baıqaǵan da bolar. О́zi de aıtysta hıt bolǵan án­derge parodııa jasap júrip, az ýaqytta estrada tórinen oryn alǵan Tóreǵalı Tóreáliniń aıtýynsha, ol bar bolǵany 4 jasynda alǵash ret Naýryz merekesinde kóptiń aldynda óner kórsetken. Baıqońyrdyń balasy, Tóretam­nyń týmasy ónerpaz ákesine erip júrip, tuńǵysh ret 7 synypta «Áke men bala» klıpine túsipti. Qyzylorda óńirinde tanymal áýletten shyqqan ánshiniń tyńdarmandaryna áli de aıtary kóp. Ol jaı oryndaýshy emes, aqyn jigit. Qudaı bergen sahnalyq kelbeti men ambısııasy bar. Al «Jeke ómirim týraly munan bylaı eshkimge aıtpaımyn» dep ózine ózi talap qoıǵan ánshi Erke Es­mahan Baıan Esentaevanyń «Shine Stars Production» prodıýserlik ortalyǵyndaǵy arýlardyń biri. «Ińkár» tobynyń quramynan shyqqan ánshi qazir ózi sahnaǵa jeke shyǵyp júr. Erkeniń daýysy men kelbetine tyńdarmandary daý aıta almaıdy. Atyma zatym saı bolsyn deı­tin qaǵıdany ustanatyn Er­ke Esmahannyń jeke shyǵar­mashylyǵy «Ińkár» tobynan keıin bastaldy. Baıan Esentaevanyń qoldaýymen «Aısha Bıbi» áni­ne túsirilgen beınebaıan ony tyńdarmandaryna kádimgideı tanytty. «Ánshi bolmasam, ánshi bolar edim» deıtin Erke Esmahan ómirde aqyldy, baısaldy adam, baqytty ana bolýǵa tyrysady. Aınash ESALI, «Egemen Qazaqstan». ALMATY.