Aqmola oblysynda jańa zamanaýı keshen ashyldy

KО́KShETAÝ. 18 qańtar. Aqkól aýdanynda maıly jáne dándi daqyldardy keptirip, tazartatyn jáne saqtaıtyn jańa zamanaýı keshen saltanatty jaǵdaıda ashyldy.  Bul týraly egemen.kz tilshisi habarlady. «Pegas» JShS kesheniniń qurylysy eki kezeń boıynsha júzege asyrylýda. Jańa kásiporynnyń qýaty – 30 myń tonna. Jalpy nysan árqaısysy 3 000 tonnany quraıtyn 10 shuńqyr qutydan turatyn bolady. О́tken jyldyń qazan aıynda jobanyń birinshi kezeńi júzege asyrylyp, 5 shuńqyr quty ornatylǵan, búginde bular tolyq jumysqa qosyldy. Al, jobanyń ekinshi kezeńin 2016 jyldyń qazan aıynda iske qosý josparlanǵan.  Avtomattandyrylǵan jańa keshen jelileri Reseı jáne Túrkııa elderinen jitkizildi. Kásiporynda 12 adam jumys isteıdi, olardyń ortasha aılyq jalaqysy 100 myń teńgeden asady. Quny 500 mıllıon teńgeni quraıtyn bul zamanaýı nysan kompanııanyń jeke qarajatyna salynǵan. Memleket basshysy aımaqtardyń áleýetin arttyrý úshin aýyl sharýashylyǵy óndirisin ártaraptandyrý qajettigin alǵa tartqany belgili. Aqmola oblysynda osy tapyrmany oryndaý maqsatynda byltyr 245,2 myń gektar maıly daqyldar, 193,9 myń gektarǵa jemshóptik, 18,37 myń gektarǵa kartop jáne 4,4 myń gektarǵa kókónis daqyldary egilgen. Saltanatqa qatysqan óńir basshysy Sergeı Kýlagın kásiporyn ujymyna sáttilik tiledi. Eske sala keteıik, aýyl sharýashylyǵy daqyldaryn saqtaý jáne keptirýdi qamtamasyz etý úshin 2015 jyly óńirde 14 jańa keshen paıdalanýǵa berilse, 2016 jyly taǵy da osyndaı 8 jańa nysan iske qosylady dep kútilýde. Baqbergen Amalbek. Derek, sýret: egemen.kz