ALMATY. 18 qańtar. Almatyda alǵash ret 2007 jyly qaladan ońtústik baǵytqa júretin avtobýstar men jolaýshylar úshin paıdalanýǵa berilgen avtobeket belgili sebeptermen saýda ortalyǵyna aınalyp ketken. О́tken jyldyń aıaǵyna jaqyn qujatyn qaıta rásimdegen «Úshqońyr» avtobeketi qaıtadan iske kiristi. Bul týraly egemen.kz tilshisi habarlady.
Almaty qalasyn damytýdyń 2020 jylǵa deıingi baǵdarlamasyna sáıkes úlken qalanyń aınalasyna qazirgi zamanǵa saı úsh avtobeket salynýy tıis edi. Qala jáne oblys ákimdiginiń sheshimimen «Úshqońyr» avtobeketi ońtústik baǵyttaǵy baratyn jáne sol jaqtan keletin avtobýstar men jolaýshylardy qabyldaıtyn bir avtobekettiń mindetin atqarýdy moınyna aldy. «Úshqońyrdyń» bolashaqta soltústik baǵyt avtobýstary men jolaýshylarǵa qyzmet kórsetýi týraly másele qaralýda.
Kútý zaly 2101 adamǵa arnalǵan avtobeket bir mezgilde 200 avtobýsqa qyzmet kórsete alady. Qazirgi tańda Qyzylorda, Túrkistan, Shymkent, Taraz qalalarynan kelgen avtobýstar jańa avtobeketke turaqty túrde ornyǵyp jatyr. Jolaýshylarǵa tórt baǵyt baıynsha – «Saıran» avtobeketi, eki temirjol vokzaly men Almaty áýjaıyna Qaskeleń avtobýs parkiniń 50 «Gazel» mıkroavtobýsy men 40 oryndyq jaıly úsh avtobýs qyzmet kórsetedi. Sondaı-aq bulardyń qataryna almatylyq №303 jolaýshylar avtobýsy qosyldy.
Jolaýshylarǵa qyzmet kórsetetin ashanalar men qonaqúılerdiń esigi aıqara ashyldy.
Talǵat Súıinbaı.
Derek, sýret: egemen.kz.
